“İdman jurnalistikası” magistr proqramının ilk məzunlarına diplomlar təqdim olunub
Dekabrın 17-də Azərbaycan Dövlət Bədən Tərbiyəsi və İdman Akademiyasının (ADBTİA) "İdman jurnalistikası” magistr proqramının ilk məzunlarına diplomların təqdim olunması mərasimi keçirilib.
AZƏRTAC xəbər verir ki, mərasimdə Gənclər və İdman naziri Azad Rəhimov, Milli Olimpiya Komitəsinin vitse-prezidentləri Çingiz Hüseynzadə, Xəzər İsayev, baş katibin müavini Azər Əliyev, Milli Paralimpiya Komitəsinin prezidenti İlqar Rəhimov, Böyük Britaniya səfirliyinin, BMT-nin Bakıdakı nümayəndəliyinin rəsmiləri, bir sıra dövlət və özəl qurumların nümayəndələri, həmçinin akademiyanın, ölkənin ən nüfuzlu ali təhsil müəssisələrinin müəllim və tələbə heyəti iştirak ediblər.
Azərbaycan Respublikasının Dövlət himni səsləndirildikdən sonra məzunlardan bəhs edən videoçarx nümayiş olunub.
Mərasimdə çıxış edən ADBTİA-nın rektoru Fuad Hacıyev bildirib ki, "İdman jurnalistikası” magistr proqramı yalnız Azərbaycanda deyil, Qafqazda bir ilkdir. Proqramın yaradılmasında əsas məqsəd bu sahədə beynəlxalq səviyyədə rəqabətədavamlı kadrların yetişdirilməsidir.
Ölkəmizdə dövlət tərəfindən gənclərə göstərilən diqqət və qayğıdan danışan rektor Ulu Öndər Heydər Əliyev tərəfindən hələ sovet dövründə Azərbaycan gənclərindən ən nüfuzlu ali məktəblərə hər il 800-ə yaxın gəncin oxumağa göndərilməsindən, Prezident İlham Əliyevin gənclərin təhsil səviyyəsində yüksəldilməsi ilə bağlı verdiyi sərəncamlardan söz açıb. Üzünü təhsillərini başa vuran gənclərə tutan rektor onları gələcək fəaliyyətlərində İdman Akademiyasının adını uca tutmağa, savadlı və vətənpərvər olmağa, müstəqil ölkəmizin tərəqqisinə öz layiqli töhfələrini verməyə çağırıb.
Daha sonra məzunları təbrik edən Milli Paralimpiya Komitəsinin vitse-prezidenti, ikiqat Paralimpiya çempionu İlham Zəkiyev çıxış edərək birinci olmağın məsuliyyətindən söhbət açıb. O bildirib ki, əsas hekayə birinci olmaqdan sonra başlayır. "Ümid edirik ki, bu ilk məzunlar Azərbaycanda keçirilən mötəbər idman tədbirlərinin daha geniş şəkildə işıqlandırılmasında, ölkəmizin idman ölkəsi kimi beynəlxalq arenada tanıdılmasında böyük rol oynayacaqlar”, - deyə İ.Zəkiyev əlavə edib.
Proqramın rəhbəri Britaniya Konsulluğu, Thomson Foundation və digər beynəlxalq təşkilatların müxtəlif media layihələrinə rəhbərlik etmiş, media sahəsində tanınmış beynəlxalq ekspert Dan Mason isə çıxışında bu proqramın regionda da bir ilk olmasına diqqət çəkib. O bildirib ki, proqramın yaradılmasında əsas məqsəd jurnalistika sahəsində ixtisaslaşmış kadrların yetişdirilməsidir. "Proqramımız üç məqsədə xidmət edir. Jurnalistika təhsilini yeni bir şəkildə təqdim etmək, idmana xidmət etmək və Azərbaycanı, akademiyamızı idman jurnalistikası sahəsində də regional mərkəzə çevirməkdir. Artıq hər gün yerli televiziya kanallarında məzunlarımızı görür, onlarla qürur duyuruq. Bu məzuniyyət bizim bayramımızdır. Bu sahədə nəinki regionda, dünyada Azərbaycan üçün birinci olmağı hədəfləyirik”, - deyə D.Mason bildirib.
Daha sonra A.Rəhimov D.Masona Azərbaycandakı uğurlu fəaliyyəti ilə əlaqədar Gənclər və İdman Nazirliyi adından xüsusi diplom təqdim edib.
Sonda məzunlar adından çıxış edən proqramın magistrı Ceyhun Mustafayev akademiyanın rəhbərliyinə onlar üçün yaradılan şəraitə görə təşəkkür edib, hazırda media nümayəndəsi olaraq akademiyanın tədbirlərini, təlim-tədris prosesini işıqlandırmaqdan qürur duyduğunu bildirib.
Qeyd edək ki, "İdman jurnalistikası” magistr proqramına ilk qəbul 2017-ci ildə aparılıb və 6 tələbə proqrama qəbul olub. Onlar 2 il müddətində müasir teleradio avadanlığı ilə tam təchiz edilmiş akademiyanın Multimedia Mərkəzində yerli və xarici mütəxəssislər tərəfindən keçilən modullar çərçivəsində PR, audio və video, onlayn media sahəsində peşəkar bacarıqlara yiyələnib, beynəlxalq idman yarışlarına, nüfuzlu tədbirlərə media təmsilçisi qismində qatılmaq imkanı qazanıblar.
Proqramın iştirakçıları dəfələrlə onlayn radio və televiziya vasitəsilə canlı yayım edib, yüksək nailiyyətli idmançılar, görkəmli məşqçilər, könüllü və tələbələrdən müsahibələr alıblar. Onlar, həmçinin proqram çərçivəsində Böyük Britaniyaya səfər edərək 2 həftə müddətində BBC və digər nüfuzlu media orqanında təcrübə qazanıb, əsas təlim modullardan birini Şeffield Hallam Universitetində keçiblər.
Eyni zamanda, onlar bir neçə beynəlxalq tədbirin, o cümlədən cari ildə Bakıda təşkil olunan paracüdo üzrə dünya kuboku yarışlarının təşkili və keçirilməsində media dəstəyi göstəriblər.
ADBTİA-nın "İdman jurnalistikası” magistr proqramının ilk məzunları artıq bir sıra yerli teleradio şirkətləri, "Associated Press”, BBC, "Əl Cəzirə” kimi nüfuzlu xarici media qurumları ilə əməkdaşlığa başlayıblar.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!