Laçınlılar çox nikbindirlər
28 ildir ki, Azərbaycanın dilbər guşəsi olan Laçına həsrət qalmışıq. 28 il əvvəl ürəyimizə vurulan Laçın yarası qaysaq bağlamır. İllərdir bu nisgil bizi göynədir. Yurdumuzun ər oğulları düşməndən qisas alacaqları günü səbirsizliklə gözləyirlər.
1992-ci ilin 18 mayı tariximizə qara hərflərlə yazılmış bir gündür. Unudulması qeyri-mümkün olan qanlı bir cinayətin tarixidir. Ermənistan silahlı qüvvələri havadarlarının köməyi ilə 28 il əvvəl Laçını işğal etdilər. Düşmənin öz çirkin məqsədinə asanlıqla çatmasının bir səbəbi də o vaxtı AXC-Müsavat iqtidarının yarıtmaz siyasəti, səriştəsizliyi, qətiyyətsizliyi idi. Ayrı-ayrı siyasi qüvvələrin hakimiyyət maraqları o dərəcəyə çatdı ki, düşmənlə qeyri-bərabər döyüşlərdə əsl qəhrəmanlıq göstərən Laçının müdafiəsi unudulub arxa plana keçirildi. Laçındakı hərbi döyüş texnikasının və döyüşçülərin xeyli hissəsi Bakıya çağırılıb hakimiyyət çevrilişini həyata keçirməyə cəlb edildi. Düşmən qarşısında tək buraxılan, köməksiz qalan laçınlılar mərdliklə döyüşüb, öz qanları ilə gerçək qəhrəmanlıq salnaməsi yazdılar. Çox sayda qurbanlar verilsə də, Laçın işğal olundu. İşğal nəticəsində rayonun 1835 kvadrat kilometr ərazisi, 217 mədəniyyət, 101 təhsil, 142 səhiyyə müəssisəsi, 462 ticarət, 96 məişət, 30 rabitə, 2 avtonəqliyyat və müxtəlif təyinatlı istehsal müəssisələri, 13745 yaşayış evi talan edildi. 54 dünya, 200-dən çox yerli əhəmiyyətli tarixi abidə erməni vandalizminə hədəf oldu. İctimai və şəxsi təsərrüfatlardakı 25 min baş iribuynuzlu mal, 200 min başdan çox qoyun-keçi, minlərlə arı ailəsi, yerli əhalinin əsrlərdən bəri min bir zəhmətlə qazandığı var-dövləti qarət edildi.
Laçının təbii sərvətləri zəngin, təbiəti son dərəcə əsrarəngiz və gözəldir. 1961-ci ildə yaradılan Laçın Dövlət Təbiət yasaqlığı 20 min hektar, 1987-ci ildə yaradılan Qaragöl Dövlət Təbiət Qoruğu isə 240 hektar ərazini əhatə edirdi. Qoruqda 68 növdən və 27 fəsildən ibarət bitki örtüyü vardı. Rayonun ərazisi civə, əhəngdaşı, mişar daşı, mərmər, gil, əqiq, əlvan bəzək daşları, mineral su yataqları kimi zəngin ehtiyatlara malik idi. Tarixi, mədəniyyət və memarlıq abidələri ilə zəngin olan Laçın sözün həqiqi mənasında gerçək canlı muzey idi. Ağoğlan məbədi (IX əsr), Dəmiroğlu pir məbədi (XI əsr), Cicimli kəndində Məlik Əjdər türbəsi (XII əsr), Kar günbəz türbəsi (XVII əsr), Soltanlar kəndində Həmzə Soltan sarayı (1761-ci il), Quşçu kəndində Pir (XII-XIII əsr), Uşaq qalası (XV əsr), onlarla digər tarixi mədəniyyət və memarlıq abidələri erməni faşistləri tərəfindən xüsusi amansızlıqla dağıdılmış, məhv edilmişdir.
Laçının işğalı nəticəsində rayonun 74 min nəfər əhalisi respublikanın 59 şəhər və rayonuna səpələnib məcburi köçkün həyatı yaşayır. Hazırda rayonun bütün strukturları Ağcabədi rayonunun Taxtakörpü ərazisində fəaliyyət göstərir. Dövlətin davamlı qayğısı ilə əhatə olunan laçınlılar əllərinin zəhməti, ürəklərinin hərarəti ilə Taxtakörpüdə abad bir qəsəbə salmışlar. 13 min nəfərdən çox laçınlı məcburi köçkün məskunlaşdığı bu ərazidə zəruri infrastruktur yaradılmışdır.
Yazın bu oğlan çağında Taxtakörpü zümrüd libası, al-əlvan gül-çiçəkləri ilə göz oxşayır. Dövlətin qayğısı ilə burada yeni yaşayış qəsəbələri salınır, əhalinin mənzil-məişət şəraiti təmin olunur. Laçınlıların torpaqdan səmərəli istifadəsi üçün əraziyə suvarma kanalları çəkilmişdir. Burada tikilmiş məktəblər, xəstəxanalar, digər xidmət obyektlərinin fəaliyyəti əhalidə rahatlıq doğurur. Bütün bunlar isə təbii ki, Laçın yarasına məlhəm ola bilməz. Bu gün hər kəs Laçına, doğma yurda qovuşmaq eşqi ilə alışıb-yanır. Günümüzün reallığına rəğmən demək olar ki, laçınlılar bu gün çox nikbindirlər. Onlar respublika Prezidenti, Silahlı Qüvvələrin Ali Baş Komandanı İlham Əliyevin yeritdiyi müdrik siyasəti birmənalı olaraq bəyənir və müdafiə edirlər. İnanırlar ki, bu siyasət sayəsində tezliklə doğma yurda qovuşacaqlar.
Lazım QULİYEV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!