Prezidentin sosial tədbirləri əhalinin bütün təbəqələrini əhatə edir
İqtisadi və sosial məsələlərlə bağlı Prezident İlham Əliyevin yanında keçirilən müşavirədə cari ilin ilk ayının göstəricilərinə nəzər salınaraq islahatların yaxşı nəticələr verdiyi vurğulanıb. Tədbirdə ümumi daxili məhsulun artımının təxminən 3 faiz təşkil etdiyi bildirilib. Bu, son 2-3 il ərzində ən yüksək göstəricidir.
Ölkədə iqtisadi, makroiqtisadi vəziyyət sabitdir, bir ildən çoxdur manatın məzənnəsi stabil olaraq qalır, inflyasiya ən aşağı səviyyədədir.
Yanvar ayı ərzində qeyri-neft sektorunda sənaye istehsalı 14 faizə yaxın artıb. Bu da onu göstərir ki, növbəti illərdə qeyri-neft sektoruna xarici sərmayələr cəlb etmək prioritet məsələlərdən olacaq. Ümumiyyətlə, Azərbaycanla əməkdaşlıq etmək, ölkə iqtisadiyyatına investisiya yönəltmək istəyən şirkətlərin sayı getdikcə daha da artır.
Aparılan iqtisadi islahatlar büdcə daxilolmalarına müsbət təsir edib. Vergi və gömrük orqanları plandan əlavə xeyli vəsait toplayıblar. Dövlət Neft Fondunun gəlirləri əhəmiyyətli dərəcədə artıb. Bütün bunlar vətəndaşların sosial müdafiəsinin gücləndirilməsinə imkan verir.
Sözügedən müşavirədə Prezident İlham Əliyev bu barədə demişdir: "Biz əlavə gəlirləri, ilk növbədə, vətəndaşların sosial müdafiəsinə yönəltməliyik. Çünki bu, bizim üçün prioritet məsələdir, vətəndaşların sosial rifahının yaxşılaşdırılması ən başlıca vəzifəmizdir. Bu istiqamətdə artıq bir çox ciddi addımlar atılıb və atılacaq”.
Belə əhəmiyyətli tədbirlərdən biri minimum əməkhaqqının 38 faiz artırılması, yəni 130 manatdan 180 manata çatdırılması oldu. Bu, 600 min nəfər insanı əhatə etdi. Minimum pensiyaların məbləği 116 manatdan 160 manata çatdırıldı. Bu da təxminən 38 faiz artım deməkdir. Lakin dövlət bunu son hədd hesab etmir. Əməkhaqqı və pensiyaların artırılması daim gündəmdə saxlanan məsələdir. Bu da göstərir ki, gələcəkdə minimum əməkhaqqı və pensiyalar ardıcıl olaraq artırılacaq.
Erməni təcavüzü nəticəsində yurd-yuvasından didərgin düşmüş məcburi köçkünlərin, şəhid ailələrinin, müharibə əlillərinin qayğı və problemləri də daim dövlətin diqqət mərkəzindədir. Keçən il 5900 məcburi köçkün ailəsi mənzil, yaxud evlə təmin edilib. Bu il isə həmin rəqəm əvvəlkindən böyük olacaq. Artıq müvafiq göstərişlər də verilib. Bakı və Sumqayıt şəhərlərində, eləcə də bölgələrdə bu istiqamətdə geniş inşaat işləri həyata keçiriləcək.
Hazırda 12 min 200-dən çox şəhid ailəsinə dövlət tərəfindən 11 min manat ödəniş edilir və bu proqram ilin sonuna qədər tam icra olunacaq.
Bu il şəhid ailələrinə, eləcə də 800 mənzil veriləcək ki, bu da keçənilkindən çoxdur.
Prezident İlham Əliyevin 25 fevral 2019-cu il tarixli "Əhalinin sosial müdafiəsinin gücləndirilməsi sahəsində əlavə tədbirlər haqqında” sərəncamı dövlət başçısının daha bir humanist addımıdır. Bu sərəncam 576,8 min nəfərə yönəldilən sosial müavinətlərin və Prezidentin aylıq təqaüdlərinin əhəmiyyətli dərəcədə artırılması, eləcə də həmin təqaüdlərin əhatə dairəsinin daha da genişləndirilməsi məqsədini daşıyır. Məsələn, sosial müavinətlərin məbləğinin yaşa görə 130, birinci qrup əlilliyə görə 150, ikinci qrup əlilliyə görə 130, üçüncü qrup əlilliyə görə 110 manata çatdırılacağı nəzərdə tutulur. Sərəncama əsasən, sağlamlıq imkanları məhdud olan 18 yaşınadək uşaqlar ayda 150, ailə başçısını itirməyinə görə ailə üzvlərinin hər biri 80 manat alacaqlar. Müavinətlərin artırılması eləcə də valideynlərini itirmiş və valideyn himayəsindən məhrum olmuş uşaqların qəyyumlarına, müddətli hərbi xidmət qulluqçularının uşaqlarına da aiddir. Beşdən çox uşağı olan qadınların hər uşağa görə, uşağın anadan olmasına görə, habelə dəfn üçün ödənilən sosial müavinətlərin də artırılacağı nəzərdə tutulur.
Sözügedən sərəncamla Prezidentin təqaüdü ilə təmin edilənlərin əhatə dairəsi də genişlənəcək. Bir sözlə, dövlət başçısının sosial islahatlar paketi əhalinin bütün təbəqələrini əhatə edir.
Artımların edilməsi üçün normativ hüquqi aktların layihələri hazırlanaraq 15 gün müddətində dövlət başçısına təqdim olunacaq. Qeyd olunan müavinət və təqaüdlərin bu il aprelin 1-dən artırılması nəzərdə tutulur. Həmin artımlar üçün bu ilin 9 ayında əlavə olaraq 300 milyon manat, illik isə əlavə olaraq 400 milyon manat vəsait ayrılacaq.
Bütün bunlar göstərir ki, 2019-cu il sosial inkişaf, əhalinin sosial inkişafı baxımından xüsusilə fərqlənən il olacaq. Bunlar həm də vətəndaşların sosial müdafiəsinin gücləndirilməsi istiqamətində həyata keçirilən tədbirlərin ardıcıl xarakter daşıdığının göstəricisidir.
Flora SADIQLI,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!