Mingəçevirdə mədəni xidmətin səviyyəsi yüksəkdir
Dövlətin qayğısından, yurdsevər sakinlərinin qurub-yaratmaq həvəsindən güc alan Mingəçevir sürətlə dəyişib yeniləşir, hər gələn qonağı heyran qoyan gözəl, füsunkar bir diyara çevrilir. Zümrüd libaslı park və xiyabanlar, abad küçə və prospektlər, yaraşıqlı binalar göz oxşayır. Ölkənin iri sənaye şəhərlərindən olan Mingəçevirdə əhaliyə göstərilən mədəni xidmətin səviyyəsinin yüksəldilməsi şəhərin sosial-iqtisadi inkişafının mühüm tərkib hissəsi kimi diqqət çəkir.
Bərdə Regional Mədəniyyət İdarəsinin Mingəçevir şəhər nümayəndəliyi son illərdəki səmərəli fəaliyyəti ilə şəhər ictimaiyyətinin böyük rəğbətini qazanmışdır. Əlamətdar tarixi günlərdə, bayramlarda nümayəndəliyin təşəbbüsü və təşkilatçılığı ilə hazırlanıb həyata keçirilən mədəni-kütləvi tədbirlər öz ədəbi-bədii səviyyəsi, dəyərli ideya yükü ilə təqdir olunur. Yüksək peşəkarlıqla hazırlanıb yaradıcılıqla təqdim olunan tədbirlərin mayasında dövlətçilik ənənələrinə sədaqət, milli-mənəvi dəyərlərə verilən böyük önəm dayanır. Xalqa, vətənə sonsuz məhəbbət hissinin, hərbi-vətənpərvərlik tərbiyəsinin təbliği Mingəçevir şəhər Mədəniyyət nümayəndəliyinin əsas fəaliyyət istiqamətidir.
Azərbaycan Respublikası Prezidentinin sərəncamları ilə keçirilən yubiley tədbirləri, görkəmli elm xadimlərinə, sənət adamlarına həsr olunmuş seminar-müsavirələr, kitab müzakirələri, "dəyirmi masa”lar, sərgilər şəhər sakinlərində xoş ovqat yaradır, fəal vətəndaş mövqeyinin formalaşmasına əhəmiyyətli təsir göstərir. Prezident İlham Əliyevin müvafiq sərəncamı ilə 2019-cu il "İmadəddin Nəsimi ili” elan olunmuşdur. Bununla əlaqədar Mingəçevir şəhər Mədəniyyət nümayəndəliyinin bütün müəssisələrində "İmadəddin Nəsimi 650”, "Böyük ideallar şairi”, "Haqq mənəm, haqq məndədir”, "Məndə sığar iki cahan”, "Mən bir gizli xəzinəyəm”, "2019-cu il İmadəddin Nəsimi ilidir” və s. mövzularda maraqlı və rəngarəng tədbirlər keçirilmişdir.
Nur şəhərinin mədəniyyət nümayəndəliyi öz fəaliyyətində hərbi hissələrlə əlaqəyə, Milli Ordunun əsgərləri ilə səmimi ünsiyyətə böyük önəm verir. El bayramlarında, əlamətdar tarixi günlərdə maraqlı konsert proqramları ilə əsgər və zabitlərə qonaq olmaq artıq pozulmaz ənənəyə çevrilmişdir. Şəhərin kitabxanalarında təşkil olunan vətənpərvərlik mövzusunda kitab sərgilərini, klub və mədəniyyət evlərində keçirilən "Əgər vətən çağırsa”, "Azərbaycan Respublikasının Milli Qəhrəmanları”, "Milli Qəhrəmanlarımızı unutmayaq”, "Qəlbimizdə yaşayanlar”, "Gənclərdə vətənpərvərlik hissinin və fəal vətəndaş mövqeyinin yüksəldilməsi” mövzularında mühazirələri, foto sərgiləri, ədəbi-bədii gecələri, "dəyirmi masa”ları şəhər sakinləri məmnunluqla qarşılayırlar.
"100 illik tariximiz” devizi altında "Bölgələrdən-bölgələrə” festivalının Mingəçevir təqdimatı öz zəngin təəssüratları ilə mədəniyyətsevərlərin yaddaşında şirin xatirəyə çevrilmişdir. Festivalda Mədəniyyət Nazirliyinin bütün regional mədəniyyət idarələrinin hər birinin ekspozisiya çadırları qurulmuş, regionlar üzrə şəhər və rayonların mədəni irsini özündə əks etdirən sənətkarlıq nümunələri, rəsmlər, suvenirlər və digər əl işləri nümayiş etdirilmiş, maraqlı konsert proqramı təqdim olunmuşdur.
Bərdə Regional Mədəniyyət İdarəsi Mingəçevir şəhər nümayəndəliyinin uğurları kifayət qədər çox və qürurvericidir. Respublikanın mədəni həyatında elə bir müsabiqə, festival, yarış olmur ki, mingəçevirli mədəniyyət işçiləri öz nümunəvi iştirakları ilə orada fərqlənməsinlər, təltif olunmasınlar. Azərbaycan Rəqs Assosiasiyasının respublika Gənclər İttifaqı ilə birlikdə Bərdə şəhərində təşkil etdiyi "1-ci Qarabağ rəqs kuboku” müsabiqə-festivalında Mingəçevir şəhəri şəhid F.Qasımov adına Uşaq İncəsənət Məktəbinin xoreoqrafiya şöbəsinin "Fidanlar” rəqs kollektivi iki nominasiya üzrə birinci yerə layiq görülmüş, "Qarabağ” kuboku ilə təltif olunmuşdur.
Qəbələ rayonunda keçirilən Qəbələ beynəlxalq mürəbbə festivalında Bərdə Regional Mədəniyyət İdarəsinin Mingəçevir şəhər nümayəndəliyi hamını arxada qoyaraq birinci yerə layiq görülmüş, qızıl medal, kubok və diplomla təltif olunmuşdur.
Bu ilin yayında Bakı şəhərində keçirilən Uşaq və gənclər arasında xalq çalğı alətləri ifaçılarının IV Respublika müsabiqəsinin qalibləri arasında Mingəçevirin yetirmələri də vardır. Soltan Hacıbəyovun 100, İsmayıl Hacıbəyovun 70 illiyi ilə əlaqədar Bakı şəhərində keçirilən Gənc musiqiçilərin respublika festivalında mingəçevirli istedadlar uğurla çıxış etmişlər. Keçən il qardaş Türkiyənin Çanaqqala şəhərində I Beynəlxalq Troya Uşaq Xalq Rəqsləri festivalında çıxış edən Mingəçevir şəhər Uşaq incəsənət məktəbinin "Banu” rəqs kollektivinin təqdimatı tamaşaçıları heyran etmişdir. Festivalın təşkilat komitəsi "Banu”nu diplom və qiymətli hədiyyələrlə mükafatlandırmışdır.
Mingəçevir şəhər Mədəniyyət nümayəndəliyinin rəhbəri Şəlalə Sadəddinova bizimlə söhbətində dedi:
- Mingəçevirdə yaşamaq və işləmək sözün həqiqi mənasında xoşbəxtlikdir. Təbiət özünün şah əsəri olan həyat tablosunu yaradarkən bu yerlərə fırçasını səxavətlə çəkib. Ana Kürün ikiyə böldüyü şəhər öz füsunkarlığı ilə əcnəbi qonaqların gözünü qamaşdırır. Şəhərimizdə abadlıq, quruculuq işləri yüksək zövqlə davam etdirilir. Biz çalışırıq ki, səmərəli fəaliyyətimizlə, nümunəvi xidmətimizlə nur şəhərinin gözəlliyinə yeni naxışlar vuraq. Şəhər sakinləri ilə xoş ovqat doğuran hər görüşümüz bu məqsədin reallaşdığının canlı təsdiqinə çevrilir. Mingəçevirin 70 illiyi münasibətilə şəhər Dövlət Dram Teatrında təşkil etdiyimiz ədəbi-bədii gecə qonaqlara da, şəhər sakinlərinə də nəğmə ilə yoğrulmuş bir ərməğan oldu.
Lazım QULİYEV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycanla Qambiya diplomatik pasport sahibləri üçün viza tələbini aradan qaldırıb
04 May
IOFS-in baş direktoru Azərbaycanın beynəlxalq yardım fəaliyyəti barədə məlumatlandırılıb...
04 May
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
Azərbaycanın xarici işlər naziri pakistanlı həmkarı ilə Qambiyada görüşüb
04 May
Nazir: Zəngəzur dəhlizi Cənubi Qafqazdakı bütün ölkələrin bəhrələnməsinə imkan yaradacaq ...
04 May
Azərbaycan-Somali əməkdaşlığının hazırkı səviyyəsindən məmnunluq ifadə olunub
04 May
Azərbaycanla Mərakeş arasında viza rejimi aradan qaldırılıb
04 May
NATO siyasətçiləri Azərbaycanı təbrik ediblər
04 May
Azərbaycanın xarici işlər naziri Qambiyada türkiyəli həmkarı ilə görüşüb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!