Bir vaxtlar hər evdə 72 faiz məişət sabunundan istifadə olunardı, amma zamanla bu sabunlar öz yerini rəngli, ətirli və müxtəlif formalı yeni sabunlara verdi. Lakin qiymət baxımından da sərfəli olan 72 faiz sabunun təkcə təmizlik üçün deyil, həm də sağlıq baxımından faydalı olması danılmazdır.
- Saçlarınızın uzanmasını, kəpəkdən canınızın qurtulmasını istəyirsinizsə, bu sabundan istifadə edin. Əvvəlcə saçlarınızı şampunla yuyun. Sonra 72 faiz sabunla saçlarınızı yuyub bir neçə damcı sirkə qatılmış su ilə yaxalayın. Bu, daha çox yağlı saçlar üçün uyğundur.
- Epilyasiyadan sonra həssas dərinin qıcıqlanmaması üçün lazım olan bölgəni bu sabun köpüyü ilə yuyun.
- Həftədə iki dəfə üzünüzü bu sabunla yuyun. Onda dəriniz cavanlaşacaq. Ancaq sonra uşaq kremi çəkməyi unutmayın. Effekti inanılmazdır.
- Bu sabunu suda həll edin, pambığı batırıb burnunuzun ucunu silin. Burun dəliklərini və burunətrafı nahiyələri məişət sabunu ilə tez-tez yusanız, mikroblar ölər.
- Göbələk xəstəliyinin sağalmasına yardım edir. Sabuna batırılmış fırça ilə həmin bölgəni yuyun, sonra yodlayın.
- Şişkinlik və qançırlar üçün 72 faiz sabunu suda həll edib həmin bölgəni silin. Gündə bir neçə dəfə təkrarlayın.
- Göyərmiş nahiyəyə buz qoymaqdansa, bu sabunu sürtməniz daha məqsədəuyğundur. Sabun zərbədən əmələ gəlmiş şişkinliyi və göyərməni aradan qaldırır.
- Günəş yanması zamanı göynəmə və qabığa qarşı 72 faizlik sabun müsbət təsir edir.
- Gecə yatarkən diş fırçasını sabunlu suda saxlayın. Bu üsulla onu dezinfeksiya etmiş olarsınız.
