Məkkə I Halal Forumunda Azərbaycan məhsulları tanıdıldı

Bu il yanvarın 23-25-dək Səudiyyə Ərəbistanının müqəddəs Məkkə şəhərində keçirilmiş "Məkkə Halal Forumu" Azərbaycanın investisiya imkanları, milli brendlərimizin təqdimatı baxımından uğurlu və yaddaqalan keçib. 
Məkkə Halal forumu bu gün "Halal sənayesində innovasiya" şüarı altında Səudiyyə Ərəbistanı Krallığının ticarət naziri zati-aliləri Dr. Məcid bin Abdullah Əl Qəsabinin himayəsi altında beşillik müavinət müqaviləsi tərəfdaşlarının (Məkkə Palatası, Mədinə palatası, İslam Ticarət və İnkişaf Palatası, Ciddə Palatası, Taif Palatası) təşkilatçılığı, İslam Palatası Halal Xidmətləri (ICHS), Səudiyyə Standartları, Metrologiya və Keyfiyyət təşkilatı və Səudiyyə Qida və Dərman İdarəsi ilə strateji tərəfdaşlıq əsasında işə başlayıb.
Yüksək səviyyədə təşkil olunan forum-sərgidə 57 üzvü olan İslam Ticarət və İnkişaf Palatasına üzv ölkələrin nümayəndə heyətləri daha fəal iştirak edirdi. Məkkə şəhərinin mərkəzində qurulan sərgiyə ümumilikdə 100-dən artıq ölkədən  3 min ziyarətçi qatılmışdı.  
Ölkəmizi bu sərgidə Azərbaycan Sahibkarlar Konfederasiyası təmsil edib. Konfederasiyanın prezidenti Məmməd Musayevin rəhbərlik etdiyi nümayəndə heyəti forum və sərgidə fəal iştirakı ilə fərqlənib. 
Səfər çərçivəsində Müqəddəs Məkkə Əl-Mükərrəmə bölgəsinin əmir müavini, şahzadə Səud bin Mişal bin Əbdüləziz nümayəndə heyətlərinin rəhbərlərini qəbul edib. Konfederasiyanın prezidenti ölkəmizdəki investisiya imkanları, İslam ölkələri ilə qarşılıqlı ticarət əlaqələrinin perspektivləri ilə bağlı məlumat verib. 
Ümumilikdə 10-dan çox panel, 250 ikitərəfli və çoxtərəfli iclasın keçirildiyi forumda halal sertifikatlaşdırmanın əhəmiyyəti, ən son standartlar, halal məhsul və xidmətlərin, eləcə də halal qidaların təhlükəsizliyini və orijinallığını təmin etmək üçün normativ bazalar haqqında müzakirələr aparılıb. Sessiyalarda halal turizmə müsəlman səyahətçiləri cəlb etmək imkanları, onların mədəni və dini ehtiyaclarına cavab verən istiqamətlərin təşviqi ilə yanaşı, İslam bankçılığı və halal investisiya alətləri ətrafında geniş diskussiyalar qurulub. 
Həmçinin halal kosmetika və fərdi qulluq məhsullarına tələbat vurğulanmaqla, halal kosmetika və fərdi qulluq mövzuları, inqrediyentlər, istehsal prosesləri və marketinq strategiyalarına dair təqdimatlar keçirilib. 
Forumun qonaqları müxtəlif sessiyalar vasitəsilə tədarük zənciri boyunca bütövlüyü qoruyaraq halal dərmanlar və səhiyyə, səhiyyə xidmətləri və tibbi etika problemi halal səhiyyə həlləri, halal logistika və tədarük zəncirinin əlavə edilməsi, o cümlədən halal logistika, nəqliyyat, saxlama və paylama sahəsində mövzulara toxunublar. 
Halal rəqəmsal iqtisadiyyat sahəsində forumun qonaqları elektron ticarət platformaları, rəqəmsal marketinq strategiyaları, blokçeyn tətbiqləri, halal sənayesində innovativ rəqəmsal həllər də daxil olmaqla halal və texnologiyanın kəsişməsinin miqyasını, eləcə də bacarıqlı işçi qüvvəsini inkişaf etdirmək, innovasiyaları təşviq etmək və halal sahəsində bilikləri artırmaq üçün halal təhsil, tədqiqat və təlim proqramlarının əhəmiyyətini vurğulayıblar. 
İslam Ticarət və İnkişaf Palatasının baş katibi Yusif Xələvi, Məkkədən başlayan forumun müxtəlif halal sənayesi istehsalçılarını bir araya gətirən böyük qlobal tədbirin keçirilməsi zərurətindən irəli gəldiyini bildirib və qeyd edib ki, bu il "Halal sənayedə kreativlik və innovasiya" şüarı altında keçirilən bu tədbir dünyanın müxtəlif ölkələrinin dövlət və özəl sektorlarını bir araya toplayıb.
Forumun ilk panelində Azərbaycan Sahibkarlar Konfederasiyasının Baş katibi Natəvan Məmmədova çıxış edib. O, Azərbaycanda halal standartların tətbiqi perspektivləri, bu sahədə görülən işlər, xüsusən də İslam Əməkdaşlıq Təşkilatı ilə qurulan əlaqələrdən danışıb, ölkəmizin yerləşdiyi əlverişli coğrafi mövqeyə toxunaraq, böyük müsəlman dövlətləri ilə həmsərhəd olduğunu vurğulayıb. Xüsusən də Orta Asiyada yaşayan 70 milyon müsəlmanla eyni kökə malik olduğunu, həmçinin Rusiya ərazisində yaşayan 30 milyona yaxın müsəlman xalqların daha çox cəmləşdiyi Cənubi Qafqazda yerləşdiyini nəzərə alsaq, Azərbaycana bu coğrafiyada "Halal təyinat nöqtəsi" kimi baxmağı təklif edib.
Məkkə Halal Sərgisindəki Azərbaycan stendi öz rəngarəngliyi və təqdimat forması ilə böyük maraq doğurub. Azərbaycan bayrağı altında fəaliyyət göstərən Azərbaycan Sahibkarlar Konfederasiyasının və Kiçik və Orta Biznesin İnkişafı Agentliyinin stendləri sərgi iştirakçıları tərəfindən ən çox ziyarət edilən stendlər olub. Stendlərdə qida və qeyri-qida məhsulları sərgilənib. Azərbaycan iqtisadiyyatı, ölkəmizin füsunkar təbiətini əks etdirən video-çarxlar böyük diqqət çəkib.
Qlobal İslam iqtisadiyyatının reallığına dair hesabata görə, 2024-cü ildə halal məhsullara dünya üzrə istehlak xərclərinin 2,4 trilyon dollara çatacağı gözlənilir.
İslam maliyyə sektoru siyahıya liderlik edir, ondan sonra sıralamaya görə qida və içki sektoru, əczaçılıq və tibb, sağlamlıq və kosmetika preparatları, həmçinin səyahət və turizm və digər halal sənaye məhsulları və xidmətləri gəlir. Digər sektorlara təhsil və səhiyyə daxildir.