Gənclər gələcəyimizdirsə...
Çox vaxt televiziyanı evlərin çağırılmamış qonağı adlandırırlar. Hazırda ən kasıb ailənin də evində televizor - daimi “qonaq”ı var. Bəs, bu “qonaq” evimizə nə ilə gəlir - televiziya kanallarında hansı verilişlər yayımlanır, xalq ondan razıdırmı?
Biz zəngin tarixə, yüksək milli-mənəvi dəyərlərə, əsrlərin süzgəcindən keçib gələn gözəl adət-ənənələrə sahibik. Amma təəssüf ki, bizim telekanallarda sanki mövzu qıtlığıdır. Bayağı verilişlər, təəssüf doğuran şoular, səviyyəsiz maqazin proqramları efiri, sözün həqiqi mənasında, inhisarda saxlayır. Axı kimə lazımdır filan müğənni ilə filan müğənni niyə dalaşdı, yaxud niyə barışdı?!. Bir də görürsən aparıcı abır-həya etmədən deyir ki, nəhayət filan xanım müğənni tezliklə dünyaya gətirəcəyi uşağın atasının kim olduğunu açıqlayacağına söz verib...
Başqa bir məsələyə də toxunmaq istəyirəm: məlumdur ki, həkimin işi insanların sağlamlığı keşiyində dayanmaqdır. Bir də görürsən ki, həkim çıxıb efirə, ətrafında da çoxlu xəstə. Bu xəstələr dil qəfəsə qoymadan başlayırlar həkimi tərifləməyə. Ay bacı, ay qardaş, həkimə minnətdarlıq etmək istəyirsənsə, get onun iş yerinə, bir dəstə güllə qapısını aç, ehtiramını bildir. Əlbəttə, belə edənlər də çoxdur. Yəqin bu səpkili verilişlər birbaşa həkimlərin reklamına hesablanır. Doğrudur, əli şəfqətli həkimlərin əməyi hər zaman alqışa layiqdir. Bununla belə, unutmayaq ki, həkim insanlara xidmət etməklə vəzifə borcunu yerinə yetirir və buna görə də heç kəsə minnət qoymaq lazım deyil.
Yeri gəlmişkən, reklamlarla da bağlı iradım var. Məgər, pul xətrinə televiziya kanalı hər nə gəldi reklam etməlidir? Bir tamaşaçı olaraq alkoqollu içki reklamının qəti əleyhinəyəm. Alkoqol aludəçiliyinin yarıda qoyduğu ömürlər, dağıtdığı ailələr, sərxoş adamların törətdikləri ağlasığmaz cinayətlər haqqında hər kəs yetərincə məlumatlıdır. Kimlərsə pul qazanacaq deyə belə məhsullar mütləq reklam olunmalıdırmı? Bununla nəyi təbliğ edirik?
Bir qədər ətraflı və dərindən düşünək: telekanallar ailəmizə nələr gətirir, cəmiyyətə nə vəd edir? Efirdə səslənən fikirlər, göstərilən süjetlər gənc nəslin əxlaqına, tərbiyəsinə, mənəviyyatına nə verir? Gənclik gələcəyimizdir - deyirik. Elə isə, gəlin gələcəyimizə məsuliyyət və vicdanla yanaşaq: milli-mənəvi, bəşəri dəyərlər əsasında hazırlanan maarifləndirici, məlumatlandırıcı, tərbiyəvi verilişlərə üstünlük verək.
Əlövsət MƏMMƏDOV,
Bərdə rayon sakini
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!