Ümumdünya Səhiyyə Təşkilatı (ÜST) cümə günü ölümcül Nipah virusunun Hindistandan yayılma riskinin aşağı olduğunu bildirib və səyahət və ya ticarət məhdudiyyətlərini tövsiyə etmədiyini əlavə edib. Bildirilib ki, Hindistanda cəmi iki yoluxma halı qeydə alınıb.
AZƏRTAC xəbər verir ki, Honkonq, Malayziya, Sinqapur, Tailand və Vyetnam bu həftə virusun yayılmasının qarşısını almaq üçün hava limanında yoxlamanı gücləndirən Asiya ölkələri arasındadır.
“ÜST bu iki haldan infeksiyanın daha da yayılma riskini aşağı hesab edir”, -deyə “Reuters” cümə günü elektron poçtunda bildirib və əlavə edib ki, Hindistan bu cür yoluxma hallarını cilovlamaq gücünə malikdir.
“Hazırda insandan-insana ötürülmənin artmasına dair heç bir dəlil yoxdur”, -deyə ÜST-nin bəyanatında bildirilir. Təşkilat, həmçinin cavab tədbirlərini Hindistan səhiyyə orqanları ilə əlaqələndirdiyini əlavə edib.
Lakin bu bəyanat Hindistanın və qonşu Banqladeşin bəzi ərazilərində yarasa populyasiyaları arasında yayılan virusun daha geniş yayılmasını istisna etmir.
Yarasalar və donuzlar tərəfindən daşınan virus qızdırma və beyin iltihabına səbəb ola bilər. Onun ölüm nisbəti 40%-dən 75%-ə qədər dəyişir və hazırda peyvəndlər hazırlansa da, müalicəsi yoxdur.
Virus yoluxmuş yarasalardan və ya çirklənmiş meyvələrdən insanlara keçir, lakin insandan-insana ötürülməsi çətindir, çünki yoluxmuş şəxslərlə uzunmüddətli təmas tələb olunur.
Kiçik epidemiyalar qeyri-adi deyil və virusoloqlar ümumi əhali üçün riskin aşağı olaraq qaldığını deyirlər.
ÜST-nin məlumatına görə, infeksiyanın mənbəyi hələ də tam bəlli deyil.
jpg_1769767543.jpg)
jpg_1769763104.jpg)
