Bəzi insanların məsuliyyətsiz davranışları karantin rejiminin sərtləşdirilməsini vacib edir
“İki ilə yaxındır ki, bütün dünyanı ağuşuna alan, ölkələrin sosial həyatına və iqtisadiyyatına ağır fəlakətlər yaşadan COVID-19 pandemiyası həyatımızdan getmək istəmir. Virusun meydana çıxan yeni formaları bu pandemiyanı tarixin arxivinə göndərməyə maneçilik törədir”.
Bu fikirləri AZƏRTAC-a açıqlamasınada Azərbaycan Milli Elmlər Akademiyasının akademik Əli Quliyev adına Aşqarlar Kimyası İnstitutunun icraçı direktoru, kimya elmləri doktoru, dosent Əfsun Sucayev deyib.
O bildirib ki, koronavirusu yaradan səbəblər aradan qaldırılmayınca bu gözəgörünməyən canlılarla birgə yaşamağa, onlardan qorunmağa məcburuq: “Hazırda bu xəstəliklə bağlı ortaya çıxan acı mənzərə ondan ibarətdir ki, sağlamlıq keşikçilərimiz ancaq nəticənin aradan qaldırılmasına çalışırlar. Ancaq tarixi təcrübə göstərir ki, koronavirusa qədər yayılmış bir çox qorxulu xəstəliklərə o zaman tam qalib gəlmək mümkün olub ki, nəticə yox, xəstəliyi doğuran səbəblər aradan qaldırılıb. Ona görə düşünürəm ki, bu istiqamətdə dünya alimlərinin təbiblərlə birlikdə genişləndirəcəkləri multidisiplinar elmi-tədqiqatlar COVID-19-un yaranma və yayılma səbəblərinin tamamilə aradan qaldırılmasına xidmət edəcək və o zaman da insanlar bu xəstəlikdən keçmişdə olmuş hadisə kimi danışa biləcəklər”.
Kimyaçı alim qeyd edib ki, respublikamız koronavirus pandemiyası elan ediləndən sonra beynəlxalq çağırışlara ilk reaksiya verdiyi üçün ona qarşı effektiv mübarizə aparmaq mümkün olub. İstər virusa yoluxanların, istər dünyasını dəyişənlərin statistikasını digər ölkələrlə müqayisə etsək görərik ki, ən uğurlu nəticələr Azərbaycanda qeydə alınıb. Vətəndaşlarımızın sağlamlığı, təhlükəsizliyi və iqtisadi təminatı istiqamətində görülən tədbirlər bir tərəfdən pandemiyanın aradan qaldırılmasına, daha geniş auditoriyaya yayılmasının qarşısını almağa xidmət edirdisə, digər tərəfdən pandemiyanın insanlarımızın həyat səviyyəsinə təsirlərini minimuma endirmək məqsədi daşıyırdı: “Bu, ölkənin iqtisadi gəlirlərinin böyük həcmdə azalması hesabına başa gəlsə də, ölkəmizdə insan həyatının ən ali dəyər olduğu anlamına gəlir. Ancaq bu mübarizə o zaman daha nəzərəçarpacaq effekt verir ki, vətəndaşlarımız birlik nümayiş etdirir, qoyulan qaydalara həm özləri tam riayət edir, həm də ictimai təsir vasitələri ilə digərlərinin qaydalara əməl etməsini təmin edirlər. Amma təəssüf ki, bu sahədə gözləntilər özünü doğrultmur. Məsuliyyət məsələsini düşünməyənlər düşünənlərimizdən çoxdur. Hamı sərbəst həyat istəyir. Heç kəs istəmir ki, məhdudiyyətlər, sərt karantin rejimi olsun. Lakin bu məhdudiyyətlərin olmaması üçün bizdən tələb olunan həyati vacib tələbləri də yerinə yetirmək istəmirik. Bizdən xəstəliyə qarşı vaksin olunmaq, qapalı məkanlarda qoruyucu vasitələrdən istifadə etmək, məsafə saxlamaq tələb olunur. Biz isə bunları insanların azad, sərbəst yaşamalarına müdaxilə kimi dəyərləndiririk. Amma unuduruq ki, hər kəs bu virusun daşıyıcısı ola bilər, özünün immuniteti yüksək olduğu üçün xəstəliyə yoluxmaya bilər, lakin digər ünsiyyətdə olduğu immuniteti zəif olan başqa bir adamı yoluxdurub, onun həyatına son qoya bilər”.
O vurğulayıb ki, son yumşalmalardan sonra insanlarımız bu virusun varlığını sanki unudublar. Bunun nəticəsidir ki, yoluxanların sayı dördrəqəmli, ölüm sayı ikirəqəmli olub. Bu, artıq həyəcan siqnalıdır: “Çünki xəstəxanalarda ağır xəstələrin sayının artması ciddi problemlər yaradacaq. Bu neqativ halla rastlaşmamaq üçün sərt karantin tədbirlərin tətbiqi yeganə çıxış yolumuz olacaq. Vətəndaş olaraq hamımızın bir nəfər kimi üzərimizə düşən vəzifələri yerinə yetirməliyik, məsuliyyətli davranmaqla xəstəliyin yeni dalğa halını almasına mane olmalıyıq. Avtobuslarda, ticarət, alış-veriş mərkəzlərində və digər qapalı məkanlarda sosial məsafə gözlənilmir, maska taxmaq unudulub. Belə məsuliyyətsiz davranışlar sosial təcrid məsələsini, karantin qaydalarının sərtləşdirilməsini vacib edir”.
Əfsun Sucayev diqqətə çatdırıb ki, hazırda virusa qarşı ən effektiv mübarizə üsulu vaksinləşmənin bütün əhalini əhatə etməsidir. Bu gün yoluxanların 95 faizindən çoxu vaksin olunmayanlardır. Tək bu fakt vaksinasiyanın nə qədər əhəmiyyət kəsb etdiyini söyləməyə əsas verir.
“Müşahidələr göstərir ki, vaksin olunan şəxs virusa yoluxduğu halda onun xəstəliyi ağır keçirməsi və ölüm riski olmur. Bu səbəbdən də insanlarımızı vaksinasiya prosesində fəal olmağa, öz sağlamlıqlarını qorumağa və cəmiyyətin təhlükəsizliyi üçün qoyulan qaydalara riayət etməyə çağırıram. Bu qaydalara əməl etməmək yoluxmada təhlükəli həddin yaranmasına, sərt karantin qaydalarının yenidən bərpasına yol aça bilər. Ölkəmizdə epidemioloji vəziyyətin necə dəyişməsi bu istiqamətdə qəbul ediləcək qərarlara birbaşa təsir göstərəcək. Yoluxma sayının optimallaşdırılması üçün hər birimizin vaksinasiya prosesində fəal iştirakımız vacibdir. Yalnız qaydalara əməl etmək və peyvənd olunmaqla normal həyata qayıtmaq mümkündür”, - deyə Əfsun Sucayev qeyd edib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"Su təchizatı və tullantı suları haqqında" Azərbaycan Respublikasının Qanununda dəyişiklik edilməsi ...
02 May
"Su təchizatı və tullantı suları haqqında" Azərbaycan Respublikasının Qanununda dəyişiklik edilməsi ...
02 May
"Media haqqında" Azərbaycan Respublikasının Qanununda dəyişiklik edilməsi barədə
02 May
Azərbaycan Respublikasının Mülki Prosessual Məcəlləsində, Azərbaycan Respublikasının Ailə Məcəlləsin...
02 May
Azərbaycan Respublikasının Mülki Məcəlləsində və "İpoteka haqqında" Azərbaycan Respublikasının Qanun...
02 May
"Azərbaycan Respublikasının Mülki Prosessual Məcəlləsində, Azərbaycan Respublikasının Ailə Məcəlləsi...
02 May
Azərbaycan Respublikası Əmək və Əhalinin Sosial Müdafiəsi Nazirliyi tabeliyində Sosial Xidmətlər Age...
02 May
Rusiya Federasiyası ilə mədəni əməkdaşlığın perspektivləri nəzərdən keçirilib
01 May
Mədəniyyət naziri rusiyalı həmkarı ilə görüşüb
01 May
VI Mədəniyyətlərarası Dialoq Forumu xarici mətbuatın diqqət mərkəzində
01 May
DİQQƏT ÇƏKƏNLƏR
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
Möhkəm təmələ əsaslanan müttəfiqlik24 Aprel 2024
ÇOX OXUNANLAR
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
Azərbaycan və Rusiya prezidentlərinin Baykal-Amur Magistralının 50 illik yubileyi münasibətilə dəmir...22 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!