Gələcəyin mühəndisi
Yüksək bal toplayan Ağa Qurbanov neft-qaz sahəsi üzrə peşəkar kadr kimi yetişmək arzusundadır
"Riyaziyyat fənnini çox sevirəm. Kiçik yaşlarımdan məndə bu elmi öyrənməyə maraq olub. Deyirlər riyaziyyat bütün elmlərin açarıdır, təfəkkür tərzidir. Elə bəlkə də mənim bu gün uğur qazanmağımda bu elmin danılmaz rolu olub”.
I ixtisas qrupu üzrə builki qəbul imtahanlarında 639.4 bal toplayan Ağa Qurbanov nailiyyətini bizimlə bölüşür.
Ağa Qurbanov Bakıda doğulsa da, nənə-babası Zəngilan rayonundan məcburi köçkündür. 6 nömrəli Zəngilan orta məktəbində təhsil alan Ağa hər zaman dərslərini əla oxuyaraq bu təhsil ocağını yüksək qiymətlərlə bitirib.
Bakı Ali Neft Məktəbinin neft-qaz mühəndisliyi ixtisasını seçən gənc tələbə vurğulayır ki, istədiyi universitetə daxil olduğu üçün özünü xoşbəxt hiss edir: "Hələ IX sinifdə oxuyarkən gələcəkdə bu ali məktəbin tələbəsi olmağı arzulayırdım. Buna görə də həmin dövrdən etibarən ali məktəb haqqında öyrənir, orada təhsil alan dostlardan, tanışlardan məlumat alırdım. Buna görə də əvvəlcədən əmin oldum ki, seçdiyim universitet Azərbaycanda kifayət qədər nüfuzlu təhsil müəssisələrindən biridir. Həmçinin bu ali məktəbi bitirdikdən sonra müvafiq iş tapmaqda çətinlik çəkməyəcəm. Ümumiyyətlə, III, ya da IV kursdan sonra bu universitetdə tələbələri işlə təmin edirlər. Buna görə də düşünürəm ki, bu mənim üçün də çox əlverişli olacaq və seçimim düzdür”.
Buraxılış imtahanından 272 bal toplayan Ağa yaz qəbul imtahanı ilə birlikdə cəmi 565 bal toplayır və bu balla istədiyi neft-qaz mühəndisliyi ixtisasına qəbul oluna bilməyəcəyini düşünərək məyus olur, amma ikinci imtahana daha əzmlə çalışmağa başlayır: "Yay imtahanına daha çox səylə çalışdım və 639.4 bal topladım. Valideynlərim hər zaman mənə inanırdı ki, yaxşı nəticə göstərəcəm, onların bu fikri məndə də özünəinam hissi yaradırdı. Nəticələr elan olunanda ailəlikcə çox sevinmişdik”.
Əvvəlcədən qarşıya məqsəd qoyulmalıdır
Ağa deyir ki, bu il qəbul imtahanı bir qədər fərqli idi. Lakin o qədər çətin deyildi, sadəcə diqqət tələb edən suallar var idi: "Düşünürəm ki, bəzi diqqət tələb edən suallar olmasaydı, daha yüksək bal toplaya bilərdim. Əvvəlcə narahat oldum ki, topladığım bu balla istədiyim ali məktəbdə təhsil ala bilməyəcəm. Çünki ötən il ballar çox yüksək idi. Amma bu il ballar aşağı düşdü və bu da sevdiyim ixtisasa yiyələnməyimə kömək etdi”.
Gələcəyin mühəndisi onu da bildirir ki, ali məktəbə hazırlıq zamanı müəllimlərindən də böyük dəstək görüb: "Onlar hər zaman mənə inandıqlarını və istədiyim nəticəni əldə edəcəyimə əmin olduqlarını söyləyirdilər. Həmçinin imtahana sistemli hazırlaşmağımda suallarla bağlı düzgün istiqamətə yönləndirirdilər. Xüsusilə də riyaziyyatdan məni hazırlaşdıran müəllimim Rüfət Cəfərovun üzərimdə çox əziyyəti var. Mən müəllimlərimin inamını doğrultmaq üçün daha çox çalışırdım”.
Asudə vaxtlarında musiqi dinləməyi, film seyr etməyi, mütaliəni, xüsusilə də detektiv janrda əsərlər oxumağı xoşlayan gənc söyləyir ki, dostları ilə görüşüb zaman keçirməyi də sevir. Həmçinin "sağlam bədəndə sağlam ruh olar” deyimini əldə əsas tutaraq idmana da önəm verir. Uşaqlıqdan cüdo, gimnastika ilə məşğul olub, üzgüçülüyə gedir, bu yaxınlarda isə fitnesə başlayıb.
Əyləncəyə, istirahətə, idmana da dərslərlə paralel zaman ayırmağın vacibliyini vurğulayan tələbə ondan sonra yetişən gənc nəslə uğur qazanmağın sirlərindən danışır: "Uğura aparan yol əzmkarlıq və məsuliyyətdən başlayır. Hər şey çalışqanlıqdan asılıdr. O cümlədən bu günün tapşırığını sabaha saxlamaq olmaz. Hər tapşırığı vaxtında yerinə yetirmək, məsuliyyətli yanaşmaq mütləqdir. Ən ümdə isə əvvəlcədən qarşıya məqsəd qoyulmalıdır. Belə olanda o məqsədə çatmaq üçün daha çox çalışarsan ki, bu da insana əlavə motivasiya verir”.
Ağa Qurbanov ali məktəbdə də yüksək səviyyədə bilik əldə edərək peşəkar mühəndis olmaq istəyindədir: "Azərbaycan neft-qaz ölkəsidir və hər zaman arzum olub ki, mən də bu sahə üzrə ixtisaslı kadr kimi yetişim. Çalışacağam ki, peşəkar mühəndis olub, xalqıma xeyirli işlər görüm və bu uğurda əlimdən gələni edim”.
Y.MUSAYEVA,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xankəndi Şəhər Prokurorluğunun yaradılması haqqında
05 May
"Azərbaycan Respublikası Hökuməti ilə Türkiyə Respublikası Hökuməti arasında baytarlıq sahəsində əmə...
05 May
"Azərbaycan Respublikası Hökuməti ilə Türkiyə Respublikası Hökuməti arasında gəlirlərə görə vergilər...
05 May
“Elektrik gücü çatmadıqda, sistemin dayanıqlılığını təmin etmək üçün elektrik enerjisinin təminatına...
05 May
“Azərbaycan Respublikası Əmək və Əhalinin Sosial Müdafiəsi Nazirliyinin kollegiyasının tərkibi haqqı...
05 May
`"Azərbaycan Xəzər Dəniz Gəmiçiliyi" Qapalı Səhmdar Cəmiyyəti balansında olan gəmilər üçün müxtəlif...
05 May
Azərbaycanla Qambiya diplomatik pasport sahibləri üçün viza tələbini aradan qaldırıb
04 May
IOFS-in baş direktoru Azərbaycanın beynəlxalq yardım fəaliyyəti barədə məlumatlandırılıb...
04 May
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!