Prezident seçkilərini müşahidə etmək üçün 8 ölkədən 10 beynəlxalq təşkilat dəvət olunub
Dünən Milli Məclisin Sədri Oqtay Əsədov oktyabrın 9-da keçiriləcək prezident seçkilərini müşahidə etmək üçün Azərbaycana dəvət olunan Fransa Senatının üzvlərindən ibarət nümayəndə heyətini qəbul edib. Görüş zamanı Azərbaycanda seçkiyə hazırlıq və beynəlxalq təşkilatların seçkidə müşahidəçi qismində iştirakı müzakirə edilib.
Milli Məclisin Sədri Oqtay Əsədov qeyd edib ki, Azərbaycanda keçiriləcək prezident seçkilərini müşahidə etmək üçün 8 ölkədən 10 beynəlxalq təşkilat dəvət olunub: "Azərbaycan müstəqillik qazanandan bəri sayca 7-ci prezident seçkisini keçirəcək. Ölkəmizdə 4 dəfə də parlament seçkiləri keçirilib. Buna görə də seçkilərin təşkili sahəsində müəyyən qədər təcrübəmiz mövcuddur. Lakin yenə də beynəlxalq təşkilatların təcrübəsinə böyük ehtiyac var".
Oqtay Əsədov Azərbaycan-Fransa münasibətlərinin yüksək səviyyədə olduğunu bildirib. Qeyd edib ki, ölkələrimiz arasında 40-a yaxın sənəd imzalanıb. Burada əsas məqsəd ölkələrarası hüquqi bazanı möhkəmləndirməkdir: "Ötən il Azərbaycanın Fransa ilə iki milyard dollardan çox ticarət dövriyyəsi olub. Bu göstərici cari ilin 6 ayı ərzində 1 milyard dolları keçib. Hazırda Azərbaycanda 40-a yaxın Fransa şirkəti çox uğurla fəaliyyət göstərir. İnanıram ki, əlaqələrimiz bundan sonra da inkişaf edəcək. Sevindirici haldır ki, iki ölkə parlamentində dostluq qrupları fəaliyyət göstərir. Ümumi əlaqələrin inkişaf etməsində parlamentlərarası dostluq qrupları böyük rola malikdir. Biz bu qrupların işindən çox məmnunuq"
Sədr daha sonra vurğulayıb ki, qarşıdan gələn prezident seçkilərinin demokratik və şəffaf keçirilməsi üçün hər cür şərait yaradılıb: "Seçki məntəqələri lazım olan bütün avadanlıqlarla təchiz edilib. Hər bir seçki məntəqəsinin qapısı üzünüzə açıqdır. Oradakı seçkiöncəsi şəraitlə tanış olmaq üçün istədiyiniz məntəqələrə gedə bilərsiniz".
Fransa Senatının üzvü və fransalı nümayəndə heyətinin rəhbəri Nathalie Goulet öz növbəsində prezident seçkilərində müşahidəçi qismində Azərbaycana dəvət olunduğu üçün təşəkkürünü bildirib. Qeyd edib ki, o, Azərbaycanda bir neçə seçkidə iştirak edib: "Son 10 il ərzində Azərbaycan böyük nailiyyətlər əldə edib. İnanırıq ki, bu seçkilər də demokratik və şəffaf şəkildə həyata keçiriləcək. Biz hər zaman ədalətli müşahidə aparmağa çalışmışıq. Buna qətiyyətlə əmin ola bilərsiniz. Seçkidən sonra öz fikirlərimizi dolğun şəkildə bildirəcəyik".
Sonda maraq doğuran məsələlər ətrafında fikir mübadiləsi aparılıb.
Elgün MƏNSİMOV,
Fərman BAĞIROV (foto),
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Fernando Lottenberq: Azərbaycanda antisemitizmin baş verməməsi tolerantlığın parlaq nümunələrindəndi...
04 May
Dövlət Xidməti: Bir sıra bank və müəssisələrə aid çoxsaylı konfidensial məlumatlar ödənişsiz platfor...
04 May
Argentinanın etiqad işləri üzrə katibi Azərbaycanda tolerantlığın qorunub saxlanılmasını yüksək qiym...
04 May
Xankəndidə bir həftə ərzində xeyli sayda silah-sursat və partlayıcı maddələr aşkarlanıb
04 May
Norveçli səyyahlar qrupu Xudafərin körpüsü ilə tanış olublar
04 May
“Azeri Light” markalı neft ucuzlaşıb
04 May
Dünyanın mərkəzi bankları ümumi qızıl ehtiyatlarını mart ayında 15 tondan çox artırıblar...
04 May
İlon Mask ABŞ dollarının dəyərsizləşəcəyi ilə bağlı xəbərdarlıq edib
04 May
ABŞ prezidentliyinə namizəd NATO-nun genişlənməsinə qarşıdır
04 May
Prezident İlham Əliyevin COP29 tədbiri ilə bağlı dəvət məktubları BMT-dəki daimi nümayəndələrə çatdı...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!