Misirin Ayn-Şəms Universitetində «Azərbaycan günü» keçirilmişdir
Azərbaycanın Misir Ərəb Respublikasındakı səfirliyindən AzərTAc-a bildirmişlər ki, ölkənin Ayn-Şəms Universitetində Azərbaycan Respublikasının müstəqilliyinin 20 illiyi ilə əlaqədar "Azərbaycan günü" keçirilmişdir.
Tədbirdə Ayn-Şəms Universitetinin tələbə və müəllim kollektivi, elmi tədqiqatçılar, Misirdə təhsil alan əcnəbi tələbələr və universitetin ədəbiyyat fakültəsinin tədris proqramı çərçivəsində Azərbaycan dilini öyrənən 120 nəfərlik tələbə qrupu iştirak etmişdir.
"Azərbaycan günü" çərçivəsində keçirilmiş simpoziumda səfir Ş.Abdullayev, Ayn-Şəms Universitetinin professoru Safsafi Əhməd Əl-Quturi, təhsil ocağının Şərq dilləri kafedrasının müdiri Ramilə Gələm, professor, azərbaycanşünas alim Əhməd Sami, Misirdə Azərbaycan icmasının üzvü və gənc elmi tədqiqatçı Seymur Nəsirov çıxış etmişlər.
Tədbir zamanı ərəb dilində hazırlanmış Azərbaycan tarixi, mədəniyyəti, müasir inkişaf səviyyəsi, ümummilli lider Heydər Əliyevin həyat və fəaliyyəti, Prezident İlham Əliyevin rəhbərliyi altında Azərbaycanın müasir inkişafı və Ermənistan-Azərbaycan, Dağlıq Qarabağ münaqişəsindən bəhs edən film nümayiş etdirilmişdir.
Səfir Ş.Abdullayev universitetin müəllim və tələbə kollektivinə Azərbaycanın tarixi, mədəniyyəti, ədəbiyyatı, incəsənəti, neft tarixi, 20 illik müstəqillik dövründə respublikamızın əldə etdiyi nailiyyətlər, Ermənistan-Azərbaycan, Dağlıq Qarabağ münaqişəsi və onun törətdiyi fəsadlar, Azərbaycanın beynəlxalq aləmdə rolu və Azərbaycan-Misir əlaqələri barədə ətraflı məlumat vermiş və auditoriyanın suallarını cavablandırmışdır.
Azərbaycanı "odlar və nur diyarı" adlandıran Safsafi Əhməd Əl-Quturi Azərbaycan xalqının tarixi təşəkkülü, Azərbaycan ədəbiyyatı, xüsusilə N.Gəncəvinin həyat və yaradıcılığı, İslam və bəşər sivilizasiyasının inkişafına verdiyi töhfələri və Azərbaycan-Misir əlaqələrinin tarixi kökləri barədə danışmışdır. Əhməd Sami Azərbaycan ilə Misir və ərəb dünyası arasında olan tarixi-mədəni əlaqələr barədə məlumat verərək, Azərbaycanda ərəb dilinin, Misirdə isə Azərbaycan dilinin inkişafı haqqında danışmış və Ayn-Şəms Universitetinin ədəbiyyat fakültəsində tədris olunan Azərbaycan dili fənninə artan marağı və artıq 120 tələbənin Azərbaycan dilini öyrəndiyini bildirmişdir. Ədəbiyyatşünas alim mədəniyyət sahəsində və iki ölkənin insanları arasında əlaqələrin daha da inkişaf etdirilməsinə olan zərurəti qeyd etmişdir.
Misirdə yaşayan Azərbaycan icmasının nümayəndəsi və gənc elmi tədqiqatçı Seymur Nəsirov ərəb tarixi mənbələri və elmi araşdırmaları əsasında həyat və yaradıcılığını tədqiq etdiyi Azərbaycan ədibləri və alimləri, erkən orta əsr ərəb alimlərinin Azərbaycan haqqında söylədikləri fikirlər, Azərbaycan ilə Misir və ərəb dünyası arasındakı mədəni-elmi əlaqələr haqqında iştirakçılara məlumat vermişdir.
Tədbir çərçivəsində Seymur Nəsirovun müəllifi olduğu və Azərbaycanın Misirdəki səfirliyinin dəstəyi ilə ərəb dilində yeni çapdan çıxmış "Azərbaycan ərəb və Misir tarixi mənbələrində" kitabının təqdimatı keçirilmişdir. Kitab tədbirdə iştirak edən misirli müəllim və tələbələr tərəfindən xüsusi maraqla qarşılanmışdır.
Tədbirin sonunda Ayn-Şəms Universitetində Azərbaycan dilini öyrənən tələbələr Azərbaycanın dövlət himnini və Azərbaycan şairləri B.Vahabzadə və M.Şəhriyarın şeirlərindən parçalar oxumuşlar.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!