Bakıda təməli qoyulan yeni əməkdaşlıq formatı
Torpaqlarımızın işğaldan azad olunması ilə nəticələnən Vətən müharibəsi həm də Azərbaycanın Türkiyə və Pakistanla münasibətlərində yeni səhifə açdı.
Bu iki dövlət Vətən müharibəsi günlərində Azərbaycana göstərdikləri yüksək siyasi-mənəvi dəstəklə dostluq və qardaşlığın əsl nümunəsini ortaya qoydular. Vətən savaşı həm də bu üç dövləti bir-birinə daha yaxın etdi. İyul ayının 27-də imzalanan Bakı Bəyannaməsi göstərdi ki, Azərbaycan, Türkiyə və Pakistan üçtərəfli formatda da uğurlu əməkdaşlıq həyata keçirirlər.
Milli Məclisin deputatlarının açıqlamaları da bu barədədir.
Birgə əməkdaşlıqda yeni mərhələ
İsa HƏBİBBƏYLİ,
AMEA-nın vitse-prezidenti,
Milli Məclisin deputatı, akademik:
- Azərbaycanın Vətən müharibəsi - Qarabağ savaşı zamanı birbaşa etibarlı dəstəyini əyani şəkildə gördüyü Türkiyə Cümhuriyyəti və Pakistan İslam Respublikası ilə əlaqələri postmüharibə dövründə daha da inkişaf edib möhkəmlənməsidir. Bu mənada Azərbaycan, Türkiyə və Pakistan Parlamenti sədrlərinin qarşılıqlı əməkdaşlıq haqqında müqavilə imzalamaları ölkələrimizin Prezidentləri səviyyəsində formalaşdırılmış qarşılıqlı etimad şəraitinin parlament sədrləri səviyyəsində də davam etdirilməsinə təminat verir. Üç dost dövlətin spikerlərinin Bakı görüşləri, müzakirəyə çıxarılan məsələlər və əldə olunan nəticələr parlamentlərarası əlaqələrin qarşısında duran ortaq vəzifələrin müəyyən olunması və həyata keçirilməsinin təşkili baxımından mühüm əhəmiyyətə malikdir. Parlamentlərarası əməkdaşlıq müqavilələrinin Bakı Bəyannaməsi adlandırılması diqqətin daha çox Bakıya cəlb edilməsindən başqa, üçtərəfli görüşlərin təşkilində, proseslərin irəli aparılmasında Bakının üzərinə düşən vəzifələrin məsuliyyətini də bir daha artırır.
Bakı Bəyannaməsi Azərbaycan, Türkiyə və Pakistan arasında parlamentlər səviyyəsində yeni bir siyasi dialoq üçün geniş meydan açır.
Bakı Bəyannaməsi siyasi əhəmiyyətinə və məqsədlərinə görə Azərbaycan-Türkiyə və Pakistan Parlamentarilərinin Şuşa Bəyannaməsidir.
Azərbaycanın, Türkiyənin və Pakistanın parlamentləri sədrlərinin imzaladıqları bu Bəyannamə parlamentlərarası dostluq qruplarının, parlamentlərarası münasibətlərin daha da inkişaf etdirilməsində yeni mərhələ açacaq və fərqli bir inkişaf səviyyəsinə nail olmaq üçün geniş imkanlar yaradacaq. Bu sənəd ölkələrimiz arasındakı dostluq və əməkdaşlığı, müttəfiqliyi daha da inkişaf etdirmək üçün yeni əməkdaşlıq platformasıdır.
Bakı Bəyannnaməsi sülh, əməkdaşlıq, birlik və həmrəylik Bəyannaməsi kimi gələcək inkişaf üçün böyük perspektivlər açır.
Bakı Bəyannaməsi regionun gələcək inkişafına mühüm töhfə verəcək
Tahir MİRKİŞİLİ,
Milli Məclisin İqtisadi siyasət, sənaye və sahibkarlıq komitəsinin sədri:
- Milli Məclisdə Azərbaycan, Türkiyə və Pakistan parlament sədrlərinin üçtərəfli görüşündə imzalanan Bakı Bəyannaməsi tarixi və strateji bir hadisədir. Azərbaycan, Türkiyə və Pakistan xalqları tarixboyu yaxın və dost münasibətdə olublar. Hər üç ölkənin dövləti və xalqı çətin zamanlarda daim bir-birilərinə dəstək göstəriblər. Bu üç ölkənin xalqlarını bir-biri ilə qardaşlıq, ülvi hisslər və etibarlılıq birləşdirir. Prezident İlham Əliyevin rəhbərliyi ilə güclü Azərbaycanın mövcudluğu hər üç ölkənin bir-biri ilə daha etibarlı şəkildə bağlanmasını təmin etməkdədir.
Bəyannamədə dövlətlərimiz və millətlərimiz arasında mövcud olan əlaqələrin daha da dərinləşdirilməsi üçün üç ölkə arasındakı parlamentar dialoqun və əməkdaşlığın gücləndirilməsinin vacibliyinin qeyd olunması əlaqələrin daha da şaxələnəcəyini deməyə əsas verir. Milli Məclisin Sədri Sahibə Qafarovanın bu il Pakistana rəsmi səfəri zamanı əlaqələrin daha da gücləndirilməsi üçün parlamentin rolu geniş müzakirə olunmuş və bu istiqamətdə fəaliyyətin daha da güclənməsinin zəruriliyi qeyd edilmişdir. Eyni zamanda hər 3 ölkənin parlamenti tərəfindən vahid və əlverişli inkişaf çərçivəsi üzərində işin aparılması da günümüzün tələbidir. Regionda sülhün, təhlükəsizliyin, sabitliyin qorunub saxlanması üçün hər 3 dövlətin səylərinin birləşdirilməsinin vacibliyi də Bakı Bəyannaməsində xüsusi vurğulanır. Beynəlxalq təşkilatların bu məsələlərdə aciz qaldığı bir dövrdə regionun 3 əsas və güclü dövlətinin bu missiyanı öz üzərinə götürmək səyi təqdirəlayiq haldır və regiondakı bütün xalqların marağına xidmət edir.
Azərbaycanın 44 günlük Vətən müharibəsində öz torpaqlarını işğaldan azad etməsi ilə Ermənistanın işğalçılıq siyasətinə sarsıdıcı zərbə vurması Bəyannamədə bir daha belə qüvvələrə imkan verilməməsi üçün birgə fəaliyyətin təşkilinin vacibliyinin qeyd olunmasını təmin edib. Digər tərəfdən bütövlükdə, beynəlxalq qanunlara hörmət, hər kəsin inkişafı üçün ədalətli şəraitin yaradılması Bəyannamənin əsas xətlərindən birini təşkil edir. Eyni zamanda Azərbaycanın təşəbbüskarı olduğu nəqliyyat, ticarət, enerji layihələrində, xalqlar arasında təmas, təhsil, sosial və mədəniyyət, turizm, elm və rabitə texnologiyalarında regional müstəvidə daha yaxın əməkdaşlıq qurmaq səylərində hökumətlərə parlamentlərin ətraflı dəstək vermək çağırışı da Bakı Bəyannaməsinin əsas xətlərindən biridir.
Bakı Bəyannaməsi regionun gələcək inkişafında və dünyada öz layiqli yerinin daha da möhkəmlənməsinə mühüm töhfəsini verəcək. Şuşa Bəyannaməsinin imzalanması ilə regionda başladılan yeni bir mərhələ Bakı Bəyannaməsi ilə daha da şaxələndi. Baş verən bütün bu proseslər isə qardaş xalqlarımızın gələcək inkişafı və daha da güclənməsi üçün çox mühüm və strateji bir planın ilk mərhələsidir.
Dost və qardaş ölkələr arasında Bakı Bəyannaməsinin imzalanması strateji əhəmiyyət daşıyır
Siyavuş NOVRUZOV,
Milli Məclisin Regional məsələlər komitəsinin sədri:
- Azərbaycan 44 günlük Vətən müharibəsində Prezident, Müzəffər Ali Baş Komandanın rəhbərliyi ilə möhtəşəm qələbə qazanaraq öz ərazi bütövlüyünü təmin etdi və tarix yazdı. Bu tarixi zəfəri təmin edən çox mühüm amillərdən biri də dost və tərəfdaş dövlətlərin ölkəmizə mənəvi-siyasi dəstəyi oldu. Bu sırada Türkiyə və Pakistan dövlətlərinin xüsusi yeri və müstəsna rolu ayrıca qeyd edilməlidir.
Ümumiyyətlə, ölkəmizlə dostluq və qardaşlıq münasibətlərinə malik olan hər iki güclü dövlətin Azərbaycanın ərazi bütövlüyünün təmin olunması məsələsində mövqeyi hər zaman ədalətli və qətiyyətli olub. Həm Türkiyə, həm də Pakistan istər 30 ilə yaxın davam edən işğal dövründə, istər İkinci Qarabağ savaşı zamanı, istərsə də postmünaqişə mərhələsində Azərbaycanın suverenliyinə, ərazi bütövlüyünə və haqlı mövqeyinə prinsipial dəstək ifadə ediblər. Bu, Azərbaycan xalqı və dövləti tərəfindən olduqca yüksək qiymətləndirilir.
Yeni mərhələdə hər üç dövlət müxtəlif sahələrdə əməkdaşlığın dərinləşdirilməsində, bir-birinin milli maraqlarının beynəlxalq müstəvidə qorunmasında güclü siyasi iradə nümayiş etdirir. Bu istiqamətdə mühüm təklif və təşəbbüslər irəli sürülür, konkret addımlar atılır.
Azərbaycan Respublikasının Milli Məclisinin parlamentlərarası üçtərəfli əməkdaşlıq formatının təsis edilməsi təşəbbüsünü irəli sürməsi, təşəbbüsün Türkiyə və Pakistan tərəfindən müsbət qəbul olunması bu baxımdan xüsusi əhəmiyyət daşıyır.
Təməli qoyulan üçtərəfli parlamentlərarası əməkdaşlıq formatı çərçivəsində parlament sədrlərinin birinci üçtərəfli görüşünün yekunlarına dair Bakı Bəyannaməsinin imzalanması isə strateji önəm daşıyır. Bu, ölkələrimiz arasında tarixi əhəmiyyətə malik dostluq, qardaşlıq münasibətlərinin daha da möhkəmləndirilməsinə, strateji tərəfdaşlıq əlaqələrinin gücləndirilməsinə əlavə təkandır.
Eyni zamanda Azərbaycan-Türkiyə-Pakistan münasibətlərinin inkişafı regional və beynəlxalq təhlükəsizliyə, əməkdaşlığa ciddi töhfədir. Əminliklə söyləmək olar ki, ölkələrimiz bundan sonra da müxtəlif sahələrdə işbirliyini uğurla davam etdirməklə yeni tarixi nailiyyətlərin altına imza atacaqlar!
Rəşad CƏFƏRLİ,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!