Qazaxda şəhid mayor Namiq Əhmədovun ailəsinə xüsusi diqqət yetirilir
Azərbaycan xalqı torpaqlarını işğal edən Ermənistana qarşı daim barışmaz mövqedədir. Bütün cəbhəboyu mərd oğullarımız mənfur düşmənlə üz-üzə dayanaraq qəhrəmancasına mübarizə aparır.
Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin ordumuzun güclənməsi və möhkəmlənməsi üçün göstərdiyi diqqət və qayğı öz uğurlu nəticələrini verir. Tarixə ordumuzun gücünün, xalqla ordunun vəhdətinin, vətənpərvərliyinin göstəricisi kimi düşən Aprel döyüşləri, həmin döyüşdə igid oğullarımızın bizlərə bəxş etdikləri qələbə bunun bariz nümunəsidir.
Hər zaman ölkəmizə qarşı məkrli niyyətdə olan, Azərbaycanın torpaqlarına göz dikən Ermənistan öz çirkin, bəd əməllərini bu gün də davam etdirir. Bunun ən son nümunəsini cari il iyulun 12-də Azərbaycanın Tovuz rayonu istiqamətində gedən döyüşlərdə bir daha gördük. Düşmən öz niyyətinə çata bilmədi. Silahlı Qüvvələrimizin döyüş hazırlığı, mənəvi-psixoloji ruhu, bölmələrimizin yüksək hazırlığı sayəsində Ermənistan hərbçilərinin hücumlarının qarşısı sərt şəkildə alındı. Düşmənə qarşı tətbiq olunan dəqiq və dağıdıcı gücə malik silahlar, həmçinin əsgər və zabitlərimizin qəhrəmanlığı erməni vandallarını itki verərək geri çəkilməyə məcbur etdi. Düşmən çoxlu sayda canlı qüvvəsini və texnikasını itirdi.
Dövlət başçısı, Ali Baş Komandan İlham Əliyev hər zaman olduğu kimi, bu dəfə də Vətən uğrunda canlarından keçən qəhrəmanlarımızı uca tutdu, onların fədakarlıqlarını yüksək qiymətləndirdi, ailələrinin qayğısına qaldı. İyulun 15-də Prezident İlham Əliyevin döyüş zamanı müdafiənin ön xəttində qəhrəmancasına şəhid olmuş general-mayor Polad Həşimovun anası Səmayə xanım və polkovnik İlqar Mirzəyevin oğlu Elvin ilə telefonla danışması, başsağlığı verməsi, eləcə də Qəbələ şəhərinin küçələrinin birinin generalın adını daşımasını tapşırması və digər tədbirlər bir daha onu göstərdi ki, şəhidlərimizin xatirəsi hər zaman əziz tutulur, ən əsası da ailələri tək deyil, onların yanında Azərbaycan xalqı, dövləti və ölkə rəhbəri var.
Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyeva da şəhidlərimizin ailələrini tək qoymadı, onlara qayğı göstərdi. Mehriban xanımın tapşırığına əsasən fond nümayəndələri Sumqayıt şəhərində general-mayor Polad Həşimovun, Bakı şəhərində polkovnik İlqar Mirzəyevin ailələrini ziyarət etdi. Onların Ağstafa, Tovuz, Qazax, İsmayıllı, Biləsuvar və Masallı rayonlarında şəhid ailələrinə baş çəkməsi, Tovuz rayonu istiqamətində şəhid olan hərbçilərin ailə üzvlərinin bütün qayğılarının Mehriban xanım Əliyevanın tapşırığına əsasən daim fondun nəzarətində olması bir daha onu sübut edir ki, Azərbaycan dövləti Vətən uğrunda canlarını fəda edən igid oğullarını heç zaman unutmur, unutmayacaq da.
Ölkə Prezidentinin iyulun 12-dən başlayaraq Tovuz rayonu istiqamətində gedən döyüşlərdə düşmən hücumunun qarşısını alarkən həyatlarını Vətən uğrunda qurban verən şəhidlərimizə olan ehtiramı, şəhidlərimizin ailə üzvlərinin daim diqqət mərkəzində saxlanılması barədə tapşırıq və tövsiyələri Qazax rayonunda da davamlı şəkildə icra edilir.
İyulun 13-dən 14-nə keçən gecə və səhər saatlarında gedən döyüşlər zamanı düşmən hücumunun qarşısını alarkən qəhrəmancasına şəhid olan Qazaxın Yuxarı Salahlı kənd sakini, mayor Əhmədov Namiq Hajan oğlunun da xatirəsi əziz tutulur, onun ailəsi diqqət mərkəzində saxlanılır. Elə bu günlərdə Qazax Rayon İcra Hakimiyyətinin başçısı Rəcəb Babaşovun diqqət və qayğısı ilə şəhidin evində yenidənqurma və tikinti işlərinə başlanmışdır. Rayonun rəhbərliyi evdə görülmüş işlərlə maraqlanaraq tez-tez tikintiyə baş çəkir, lazım gəldikdə inşaatçılara tapşırıqlar verir. Bir sözlə, hamı çalışır ki, şəhidin ailəsinə geniş və rahat bir ev təqdim olunsun.
Sabir ƏLİYEV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Argentinanın etiqad işləri üzrə katibi Azərbaycanda tolerantlığın qorunub saxlanılmasını yüksək qiym...
04 May
Xankəndidə bir həftə ərzində xeyli sayda silah-sursat və partlayıcı maddələr aşkarlanıb
04 May
Norveçli səyyahlar qrupu Xudafərin körpüsü ilə tanış olublar
04 May
“Azeri Light” markalı neft ucuzlaşıb
04 May
Dünyanın mərkəzi bankları ümumi qızıl ehtiyatlarını mart ayında 15 tondan çox artırıblar...
04 May
İlon Mask ABŞ dollarının dəyərsizləşəcəyi ilə bağlı xəbərdarlıq edib
04 May
ABŞ prezidentliyinə namizəd NATO-nun genişlənməsinə qarşıdır
04 May
Prezident İlham Əliyevin COP29 tədbiri ilə bağlı dəvət məktubları BMT-dəki daimi nümayəndələrə çatdı...
04 May
Təhlükəsizlik təmin olunacaqmı?
04 May
Ölkəmizdə ilk dəfə Milli Xalça Festivalı keçiriləcək
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!