Soyuğa qarşı allergiya
Şaxtalı-qarlı qışı, soyuq havanı sevənlər çox olsa da, onu sevməyənlər, hətta ondan narahat olanlar da var. Söhbət soyuğa qarşı allergiyası olanlardan gedir. Onların bir çoxu orqanizmdə olan dəyişikləri allergiya ilə əlaqələndirmir və onu digər pozulmalarla izah edirlər. Nəticədə həmin xəstələr uzun müddət müxtəlif xəstəxana və klinikalara üz tutur, lazımsız müalicələr alırlar.
Bununla əlaqədar olaraq Uşaq Bərpa Müalicə Mərkəzinin həkim-allerqoloqu Pərvanə Hüseynova AZƏRTAC-ın müxbirinə deyib: ”Tibb aləmində soyuq son illər allergen kimi qəbul olunmağa başlayıb. Həkimlər həmin prosesi çox vaxt allergiya yox, psevdoallergiya adlandırırlar.
Adətən allergen dedikdə müxtəlif maddələr-toz, yun, heyvan tükü, bitki tozcuqları, bəzi qidalar və s. nəzərə tutulur. Lakin soyuq “maddə” deyilsə, onda niyə allergik reaksiyalara səbəb olur? Həkimlərin fikrincə, soyuq orqanizmdə müəyyən proseslərə təkan verir və nəticədə allergiyaya bənzər reaksiya inkişaf edir.
Soyuğa qarşı allergiyası olanlarda zökəm, burun tutulması və asqırma baş verir. Lakin isti şəraitdə həmin simptomlar itir və sanki “sağalır”. Həmin allergiya növünün digər simptomu dəridə inkişaf edən müxtəlif pozulmalardır; dəri səpir, qaşınır, quruyur, qabıq verir, üzərində açıq və ya tünd qırmızı ləkə və çatlar əmələ gəlir. Ağır vəziyyətlərdə dərinin açıq hissələrində - əl, üz və qulaqlarda dəri ödemləşməsi baş verir, bir sıra hallarda diz və budların iç hissəsinin dərisi zədələnir. Soyuğun təsiri nəticəsində inkişaf edən həmin proses dermatitdir”.
Allerqoloq söhbətinə davam edərək deyib: ”Dermatit kompleks şəkildə müalicə olunmalıdır. Müalicə zamanı periferik qan dövranını yaxşılaşdıran, antihistamin preparatlar, vitamin və digər vasitələrdən istifadə olunur. Ağır vəziyyətlərdə həkim müəyyən hormonal preparatlar təyin edir.
Şaxtalı havalarda dodaq dərisinin qızarması, dodaq çatlaması, qabıq verməsi, dodaqların kənarlarında yara əmələ gəlməsi soyuğa qarşı allergiya əlamətidir. Həmin əlamətlər inkişaf edəndə küçəyə çıxmazdan əvvəl profilaktik məqsədlə dodaqlara gigiyenik dodaq boyası və ya kriokrem çəkmək, lazım gələndə həkimin məsləhəti ilə xüsusi vitamin, antihistamin preparatlar və s. qəbul etmək olar.
Soyuq nadir hallarda hətta ən ağır allergik reaksiya sayılan anafilaktik şoka da səbəb ola bilər. Güclü soyuqlama nəticəsində baş verən həmin proses zamanı arterial təzyiq kəskin şəkildə aşağı düşür, nəfəsalma çətinləşir, hətta bayılma halları olur. Lazım olan tibbi yardım göstərilməyəndə ölüm halı da baş verə bilər. Soyuğa qarşı allergiyası olanlara arıqlamaq və digər müalicəvi məqsədlərlə kriosaunadan istifadə etmək olmaz. Əks halda anafilaktik şok inkişaf edə bilər”.
Həkim-allerqoloq söhbətə yekun vuraraq deyib: ”Digər allergiya növləri kimi soyuğa qarşı allergiya daha çox immunitetin zəifləməsi zamanı inkişaf edir. Düzgün qidalanmaq, kifayət qədər yatmaq və dincəlmək, stress vəziyyətlərdən uzaq olmaq, idman etmək, təmiz havada gəzmək, orqanizmdə olan kariyes, haymorit və s. kimi xroniki infeksiya ocaqlarını vaxtında və düzgün müalicə etmək xəstəliyin profilaktikası sayılır”.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!