İstifadəçilərin ən çox faydalandıqları elektron nəşr
Prezident Kitabxanasının “Heydər Əliyev. Elektron sənədlər toplusu” resursu yenilənib.
Müstəqil Azərbaycanın qurucusu və memarı Heydər Əliyevin anadan olmasının 95 illiyi ərəfəsində onun tariximizin tam bir qərinəlik dövründə gördüyü nəhəng quruculuq işləri və xilaskarlıq missiyası bir daha xatırlanır və göz önündə sərgilənir.
AZƏRTAC xəbər verir ki, Azərbaycan Respublikası Prezidentinin İşlər İdarəsinin Prezident Kitabxanasında ümummilli lider Heydər Əliyevin anadan olmasının 95 illiyi münasibətilə yığıncaq keçirilib.
Tədbiri giriş sözü ilə açan kitabxananın direktoru Mayıl Əhmədov qeyd edib ki, hər bir xalqın tarixində iz qoymuş görkəmli şəxsiyyətlərin irsinin, onların həyat və fəaliyyətlərinin öyrənilməsi yeni nəsillərin vətənpərvərlik ruhunda tərbiyə edilməsində, dövlət quruculuğu işlərində və siyasi xəttin düzgün müəyyənləşdirilməsində mühüm rol oynayır. Bu baxımdan, Heydər Əliyev irsi hər bir azərbaycanlı üçün daim öyrəniləsi bir məktəbdir.
Daha sonra M.Əhmədov bildirib ki, Azərbaycanda dövlətçilik ənənələrinin XX əsrin sonlarında bərpa edilməsindən sonra yaranan hərc-mərcliyin aradan qaldırılması, dövlət müstəqilliyinin möhkəmləndirilməsi, onun əbədi, dönməz xarakter alması, ölkəmizin dinamik sosial-iqtisadi inkişaf yolu ilə irəliləməsi, beynəlxalq aləmdə nüfuzunun sürətlə artması Heydər Əliyevin misilsiz fəaliyyəti sayəsində mümkün olub. Zaman göstərir ki, Heydər Əliyevin dövlətçilik və azərbaycançılıq fəlsəfəsinin mənimsənilməsi üçün öncə onun zəngin irsi araşdırılmalı və öyrənilməlidir.
Kitabxananın direktoru qeyd edib ki, əməkdaşlar tərəfindən hazırlanan və daim yenilənən “Heydər Əliyev. Elektron sənədlər toplusu” nəşri hazırda 9 fəsildən və 46 bölmədən ibarətdir. O, indiyədək həmin elektron nəşrdən 30 minə yaxın istifadəçinin faydalandığını tədbir iştirakçılarının nəzərinə çatdırıb.
M.Əhmədov vurğulayıb ki, elektron nəşrin “Xronologiya” adlanan fəslindəki Heydər Əliyevin Azərbaycan KP MK-nın birinci katibi olduğu dövrü və SSRİ Nazirlər Soveti sədrinin birinci müavini olduğu müddəti özündə əks etdirən bölmələr yeni məlumatlarla xeyli dərəcədə zənginləşdirilib. O, həmçinin əlavə edib ki, elektron nəşrin “Nitqləri, çıxışları, məruzələri, müsahibələri, bəyanatları” fəslinə Heydər Əliyevin Azərbaycan KP MK-nın birinci katibi olduğu dövrdəki etdiyi nitqlərindən, cıxışlarından, məruzələrindən və müsahibələrindən bu gün üçün aktuallıq kəsb edən seçmə materiallar, həmçinin onun fəaliyyətinin 1990-1993-cü illər Naxçıvan dövrünə aid yeni materiallar əlavə edilib.
Elektron resurs son dövrdə Heydər Əliyev haqqında müxtəlif dillərdə çap olunan kitabların elektron versiyaları ilə də zənginləşdirilib. Həmçinin kitabxananın fonduna daxil olan qəzet və jurnallarda Heydər Əliyev haqqında dərc edilən analitik və təhlili məqalələrin elektron versiyaları da elektron nəşrə əlavə edilib.
Elektron sənədlər toplusunun “Biblioqrafiya” fəslinə Heydər Əliyevin həyat və fəaliyyətinə həsr edilmiş yeni dissertasiyaların avtoreferatlarının biblioqrafiyası da əlavə edilib.
Ümummilli Liderin ömür salnaməsini əks etdirən “Fotoqalereya”ya dahi şəxsiyyətə aid müxtəlif sənədlərin fotosu və onun həyatının müəyyən anlarını əks etdirən yeni fotoşəkillər daxil edilib.
Tədbirdə çıxış edən əməkdaşlar qeyd ediblər ki, ümummilli lider Heydər Əliyevdən xalqımıza daim öyrəniləsi, tədqiq ediləsi, nümunə götürüləsi zəngin irs miras qalmışdır və “Heydər Əliyev. Elektron sənədlər toplusu” onun irsini tam dolğunluğu ilə istifadəçilərə çatdırılmasına xidmət edir.
Kitabxanada, həmçinin Ümummilli Liderin anadan olmasının 95 illiyi ilə əlaqədar sərgi təşkil edilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!