Xarici investorların Azərbaycan iqtisadiyyatına marağı artır
Azərbaycanın dinamik inkişafının təməlində dövlətin düşünülmüş, uzaqgörən siyasəti dayanır. Məhz bu siyasətin nəticəsində ölkədə güclü iqtisadiyyat qurulub. Son 15 ildə iqtisadi baxımdan Azərbaycan qədər inkişaf edən ikinci bir ölkə yoxdur. Odur ki, böhranlı illərdə də iqtisadi gücünü qoruya, vəziyyətdən az itkilərlə çıxa bilib.
Əvvəlki illərdə aparılan islahatlar müsbət nəticələr verir. Odur ki, bu ilin birinci yarısının göstəriciləri də ürəkaçandır. Altı ay ərzində ümumi daxili məhsul artıb. Qeyri-neft sənayesinin 8,8 faiz artması, dövlətin qarşıya prioritet kimi qoyduğu vəzifələrin müvəffəqiyyətlə yerinə yetirilməsi buna misal ola bilər. Kənd təsərrüfatı məhsullarının istehsalı ildən-ilə çoxalır. Bu, xüsusilə bitkiçilik sahəsində özünü göstərir. Vaxtilə gözdən salınmış, unudulmuş sahələr yenidən dirçəldilib. İndi Azərbaycan kəndlisi bol pambıq, üzüm, meyvə, tərəvəz, fındıq və s. yetişdirir. Nəticədə, ölkədə ərzaq təhlükəsizliyi yaranmaqla bərabər, ixrac potensialı da artıb. Hazırda Azərbaycanın xarici ticarətinin müsbət saldosu 4 milyard dollardan çoxdur. İxrac 34 faiz artıb. Bu artımda qeyri-neft məhsullarının ixracının payı getdikcə daha da çoxalır.
Nazirlər Kabinetinin 2018-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında son dövrlərin nailiyyətlərindən bəhs edilərkən neft-qaz sahəsində görülmüş işlərin tarixi əhəmiyyəti də vurğulanıb. İclasda Prezident İlham Əliyev bu ilin birinci yarısında görülmüş bütün işlərin ən yüksək qiymətə layiq olduğunu bildirib. Belə ki, bu sahədə tədbirlər qrafik üzrə müvəffəqiyyətlə həyata keçirilib.
İqtisadiyyatın inkişafının bünövrəsi 1994-cü ilin sentyabrında imzalanan “Əsrin müqaviləsi” ilə qoyulub. Ümummilli lider Heydər Əliyevin yeni neft strategiyasının Prezident İlham Əliyev tərəfindən uğurla davam etdirilməsi sayəsində Azərbaycanın neft-qaz sektoruna dünyanın marağı azalmır, əksinə, getdikcə artır. Yeni müqavilələrin imzalanması və yeni layihələrin həyata keçirilməsinin nəzərdə tutulması bunu əyani şəkildə göstərir.
Sözügedən iclasda Prezident İlham Əliyev bu barədə demişdir: “İndi bizim bütün neft infrastrukturumuz var. Biz 1994-cü ildə “Əsrin kontraktı”nı imzalayanda heç bir ixrac kəmərimiz yox idi. Bakı-Novorossiysk kəməri də sıradan çıxmışdı. Çox böyük vəsait qoyulmuşdur. Bu gün bizim Bakı-Supsa, Bakı-Tbilisi-Ceyhan, Bakı-Tbilisi-Ərzurum, TANAP kimi layihələrimiz var. TAP layihəsi icra edilir. Əlbəttə, bütün bu infrastrukturu biz yaratmışıq”.
Bu il mayın 29-da Səngəçal terminalında “Cənub qaz dəhlizi”nin rəsmi açılış mərasimi keçirilib. Azərbaycan qazını ölkəmizin və Gürcüstanın ərazisi boyu daşıyan, “Cənub qaz dəhlizi”nin mühüm seqmentlərindən olan Cənubi Qafqaz Boru Kəmərinin genişləndirilməsi müvəffəqiyyətlə başa çatdırılıb. Dəhlizin ehtiyat mənbəyi - “Şahdəniz” yatağının işlənməsinin ikinci mərhələsi çərçivəsində artıq Türkiyəyə qaz nəqlinə başlanıb. Xatırladaq ki, “Şahdəniz-2”nin ən yüksək sabit hasilat dövründə ildə 16 milyard kubmetr qaz verəcəyi gözlənilir. Bunun da 6 milyard kubmetri Türkiyə, 10 milyard kubmetri Avropa üçün nəzərdə tutulub. Ümumiyyətlə isə “Şahdəniz”in hasilatı birinci mərhələ də daxil olmaqla ildə 26 milyard kubmetr qaz və gündəlik 120 min barel kondensat həcminə çatdırılacaq. İyun ayında isə TANAP-ın (Transanadolu Qaz Boru Kəməri) açılışı olub.
Bunlar dünyada böyük əks-səda yaradan nəhəng layihələrdir. O cümlədən
TANAP-ın istifadəyə verilməsi mühüm əhəmiyyət daşıyır. Bu hadisə Azərbaycanın irəli sürdüyü qlobal layihələri gerçəkləşdirmək gücündə olduğunu, Türkiyə ilə tərəfdaşlığının yeni töhfələr verdiyini təsdiqləyir. TANAP həm də ona görə önəm daşıyır ki, Azərbaycan qazının Avropaya marşrutu bu kəmərin Türkiyədən keçdiyi yolun davamı olacaq.
Nazirlər Kabinetinin iclasında TANAP-ın nəzərdə tutulduğundan ucuz başa gəlməsi müsbət hal kimi qeyd edilib. Layihəyə 11 milyard dollar əvəzinə, 8 milyard dollar vəsait xərclənib. Bu isə həm məsuliyyət və nəzarətin güclü olması, həm də hər qəpiyin qiymətini bilmək, yəni qənaət deməkdir.
Hazırda TAP-ın (Transadriatik Qaz Boru Kəməri) çəkilişi davam edir. “Cənub qaz dəhlizi”nin sonuncu seqmenti olan bu kəmərin tikintisinin 2020-ci ildə başa çatacağı gözlənilir. TAP Yunanıstan, Albaniya və İtaliyanın ərazisindən keçəcək. Gələcəkdə isə Azərbaycan qazını dünyaya aparan yolların daha da şaxələndirilməsi, Xorvatiyaya, Monteneqroya, Bosniya və Herseqovinaya, daha uzaq ölkələrə çatacağı istisna edilmir.
Nazirlər Kabinetinin iclasında dövlət başçısı son illər ərzində aparılan islahatların bəhrə verdiyini və onların davam etdirilməsinin vacibliyini vurğulayaraq demişdir: “Əgər biz bu islahatları aparmasaydıq, bu qədər böyük iqtisadi uğurlara çata bilməzdik. Ancaq hesab edirəm ki, indiki dövrdə biz bu islahatları daha da dərinləşdirməliyik. Elə etməliyik ki, Azərbaycan iqtisadiyyatı uzunmüddətli, gələcəkdə dayanıqlı iqtisadiyyat kimi özünü göstərsin, neftdən, qazdan asılılıq daha da aşağı düşsün və qeyri-neft sektorunun inkişafı sürətlə davam etdirilsin”.
Göründüyü kimi, ölkə iqtisadiyyatı getdikcə şaxələndirilir. Neftdən, qazdan əldə olunan gəlirlər sayəsində digər sahələr də inkişaf etdirilir. Bununla belə, neft-qaz sektorunun özünə də maraq azalmır. Belə ki, Azərbaycanın yaratdığı beynəlxalq əməkdaşlıq və tərəfdaşlıq getdikcə daha da möhkəmlənir. Nazirlər Kabinetinin iclasında
SOCAR-ın yaxın vaxtlarda yeni müqavilələr imzalayacağı da bildirilib. Xarici investorlar ölkəmizin neft-qaz sektoruna böyük maraqla sərmayələr yönəldirlər və yenə də yönəltmək fikirləri var. Bu da səbəbsiz deyil, Azərbaycan sabit və güclü ölkədir.
Flora SADIQLI,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Fernando Lottenberq: Azərbaycanda antisemitizmin baş verməməsi tolerantlığın parlaq nümunələrindəndi...
04 May
Dövlət Xidməti: Bir sıra bank və müəssisələrə aid çoxsaylı konfidensial məlumatlar ödənişsiz platfor...
04 May
Argentinanın etiqad işləri üzrə katibi Azərbaycanda tolerantlığın qorunub saxlanılmasını yüksək qiym...
04 May
Xankəndidə bir həftə ərzində xeyli sayda silah-sursat və partlayıcı maddələr aşkarlanıb
04 May
Norveçli səyyahlar qrupu Xudafərin körpüsü ilə tanış olublar
04 May
“Azeri Light” markalı neft ucuzlaşıb
04 May
Dünyanın mərkəzi bankları ümumi qızıl ehtiyatlarını mart ayında 15 tondan çox artırıblar...
04 May
İlon Mask ABŞ dollarının dəyərsizləşəcəyi ilə bağlı xəbərdarlıq edib
04 May
ABŞ prezidentliyinə namizəd NATO-nun genişlənməsinə qarşıdır
04 May
Prezident İlham Əliyevin COP29 tədbiri ilə bağlı dəvət məktubları BMT-dəki daimi nümayəndələrə çatdı...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!