FİG-in konqresi Bakıda tarixi qərarlar qəbul etdi
Müasir Azərbaycan dünyada idman ölkəsi kimi tanınır. İdmana və Olimpiya hərəkatına dəstək dövlət siyasətinin əsas istiqamətlərindən biridir. İdmançılarımız müntəzəm olaraq mötəbər beynəlxalq turnirlərdə iştirak edir, vətənə medallarla qayıdırlar.
Azərbaycanda sevilən idman növlərindən biri də gimnastikadır. Gimnastlarımız mühüm yarışlarda layiqli çıxışları ilə böyük uğurlar qazanıblar. Artıq özünəməxsus məşqçilik ənənələri də formalaşmışdır. Ölkəmizdə müntəzəm olaraq Avropa və dünya çempionatları keçirilir. Hazırda Azərbaycan gimnastika məktəbi dünya idman ictimaiyyəti tərəfindən tanınır. Ölkəmizdə gimnastikanın müxtəlif növləri - bədii gimnastika, kişi və qadın idman gimnastikası, aerobika və akrobatika gimnastikası, tamblinq və batut inkişaf edir.
Qazanılan nailiyyətlərdə Azərbaycan Gimnastika Federasiyasının (AGF) prezidenti Mehriban xanım Əliyevanın böyük əməyi olmuşdur. Hazırda AGF mötəbər beynəlxalq yarışların keçirilməsi, Azərbaycanın dünya idmanında layiqli təmsil olunması üçün texniki və təşkilati vəzifələri yerinə yetirməyi bacaran peşəkar mütəxəssislərdən ibarət bir komandadır. Təsadüfi deyil ki, bu günlərdə Beynəlxalq Gimnastika Federasiyasının (FİG) 82-ci Konqresi məhz Bakıda keçirilmiş və tədbirdə gimnastikanın gələcək inkişafına dair bir sıra vacib qərarlar qəbul olunmuşdur. Bunlardan biri parkur idman növünün FİG ailəsinə daxil olmasıdır. Hələ ötən il beynəlxalq federasiya parkur üzrə texniki komissiyanı formalaşdırmağa başlamışdır. Cari mövsümdə isə bu idman növü üzrə dünya kubokunun bir neçə yarışı keçirilmişdir. İndi parkur rəsmən gimnastikanın tərkib hissəsi olmuşdur. Dekabrın 4-5-də paytaxtımızda FİG-in tərkibinə daxil olan federasiyaların iştirakı ilə ilk tanışlıq seminarı keçirilmişdir. Forum iştirakçıları təqdimat mərasimində parkur barədə və onun gələcək inkişaf strategiyası haqqında hərtərəfli məlumatlandırılmışlar.
Konqresin yekunlarına görə, Etika Fondunun yaradılması təsdiq edilmişdir. Fond gimnastikada zorakılığın qarşısının alınması üçün məsuliyyət daşıyacaq. Hələ fevral ayında FİG prezidenti Morinari Vatanabe müstəqil orqan yaratmaq təklifi ilə çıxış etmişdi. Fond fəaliyyətində beynəlxalq federasiyadan asılı olmayacaq və özünü zorakılığın bütün formaları və etik prinsiplərin pozulması ilə mübarizəyə həsr edəcək.
Konqresdə Tokio Olimpiadasından sonra təsnifat yarışlarının keçirilməsi də müzakirə olunmuşdur. Qərara alınmışdır ki, seçmə yarışların keçirilməsi qaydaları Yaponiyada keçiriləcək 2020-ci il Olimpiya Oyunlarından sonra da əvvəlki kimi qalacaq.
Bakı konqresində qəbul olunmuş daha bir qərarla 2022-ci ildə bədii gimnastika üzrə dünya çempionatı Bolqarıstanın paytaxtı Sofiyada keçiriləcək. Bu tədbir sentyabrın 12-18-də baş tutacaq.
Gələn il iyulun 19-21-də isə Rusiyanın paytaxtı Moskva şəhəri yuniorlar arasında bədii gimnastika üzrə dünya birinciliyinə evsahibliyi edəcək.
AGF-nin vitse-prezidenti Altay Həsənov 2019-cu ildə Bakıda bədii gimnastika üzrə dünya çempionatının və gimnastikanın digər növləri üzrə dünya kuboku yarışlarının keçiriləcəyini bildirmişdir. O vurğulamışdır ki, AGF-nin qrafiki sıx olsa da, "biz, həmişəki kimi, hər şeyin öhdəsindən gələcəyik”. Ötən il AGF yenə də dünyada ən yaxşı federasiyalardan biri seçilmişdir. Konqresdə qəbul olunmuş qərarlar dünya gimnastikasının inkişafına təkan verəcək.
FİG konqresinin iştirakçıları tədbirin yüksək səviyyədə təşkil olunduğunu qeyd etmişlər. Avropa Gimnastika İttifaqının (UEG) baş direktoru Liza Vortman bildirmişdir ki, "Azərbaycan həmişə tədbirləri yüksək səviyyədə keçirir və Bakıda bu cür forumları necə keçirməyi öyrənmək olar”. O, həmçinin UEG prezidenti Fərid Qayıbovun işini yüksək qiymətləndirərək deyib: "Bu onun yeni vəzifədə birinci fəaliyyət ilidir. F.Qayıbovla və icraiyyə komitəsinin digər üzvləri ilə birgə gələcək planları müzakirə etdik. Bizim çoxlu ideyalarımız var. Onlardan bəzilərini reallaşdırmışıq, qalanları isə, ümid edirəm ki, yaxın gələcəkdə reallaşdırılacaq”.
Panamerika Gimnastika İttifaqının prezidenti və FİG İcraiyyə Komitəsinin üzvü Naomi Valenzo da AGF-nin fəaliyyətini yüksək qiymətləndirmişdir: "Heç də bütün federasiyalar bu cür tədbir keçirməyi öhdəsinə götürə bilməz. Konqres çox yaxşı keçdi, vacib məsələlər müzakirə olundu. Bunlardan biri də parkurun gimnastika növləri siyahısına daxil edilməsidir”.
Rizvan CƏFƏROV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xankəndi Şəhər Prokurorluğunun yaradılması haqqında
05 May
"Azərbaycan Respublikası Hökuməti ilə Türkiyə Respublikası Hökuməti arasında baytarlıq sahəsində əmə...
05 May
"Azərbaycan Respublikası Hökuməti ilə Türkiyə Respublikası Hökuməti arasında gəlirlərə görə vergilər...
05 May
“Elektrik gücü çatmadıqda, sistemin dayanıqlılığını təmin etmək üçün elektrik enerjisinin təminatına...
05 May
“Azərbaycan Respublikası Əmək və Əhalinin Sosial Müdafiəsi Nazirliyinin kollegiyasının tərkibi haqqı...
05 May
`"Azərbaycan Xəzər Dəniz Gəmiçiliyi" Qapalı Səhmdar Cəmiyyəti balansında olan gəmilər üçün müxtəlif...
05 May
Azərbaycanla Qambiya diplomatik pasport sahibləri üçün viza tələbini aradan qaldırıb
04 May
IOFS-in baş direktoru Azərbaycanın beynəlxalq yardım fəaliyyəti barədə məlumatlandırılıb...
04 May
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!