Çinin Fucien əyalətində ayaqqabı fabrikində baş verən güclü yanğın zamanı 28 nəfər həyatını itirib.
AZƏRTAC xəbər verir ki, bu barədə Çinin Fövqəladə Halların İdarə Edilməsi Nazirliyi məlumat yayıb.
Qeyd edək ki, Cincian şəhərində yerli vaxtla saat 12:00-da (Bakı vaxtı ilə 8:00) baş verən yanğın bir neçə saat sonra nəzarət altına alınıb. Hadisə yerinə 200-ə yaxın yanğınsöndürən və 35 xüsusi nəqliyyat vasitəsi cəlb olunub.
Hadisə yerində axtarış işləri davam edir.
İlkin ehtimala görə, yanğın fabrikin birinci mərtəbəsində başlayıb. Binadakı tezalışan ayaqqabı materialları alovun sürətlə yayılmasına səbəb olub.
***
Çinin Fucien əyalətində ayaqqabı fabrikində güclü yanğın baş verib.
AZƏRTAC Çin mediasına istinadla xəbər verir ki, Cincian şəhərində yanğın yerli vaxtla saat 12:00-da (Bakı vaxtı ilə 8:00) başlayıb.
Hadisənin şahidləri bəzi insanların yanğından xilas olmaq üçün binanın damına çıxdıqlarını deyiblər. Yanğın nəticəsində ölənlərin və xəsarət alanların olduğu bildirilir, lakin hələlik dəqiq say açıqlanmayıb.
Yanğın məhdudlaşdırılsa da, alovun qarşısını hələ də tam almaq mümkün olmayıb. Hadisə yerinə 200-ə yaxın yanğınsöndürən və 35 xüsusi nəqliyyat vasitəsi cəlb olunub.
İlkin ehtimala görə, yanğın fabrikin birinci mərtəbəsində başlayıb. Binadakı tezalışan ayaqqabı materialları alovun sürətlə yayılmasına səbəb olub.
Qeyd edək ki, Cincian şəhəri Çinin əsas ayaqqabı və geyim istehsalı mərkəzlərindən biridir. Bu şəhəri Çinin "ayaqqabı paytaxtı" adlandırırlar.
Çin Xalq Respublikasının Sədri Si Cinpin müvafiq qurumlara axtarış-xilasetmə əməliyyatının aparılması, hadisənin səbəblərinin araşdırılması ilə bağlı tapşırıq verib.
