Gənc əsgərlər Vətənə sədaqət andı içiblər
Müdafiə Nazirliyinin Ağcabədi rayonunda yerləşən “N” saylı hərbi hissəsində əsgər valideynləri və yaxınları üçün “Açıq qapı” günü və gənc əsgərlərin Vətənə sədaqət andı içməsinə həsr olunan mərasim keçirilib.
AZƏRTAC-ın bölgə müxbiri xəbər verir ki, hərbi hissə komandanlığının, Qarabağ müharibəsi veteranlarının və valideynlərin iştirakı ilə keçirilən mərasimin əvvəlində təntənəli marşın sədaları altında hərbi hissənin döyüş bayrağı meydana gətirilib. Sonra Azərbaycan Respublikasının dövlət himni oxunub, gənc əsgərlər Vətənə sədaqət andı içiblər.
Mərasimdə müdafiə naziri, general-polkovnik Zakir Həsənovun gənc əsgərlərə ünvanladığı təbrik məktubu oxunub. Yuxarı komandanlığın nümayəndələri çıxışlarında gənc əsgərləri əlamətdar gün münasibətilə təbrik edib, onlara nümunəvi və nizam-intizamla xidmət etməyi, silah və texnikanın sirlərinə dərindən yiyələnərək döyüş qabiliyyətlərini daim artırmağı, komandir-rəis heyətinin əmr və tapşırıqlarını dəqiq və vaxtında yerinə yetirməyi, işğal altındakı torpaqlarımızın azadlığı uğrunda döyüşə hər an hazır olmağı tövsiyə ediblər.
Çıxış edən valideynlər gündən günə qüdrətlənən Azərbaycan Ordusu ilə fəxr etdiklərini bildirib, Vətənə, dövlətə sədaqət andı içərək torpaqlarımızı şərəflə qorumaq məsuliyyətini üzərlərinə götürən gənc əsgərlərə xidmətlərində uğurlar arzulayıblar.
Sonra bədii kompozisiya nümayiş olunub, gənc əsgərlər təntənəli marşın sədaları altında tribuna önündən keçiblər.
Mərasim başa çatdıqdan sonra əsgərlərin valideynləri ilə görüşləri təşkil edilib. Hərbi hissədə yaradılan şəraitlə tanış olan valideynlər şəxsi heyətin yataq yerləri, hamam-camaşırxana kompleksinə və əsgər yeməkxanasına baş çəkiblər.
Valideyn Firəngiz Xəlilova təəssüratlarını AZƏRTAC-ın müxbiri ilə bölüşüb: “Bu gün övladım Vətənə sədaqət andı içdi. Fəxr edirəm ki, övladım Vətənə xidmət edir. Biz burada əsgərlərin xidmət və məişət şəraiti ilə də yaxından tanış olduq. Hər şey yüksək səviyyədədir. Ordumuza göstərilən yüksək qayğıya, hərbçilərimiz üçün yaradılan mükəmməl şəraitə görə dövlətimizin başçısına minnətdarlığımı bildirirəm”.
Salyan rayonundan gəlmiş Sərvinaz Həsənovanın sevincinin həddi-hüdudu yox idi. Nəvəsinin Vətənə xidmət etməsindən qürur duyduğunu bildirən nənə deyib: “Azərbaycanın güclü ordusu var. Nəvəm də bu orduda xidmət edir. Nəvəmə, həmçinin bütün əsgərlərə Vətənə şərəflə xidmət etməyi, Azərbaycan Ordusuna düşmən üzərində qələbə qazanmağı arzulayıram”.
Əsgər valideynləri arasında tanınmış müğənni Roza Zərgərli də var idi. O, fikirlərini belə ifadə edib: “Bu gün biz valideynlər üçün unudulmaz gündür. Biz fəxr edirik ki, övladımız Vətənimizə, dövlətimizə, xalqımıza xidmət edir. Hərbi hissədə əsgər və zabitlərin xidməti üçün gözəl şərait yaradılıb. Bütün əsgərlərimizə hərbi xidməti layiqincə yerinə yetirməyi və sağ-salamat evə qayıtmağı arzu edirəm”.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycanla Qambiya diplomatik pasport sahibləri üçün viza tələbini aradan qaldırıb
04 May
IOFS-in baş direktoru Azərbaycanın beynəlxalq yardım fəaliyyəti barədə məlumatlandırılıb...
04 May
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
Azərbaycanın xarici işlər naziri pakistanlı həmkarı ilə Qambiyada görüşüb
04 May
Nazir: Zəngəzur dəhlizi Cənubi Qafqazdakı bütün ölkələrin bəhrələnməsinə imkan yaradacaq ...
04 May
Azərbaycan-Somali əməkdaşlığının hazırkı səviyyəsindən məmnunluq ifadə olunub
04 May
Azərbaycanla Mərakeş arasında viza rejimi aradan qaldırılıb
04 May
NATO siyasətçiləri Azərbaycanı təbrik ediblər
04 May
Azərbaycanın xarici işlər naziri Qambiyada türkiyəli həmkarı ilə görüşüb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!