04 Aprel 2023 11:59
3012
Səhiyyə
A- A+

İftardan sonra çəkilən siqaret fəsad verə bilər

 

Ramazan ayı bir ay müddətində yeyib-içməkdə müəyyən məhdudiyyətləri gözləməklə yanaşı, digər zərərli vərdişlərdən də əl çəkməyə imkan yaradır. Lakin tütün aludəçiləri olanlar iftarlarını açdıqdan dərhal sonra dalbadal siqaret çəkirlər. Mütəxəssislər bildirirlər ki, bu hal infarkt riskini təxminən on dəfə artırır.

AZƏRTAC xəbər verir ki, həkim-allerqoloq Ramin Nəriman bununla əlaqədar deyib: “Yeməkdən əvvəl çəkilən siqaret daha çox həzm traktına, mədənin selikli qişasına təsir edir, onkoloji xəstəliklərin yaranmasına səbəb olur. Siqaretin nə vaxt və hansı fasilədən sonra çəkilməsindən asılı olmayaraq, hər zaman orqanizmə neqativ təsir göstərir”.

Tütün məhsulları bütün orqan toxumalarını, ən tez və ən çox da ürək-damar, tənəffüs sistemlərini, ciyərləri, mədə-bağırsağı və böyrəkləri sıradan çıxarır.

“Siqaretin yaxın və uzaq fəsadları var. Yaxın fəsadlar siqareti çəkəndən dərhal sonra başlayır və damar daralmasına səbəb olur. Siqaretin uzunmüddətli təsiri ondan ibarətdir ki, damar divarının kirəcləşməsi ilə nəticələnir, orqan toxumalarının qidalanmasının pozulmasına, immun sisteminin fəaliyyətinin zəifləməsinə və digər xəstəliklərin yaranmasına münbit şərait yaradır”, - deyə həkim-allerqoloq bildirib.

İftar yeməyindən sonra gün boyu ac qalanların ürək döyüntüləri sürətlənir. Bu zaman siqaret çəkəndə qanda qatılaşma yaranır, damarlarda təzyiq artır. İftardan dərhal sonra çəkilən siqaret infarkt və damar tıxanıqlığı, beyin qanamasına səbəb ola bilər. Ona görə də siqaret aludəçiləri Ramazan ayında daha çox diqqətli olmalıdırlar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video