Bilik Fondu udilərlə birlikdə Novruz bayramına həsr olunmuş “dəyirmi masa” keçirib
Azərbaycan Respublikasının Prezidenti yanında Bilik Fondu Qəbələ rayonun Nic qəsəbəsindəki Alban-Udi xristian dini icmasının icma mərkəzində qəsəbə icra nümayəndəliyinin, bələdiyyə və icma üzvlərinin iştirakı ilə Novruz bayramına həsr olunmuş “dəyirmi masa” keçirib.
Tədbirdə Bilik Fondunun qəsəbədə təşkil etdiyi "Azərbaycan dilini öyrənirik" kursunun müəllimi, araşdırmaçı filoloq Şahid İslamovun "Udi və azərbaycanlıların milli adət-ənənələrində paralellər və Novruzun qarşılanması ənənələri" mövzusunda mühazirəsi dinlənilib.
Bilik Fondundan AZƏRTAC-a bildirilib ki, sonra qəsəbədə yaşayan azərbaycanlı, udi və ləzgilərin təmsilçiləri çıxış ediblər. Onlar ölkəmizdə milli azlıqların adət-ənənələrinin qorunub saxlanıldığını, dövlətimizin qayğısı sayəsində daha da zənginləşdiyini faktlarla diqqətə çatdırıblar. Qəsəbədəki müqəddəs Yelisey kilsəsinin keşişi bildirib ki, Novruz mərasimləri sovet dövründə qadağan edilsə də, hər ailədə gizlicə keçirilirdi.
Nic Mədəniyyət Mərkəzinin direktoru Vitali Köçəri kilsənin fəaliyyət göstərdiyi 16 il ərzində bu məkana ilk dəfə səmənilər gətirildiyini qeyd edərək multikultural tədbirin təşkilatçılığına və məzmunlu məruzəsinə görə Ş.İslamova qəsəbə sakinləri adından təşəkkürünü bildirib.
Tədbirdə Bilik Fondunun "Azərbaycan dilini öyrənirik" kursunun müdavimi Sevan Makarov udi şairi Aşot Udinoğlunun "Mənim baharım" şeirini Azərbaycan dilində söyləyib və bu ifa dinləyicilərin böyük marağına səbəb olub. Bununla yanaşı, Ehməd Məmmədli özünün "Novruz gəlir" şeirini söyləyib.
Milliyətcə ləzgi olan Evəz Məmmədov isə tədbirdə 12 Novruz adəti və ilaxır çərşənbələrin mahiyyəti haqqında danışıb.
Qəsəbə sakini Valod Gülmalov Bilik Fondunun təşkilatçılığı ilə Qəbələdə müxtəlif məzmunlu maarifçilik tədbirləri keçirildiyini xatırladaraq qurumun pasxa bayramı ərəfəsində daha bir məzmunlu görüşün gerçəkləşməsinə dəstək verməsini xahiş edib.
Sonda iştirakçılar kilsədə Azərbaycanın işıqlı gələcəyi naminə xoş niyyət və diləklərlə bayram şamları yandırıb, Novruz şirniyyatı süfrəsi ətrafında söhbət ediblər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
Ramil Quliyevdən zədədən qayıtdıqdan sonra İLK
04 May
Everesti fəth etmək üçün icazələrin sayı azalacaq
04 May
Azərbaycan Premyer Liqasında XXXIII tur start götürür
04 May
Azərbaycan millisinin baş məşqçisi püşkü dəyərləndirib
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!