Xalqın iradəsinin ifadəsi
Müxalifət partiyalarının rəhbərləri Prezident İlham Əliyevin Rusiyadakı çıxışını işğalçıya və beynəlxalq təşkilatlara növbəti kəskin xəbərdarlıq kimi qiymətləndirirlər
Prezident İlham Əliyevin Rusiya Prezidenti Vladimir Putinin dəvəti ilə dünyada çox böyük nüfuza malik beyin mərkəzlərindən biri olan "Valday” Beynəlxalq Diskussiya Klubunun XVI illik iclasında iştirakı, orada səsləndirdiyi fikirlər və tezislər ölkəmizlə yanaşı, işğalçı Ermənistan və Rusiyanın kütləvi informasiya vasitələrinin də müzakirə mövzusuna çevrilib.
Ölkəmizdəki müxalifət partiyalarının rəhbərləri də qeyd edirlər ki, Azərbaycan Prezidentinin Dağlıq Qarabağ münaqişəsi ilə bağlı səsləndirdiyi həqiqətlər həm işğalçı ölkəyə, həm onun havadarlarına, həm də beynəlxalq təşkilatlara növbəti xəbərdarlıq mesajı idi.
Prezident tək Ermənistana deyil, onun havadarlarına da mesaj ünvanladı
Milli Məclisin deputatı, Böyük Quruluş Partiyasının başqanı Fazil Mustafa qəzetimizə açıqlamasında qeyd etdi ki, Prezident İlham Əliyevin "Valday” Beynəlxalq Diskussiya Klubunun iclasında səsləndirdiyi fikirlər ölkə ictimaiyyətinin dövlət başçısından gözləntisi idi: "Prezidentin çıxışı çox mükəmməl münasibət oldu. O baxımdan ki, dövlət başçısı prinsipial mövqeyini standart diplomatik terminlərlə deyil, obrazlı şəkildə dünyanın diqqətinə çatdırdı. Bununla da həm oradakı auditoriyaya, həm də münaqişənin həlli ilə bağlı məşğul olan beynəlxalq təşkilatlara, Ermənistanın himayədarlarına birmənalı şəkildə aydın oldu ki, Azərbaycanın Dağlıq Qarabağ siyasətində güzəştə getmək niyyəti yoxdur. Prezidentin dilindən də bu sözlərin səslənməsi Azərbaycan cəmiyyətində nikbinlik yaratdı. Çünki bu gün Qarabağ müvəqqəti işğal altındadır və bu, o demək deyil ki, Azərbaycan xalqı bu işğalla barışıb. Prezident İlham Əliyev də xalqın arzuladığı sözü elan etdi”.
Fazil Mustafanın sözlərinə görə, Prezidentin Azərbaycan həqiqətlərini Rusiya auditoriyasında səsləndirməsi də diqqət çəkən məqamdı. Çünki işğalçı Ermənistanın ən çox güvəndiyi auditoriya həmin məkandır: "Prezidentin bu ölkənin baş nazirinin sərsəm açıqlamasına tutarlı cavabı, eləcə də erməni hücumunun məhz Rusiya auditoriyasında dəf edilməsi fərqli bir başlanğıcın əsasını qoydu”.
Deputat hesab edir ki, bu çağırışa ilk növbədə həssaslıqla yanaşan Azərbaycan Ordusu olmalıdır. Çünki ordumuz hər zaman işğalçını torpaqlarımızdan qovmağa hazır olmalıdır ki, Ali Baş Komandanın hücum əmrinə böyük şövqlə, peşəkarlıqla yanaşsın.
Cənab İlham Əliyev həm də Paşinyana yerini göstərdi
"Ermənistanın baş naziri N.Paşinyanın Xankəndidəki məsuliyyətsiz "bəyanatından” sonra arada müəyyən bir qısa fasilə yarandı və ermənilərə elə gəldi ki, Azərbaycan heç dövlət səviyyəsində bu məsələyə reaksiya vermədi və çox güman ki, artıq xalq da işğalla barışır. Lakin Azərbaycan Prezidenti elə bir məqamda, elə bir məkanda xalqının mövqeyini sərgiləyən "Qarabağ Azərbaycanındır və nida işarəsi” ifadəsini işlətdi ki, bununla məsələyə kökündən son qoydu”.
Bu fikirləri isə bizimlə söhbətində Milli Məclisin deputatı, Vəhdət Partiyasının sədri Tahir Kərimli söylədi. Deputatın fikrincə, Azərbaycan Prezidentinin erməni baş nazirə cavabını dünyanın elm adamları və siyasilərinin, hərbçilərinin qatıldığı bir platformadan bəyan etməsi daha effektiv oldu. Bu fikirlərin Rusiyada səslənməsi Ermənistanı növbəti dəfə təşvişə saldı: "İlk növbədə onu vurğulamalıyıq ki, cənab İlham Əliyevin həmin beynəlxalq konfransa dəvət edilməsi Rusiya Prezidentinin Azərbaycan və Ermənistana olan münasibətinin təzahürü idi. Cənab İlham Əliyev faktlara əsaslanan çıxışı ilə bir daha Ermənistanın baş nazirinə yerini göstərdi. Digər tərəfdən orada iştirak edən siyasətçilər, beynəlxalq təşkilatların nümayəndələri, hərbi ekspertlər öz "hesablarını götürdülər”. Bir daha onlara bəlli oldu ki, Azərbaycan mövqeyindən geri çəkilən deyil. Prezidentin beynəlxalq təşkilatların qətnamələrinin kağız üzərində qalması ilə bağlı söylədiyi fikirlər də olduqca vacib məsələ idi”.
Deputat deyir ki, Azərbaycan Prezidentinin çıxışı Ermənistanın daxilində də narahatçılıq yaradıb. Bu ölkədə nəşr olunan "Ayna” qəzeti "Əliyevdən Paşinyana tutarlı cavab” başlıqlı yazısı ilə həqiqətləri etiraf etdi. Bu da onu göstərir ki, Azərbaycan Prezidentinin yürütdüyü siyasət, münaqişənin həlli ilə bağlı irəli sürdüyü təşəbbüslər Ermənistan əhalisi tərəfindən də qəbul edilir: "Bütün bunlar Prezident İlham Əliyevin hücum diplomatiyasının uğurlarıdır. Əgər indiyədək hücum diplomatiyası kursunu yerinə yetirirdiksə, artıq diplomatik fəaliyyətimizi "Qarabağ Azərbaycanındır və nida işarəsi” üzərində qurmalı, səylərimizi daha da gücləndirməliyik”.
Lazımi vaxtda və yerdə olan çıxış
Milli Məclisin deputatı, Demokratik İslahatlar Partiyasının sədri Asim Mollazadə də qəzetimizə açıqlamasında dedi ki, Prezident İlham Əliyevin "Valday” Beynəlxalq Diskussiya Klubunun XVI illik iclasındakı çıxışı Azərbaycan xalqının iradəsinin ifadəsi idi: "Cənab İlham Əliyevin bu çıxışı Azərbaycanın dünyaya mesajı idi. Dövlət başçısı bəyan etdi ki, biz torpaqlarımızın işğalı ilə barışmayacağıq. Eyni zamanda Prezident beynəlxalq təşkilatların da nəzərinə çatdırdı ki, beynəlxalq hüquq normalarını kobud surətdə pozmaq, ona laqeyd yanaşmaq olmaz. Çünki bu cür yanaşma gələcəkdə bir sıra münaqişələrə rəvac vermiş olacaq. Ona görə də qəbul edilmiş qətnamələr kağız üzərində qalmamalıdır. Ölkələr də hüququn aliliyi prinsipinə uyğun hərəkət etməlidirlər ki, digər dövlətlər ibrət götürsünlər”.
Deputatın sözlərinə görə, cənab İlham Əliyevin dünyanın bir sıra ölkələrinin liderlərinin, aparıcı mütəxəssislərinin qarşısındakı nitqi lazımi vaxtda və yerində olan çıxış idi. Bunu hətta Ermənistanda da etiraf edirlər.
Azərbaycanla Rusiya arasında olan münasibətlərə gəlincə isə, Asim Mollazadə qeyd etdi ki, ölkəmiz, Ermənistan istisna olmaqla qonşu dövlətlərlə hər zaman səmimi, dostluq münasibətləri qurub, həm siyasi, həm iqtisadi əməkdaşlığın inkişafında maraqlı olub. Bu gün də Azərbaycan-Rusiya arasındakı münasibətlər inkişaf mərhələsindədir. Hər iki ölkə çoxşaxəli əmakdaşlıqda maraqlıdır. Prezident İlham Əliyevin də "Valday” Beynəlxalq Diskussiya Klubunun iclasına dəvət edilməsi isə Rusiya Prezidenti ilə Azərbaycanın dövlət başçısı arasında olan möhkəm dostluq və dövlətlərarası strateji tərəfdaşlıq münasibətinin real təzahürüdür.
Rəşad BAXŞƏLİYEV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Fernando Lottenberq: Azərbaycanda antisemitizmin baş verməməsi tolerantlığın parlaq nümunələrindəndi...
04 May
Dövlət Xidməti: Bir sıra bank və müəssisələrə aid çoxsaylı konfidensial məlumatlar ödənişsiz platfor...
04 May
Argentinanın etiqad işləri üzrə katibi Azərbaycanda tolerantlığın qorunub saxlanılmasını yüksək qiym...
04 May
Xankəndidə bir həftə ərzində xeyli sayda silah-sursat və partlayıcı maddələr aşkarlanıb
04 May
Norveçli səyyahlar qrupu Xudafərin körpüsü ilə tanış olublar
04 May
“Azeri Light” markalı neft ucuzlaşıb
04 May
Dünyanın mərkəzi bankları ümumi qızıl ehtiyatlarını mart ayında 15 tondan çox artırıblar...
04 May
İlon Mask ABŞ dollarının dəyərsizləşəcəyi ilə bağlı xəbərdarlıq edib
04 May
ABŞ prezidentliyinə namizəd NATO-nun genişlənməsinə qarşıdır
04 May
Prezident İlham Əliyevin COP29 tədbiri ilə bağlı dəvət məktubları BMT-dəki daimi nümayəndələrə çatdı...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!