Azərbaycan Prezidenti İlham Əliyev Sabunçu, Nizami, Suraxanı, Nəsimi və Qaradağ rayonlarında orta ümumtəhsil məktəblərinin əsaslı təmir və yenidənqurmadan sonrakı vəziyyəti ilə tanış olmuşdur
Azərbaycan Respublikasının Prezidenti İlham Əliyev sentyabrın 14-də Bakının Sabunçu, Nizami, Suraxanı, Nəsimi və Qaradağ rayonlarında orta ümumtəhsil məktəblərinin əsaslı təmir və yenidənqurmadan sonrakı vəziyyəti ilə tanış olmuşdur.
2011-2013-cü illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramında bu il üçün nəzərdə tutulmuş tədbirlər planına uyğun olaraq paytaxtın orta ümumtəhsil məktəblərində əsaslı təmir və yenidənqurma işləri davam etdirilir.
Azərbaycan Prezidenti İlham Əliyev əvvəlcə paytaxtın Sabunçu qəsəbəsindəki 170 nömrəli orta ümumtəhsil məktəbində aparılan təmir və yenidənqurma işləri ilə tanış oldu. Burada həyata keçirilən əsaslı təmir və bərpa işləri barədə dövlət başçısına məlumat verildi. Bildirildi ki, 170 nömrəli məktəbin binasının birinci korpusu 1928-ci ildə inşa edilib və hospital kimi fəaliyyət göstərib. 1932-ci ildə isə fəaliyyətini 120 şagird yerlik orta məktəb kimi davam etdirib. İkinci korpusun inşasından sonra isə məktəbdə 420 şagirdin təhsil alması üçün şərait yaradılıb. Hazırda 170 nömrəli məktəbdə 900 şagird təhsil alır. Dərslər iki növbədə tədris olunur. Ümumi sahəsi 1425 kvadratmetr olan məktəbdə dövlət proqramına uyğun olaraq əsaslı təmir və yenidənqurma işləri ən müasir tələblərə uyğun şəkildə həyata keçirilib.
* * *
Sabunçu qəsəbəsindəki 170 nömrəli orta ümumtəhsil məktəbində aparılan təmir və yenidənqurma işləri ilə tanışlıqdan sonra dövlət başçısı Nizami rayonundakı Kamil Əliyev adına 61 nömrəli məktəbə gəldi. Burada həyata keçirilən əsaslı təmir və yenidənqurma işləri ilə bağlı Prezident İlham Əliyevə məlumat verildi. Bildirildi ki, 61 nömrəli məktəbin binası 1965-ci ildə inşa edilib. Binanın ümumi sahəsi 4030 kvadratmetrdir. 960 şagird yerlik məktəbdə 650 şagird təhsil alır. Məktəbin binası dövlət proqramına uyğun olaraq həyata keçirilən tədbirlər planı çərçivəsində əsaslı şəkildə təmir olunub, tədris üçün lazımi şərait yaradılıb. Məktəbin yerləşdiyi küçəyə yeni asfalt örtüyü döşənib, ətraf ərazi abadlaşdırılıb.
* * *
Sonra Prezident İlham Əliyev Suraxanı rayonundakı Bünyadəli Qulamoğlu adına 285 nömrəli orta ümumtəhsil məktəbində həyata keçirilən əsaslı təmir və yenidənqurma işlərindən sonra yaradılmış şəraitlə tanış oldu. Təmir və bərpa işləri barədə Prezident İlham Əliyevə məlumat verildi. Bildirildi ki, məktəbin binası 1990-cı ildə inşa edilib. 1396 şagird yerlik 285 nömrəli məktəbdə 930 şagird təhsil alır. Dövlət proqramı çərçivəsində məktəb əsaslı şəkildə yenidən qurulub, ayrı-ayrı sinif otaqları, fənn kabinetləri, laboratoriyalar müasir standartlara uyğun şəkildə təmir olunub və lazımi avadanlıqla təchiz edilib. Məktəbin iki örtülü və iki açıq idman meydançası da yüksək səviyyədə yenidən qurulub. Məktəbin yerləşdiyi küçəyə yeni asfalt döşənib, təhsil ocağının ətrafı abadlaşdırılıb.
Daha sonra Prezident İlham Əliyev Nəsimi rayonundakı 44 nömrəli məktəbdə həyata keçirilən əsaslı təmir və yenidənqurma işləri ilə tanış oldu. Görülən işlərlə bağlı dövlət başçısına məlumat verildi. Bildirildi ki, 44 nömrəli məktəbin binası 1922-ci ildə hərbi hospital kimi inşa edilib. Məktəbin ikinci korpusu isə 1980-ci ildə istifadəyə verilib. 1100 şagird yerlik məktəbdə 470 şagird təhsil alır. Əsaslı təmirə başlamazdan əvvəl məktəbin binası qəza vəziyyətində idi. Ümumi sahəsi 6700 kvadratmetr olan binada təmir və bərpa işləri ən müasir standartlara uyğun şəkildə həyata keçirilib. Yenidənqurma işlərindən sonra məktəb lazımi tədris avadanlığı ilə təchiz edilib. Təmir edilmiş bütün məktəblərdə olduğu kimi, burada da müasir kompyuter sinifləri yaradılıb, sinif otaqlarında isə yeni partalar və elektron lövhələr quraşdırılıb. Məktəb müasir istilik sistemi ilə təmin edilib.
* * *
Nəsimi rayonundakı 44 nömrəli məktəbdə həyata keçirilən əsaslı təmir və yenidənqurma işləri ilə tanışlıqdan sonra Prezident İlham Əliyev Qaradağ rayonunun Lökbatan qəsəbəsindəki 139 nömrəli orta məktəbə gəldi. Dövlət başçısına məlumat verildi ki, bu məktəbin birinci korpusu 1957-ci ildə inşa olunub. 2006-cı ildə isə yardımçı korpus istifadəyə verilib. Şagird sıxlığı nəzərə alınaraq 2011-ci ildə dövlət proqramına uyğun olaraq 16 əlavə sinif otağı və bir yeməkxana inşa olunub. Bundan əlavə, ümumi ərazisi 3000 kvadratmetr olan məktəbin əvvəlki iki korpusunda da əsaslı şəkildə təmir və bərpa işləri aparılıb. 1,2 hektar həyətyanı sahədə abadlaşdırma tədbirləri həyata keçirilib. Fənn kabinetləri, sinif otaqları ən müasir səviyyədə yenidən qurulub, kompyuter sinfi yaradılıb. 139 nömrəli məktəbdə də müasir istilik sistemi quraşdırılıb.
Məktəbdə aparılan təmir və yenidənqurma işləri ilə tanışlıqdan sonra dövlət başçısı Lökbatanda qəsəbədaxili yollarda həyata keçirilən işlərlə də tanış oldu. Yenidənqurma işləri barədə Prezidentə məlumat verildi. Bildirildi ki, 173 min 600 kvadratmetr qəsəbədaxili yol sahəsinə ikiqat asfalt örtüyü döşənib, 24 min kvadratmetr yol sahəsinə isə asfalt döşəmək üçün hazırlıq işləri başa çatıb. Bundan əlavə, Lökbatan qəsəbəsində 252 min kvadratmetr qəsəbədaxili yol sahəsinin asfaltlaşdırılması da nəzərdə tutulur. Qəsəbədaxili küçələrdə yol xətləri təzələnib, işıq dirəkləri yeniləri ilə əvəz edilib, müasir işıqlandırma sistemi quraşdırılıb. Piyadaların gediş-gəlişi üçün səkilər abadlaşdırılıb.
Görülən işlərlə yaxından tanış olan Prezident İlham Əliyev müvafiq tapşırıqlarını verdi.
AzərTAc
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!