Kiyevdə Xocalı soyqırımından bəhs edən “Sonsuz dəhliz” sənədli filminin təqdimatı keçirilib
Ukraynanın paytaxtı Kiyev şəhərində Xocalı soyqırımından bəhs edən “Sonsuz dəhliz” sənədli filminin təqdimatı keçirilib.
AZƏRTAC xəbər verir ki, Ukrayna Azərbaycanlıları Radasının dəstəyi, təşəbbüsü ilə Kiyevin məşhur “Jovten” kinozalında keçirilən təqdimatda Azərbaycanın Ukraynadakı səfiri Elmira Axundova, Ukrayna Ali Radasının deputatları Lyudmila Marçenko, Vladimir Kreydenko, Marian Zabolotskiy, Alyona Şkrum, Ukrayna Prezidentinin Krım MR üzrə xüsusi nümayəndəsi Anton Korineviç, Ukrayna Dövlət Kosmik Agentliyinin rəhbəri Mixail Lev, Ukrayna Müsəlmanlarının Ruhani İdarəsinin sədri Müftiy şeyx Səid İsmagilov, diaspor rəhbərləri, Ukraynanın ictimai-siyasi xadimləri, yerli KİV nümayəndələri iştirak ediblər.
Tədbir Xocalı soyqırımında həlak olanların xatirəsinin bir dəqiqə sükutla anılmaqla başlayıb.
Filmin təqdimatından öncə çıxış edən Ukrayna Azərbaycanlıları Radasının Baş katibi Cəlal Hüseynov Radanın həmsədrləri Oleq Krapivin, Hikmət Cavadov və Aparat rəhbəri Murad Cəfərovun adından tədbirə təşrif buyuran hər kəsə təşəkkürünü bildirib. Qeyd edib ki, “Sonsuz dəhliz” filmi Xocalı soyqırımında törədilən vəhşiliklərdən bəhs edir. Onun sözlərinə görə, Xocalı faciəsi Meksika, Pakistan, Kolumbiya, Çexiya, Sloveniya, Panama, Sudan, Şotlandiya, ABŞ-ın 19 ştatı və İslam Əməkdaşlıq Təşkilatı tərəfindən tanınıb. Bu gün də bu istiqamətdə fəaliyyət davam etdirilir.
Sonra filmin litvalı rejissoru Aleksandras Brokas çıxış edərək bildirib ki, “Sonsuz dəhliz” filmi dünya arenasında, müxtəlif beynəlxalq festivallarda nümayiş olunub. Bütün təqdimatlarda tamaşaçılar Xocalı faciəsi zamanı insanların çəkdiyi əzab-əziyyəti hiss ediblər. Başa düşüblər ki, insanlığa qarşı “qırmızı xətti” keçmək olmaz. Ancaq çox təəssüf ki, bəzən bu “qırmızı xətt” keçilib. “Xocalı faciəsi insanların digərlərinin taleyi ilə bağlı necə rüsvayçı və qeyri-insanı qərar verməsinin sübutudur. Xocalıda ölümün pəncəsindən xilas olanlar erməni bombardmanından qaçışlarını və öz əzizlərini təhlükəsiz hesab etdikləri “Sonsuz dəhliz”də necə itirdiklərini ürək dağlayan hekayələrlə xatırlayırlar”, - deyə Aleksandras Brokas film haqda danışarkən əlavə edib.
Daha sonra “Sonsuz dəhliz” filmi nümayiş etdirilib. Tədbirin sonunda səfir Elmira Axundova, filmin litvalı rejissoru Aleksandras Brokas və ukraynalı qonaqlar yerli KİV-lərə müsahibə veriblər.
Qeyd edək ki, filmin premyerası 2014-cü il iyulun 1-də Londonda Britaniya Film və Televiziya İncəsənəti Akademiyasında (BAFTA) keçirilib. İngilis dilində çəkilmiş filmin subtitrləri Çin, türk, fransız, italyan və alman dillərinə tərcümə olunub. Bundan əlavə, film rus dilinə dublyaj edilib. “Sonsuz dəhliz” filminin “Xocalıya ədalət!” təbliğat kampaniyası çərçivəsində İstanbul, Ankara, Roma, Vilnüs, London, Paris, Dublin, Berlin, Bern şəhərlərində təqdimatı olub. Bir sıra ölkələrin telekanallarında nümayiş olunub. Film bir sıra beynəlxalq mükafatlara layiq görülüb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xankəndi Şəhər Prokurorluğunun yaradılması haqqında
05 May
"Azərbaycan Respublikası Hökuməti ilə Türkiyə Respublikası Hökuməti arasında baytarlıq sahəsində əmə...
05 May
"Azərbaycan Respublikası Hökuməti ilə Türkiyə Respublikası Hökuməti arasında gəlirlərə görə vergilər...
05 May
“Elektrik gücü çatmadıqda, sistemin dayanıqlılığını təmin etmək üçün elektrik enerjisinin təminatına...
05 May
“Azərbaycan Respublikası Əmək və Əhalinin Sosial Müdafiəsi Nazirliyinin kollegiyasının tərkibi haqqı...
05 May
`"Azərbaycan Xəzər Dəniz Gəmiçiliyi" Qapalı Səhmdar Cəmiyyəti balansında olan gəmilər üçün müxtəlif...
05 May
Azərbaycanla Qambiya diplomatik pasport sahibləri üçün viza tələbini aradan qaldırıb
04 May
IOFS-in baş direktoru Azərbaycanın beynəlxalq yardım fəaliyyəti barədə məlumatlandırılıb...
04 May
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!