Azərbaycanın Xorvatiyadakı səfirliyi tərəfindən Xorvatiyanın aparıcı Universitetlərindən olan Libertas Universitetində Ulu Öndər Heydər Əliyevin anadan olmasının 103-cü ildönümü münasibətilə tədbir keçirilib.
AZƏRTAC xəbər verir ki, tədbirdə çıxış edən Azərbaycanın Xorvatiyadakı səfiri Anar İmanov Ulu Öndər Heydər Əliyevin zəngin həyat və fəaliyyəti haqqında danışıb. Ulu Öndərin müdrik siyasəti və dönməz əqidəsi sayəsində ölkəmizdə milli dövlətçilik ideyasının formalaşdığını qeyd edib. Diplomat, eyni zamanda, Ulu Öndərin hakimiyyətə gəlişindən sonra Azərbaycanın sabitlik və inkişaf dövrünə qədəm qoyduğunu, ölkəmiz üçün həyati əhəmiyyət kəsb edən ciddi siyasi və iqtisadi islahatların həyata keçirilməsinə başlanıldığını, müstəqilliyimizin onun sayəsində əbədi və dönməz xarakter aldığını tədbir iştirakçılarının diqqətinə çatdırıb.
Ulu Öndər Heydər Əliyevin siyasi kursunun bu gün Azərbaycan Prezidenti İlham Əliyev tərəfindən uğurla davam etdirildiyini vurğulayan səfir, ölkəmizin müasir dövrdə əldə etdiyi çoxsaylı nailiyyətlər haqqında tədbir iştirakçılarına geniş məlumat verib. Səfir, Azərbaycanın müasir tarixində əsas hadisə olan 44 günlük Vətən müharibəsi zamanı Ali Baş Komandanın rəhbərliyi altında müzəffər Azərbaycan ordusunun öz əzəli torpaqlarını erməni işğalından azad etdiyini, 2023-cü ilin sentyabrında isə antiterror tədbirləri nəticəsində ölkənin ərazi bütövlüyünün tamamilə bərpa olunduğunu tədbir iştirakçılarının diqqətinə çatdırıb.
Tədbirdə, həmçinin Azərbaycan-Xorvatiya münasibətlərinə toxunulub, ölkələrimiz arasında dostluq və strateji tərəfdaşlıq əlaqələrinin uğurla inkişaf etdiyi bildirilib.
İştirakçılarının suallarını cavablandıran səfir, Azərbaycan tarixi və bugünkü reallıqları haqqında geniş məlumat verib.
Tədbirdə, Ulu Öndərin həyatı və fəaliyyəti haqqında fototəqdimat, həmçinin ölkəmizin tarixi və bugünkü reallıqları haqqında qısametrajlı film nümayiş etdirilib.
Görüşün sonunda universitetin kitabxanasına, habelə fakültənin müəllim və tələbələrinə ölkəmiz ilə bağlı ingilis və xorvat dillərində dərc edilmiş kitab və jurnallar hədiyyə edilib.
677jpg_1781134810.jpg)
jpeg_1781437407.jpeg)
