Dissertasiya işləri və elmi məqalələrin yazılması tam nəzarətdədir
AMEA-nın Molekulyar Biologiya və Biotexnologiyalar İnstitutu öz fəaliyyətini Azərbaycan Respublikası Nazirlər Kabineti yanında Operativ Qərargahın koronavirus pandemiyası və xüsusi karantin rejimi ilə bağlı tələblərinə, eləcə də "Evdə qal, lakin elmi fəaliyyətdən kənarda qalma” çağırışlarına uyğun olaraq onlayn rejimdə davam etdirir.
AMEA-dan AZƏRTAC-a bildirilib ki, bu barədə AMEA-nın vitse-prezidenti, Biologiya və Tibb Elmləri Bölməsinin sədri, Molekulyar Biologiya və Biotexnologiyalar İnstitutunun direktoru, akademik İradə Hüseynova məlumat verib.
İradə Hüseynova institutun şöbə və laboratoriya müdirləri ilə hər səhər onlayn formada əlaqə saxlayaraq onların fəaliyyəti ilə maraqlandığını, tapşırıq və tövsiyələrini verdiyini, distant dərslərdə iştirak etdiyini bildirib. O, həmçinin rəhbəri olduğu doktorant və magistrantlara məsləhətlərini verdiyini, dissertasiya işləri və elmi məqalələrin yazılmasının tam nəzarətdə olduğunu söyləyib.
İnstitut əməkdaşlarının COST proqramı üzrə meqalayihəyə qoşulduqlarını deyən akademik İ.Hüseynova Fransanın koordinatorluğu ilə həyata keçirilən, 22 Avropa ölkəsinin iştirak etdiyi "Oksigen zondlama - meyvələrin keyfiyyətinin biologiyası və texnologiyası üçün yeni vasitə” adlı bu layihədə rəhbərlik etdiyi qurumun əməkdaşlarının Azərbaycanı təmsil edəcəklərini nəzərə çatdırıb. Bununla əlaqədar, layihə iştirakçılarının e-COST sistemində qeydiyyatdan keçərək öz profillərini aktivləşdirdiyini vurğulayıb.
Alim bildirib ki, hazırda institutun elmi işçiləri elmi-tədqiqat nəticələrinin analizi və məqalələrin yazılması üzərində intensiv işləyirlər: "Son günlərdə 4 məqalə hazırlanaraq, "Journal of Agricultural Sciences”, "Bulgarian Journal of Agricultural Science”, "Journal of International Microbiology”, "International Journal of Molecular Sciences” kimi yüksək impak faktorlu beynəlxalq jurnallara təqdim edilib. "Gene” jurnalına çap üçün təqdim olunan məqaləyə gələn resenzent rəylərinin cavablandırılması üzrə işlər isə yekunlaşmaq üzrədir. Hüceyrənin membran sistemləri laboratoriyasının əməkdaşlarının apardıqları tədqiqatların nəticələrini əks etdirən məqalə 2.327 impakt faktora malik "Functional Plant Biology” jurnalında çapa qəbul olunub”.
O, öz elmi redaktorluğu ilə hazırlanan "Ali bitkilərdə karbonun ilkin assimilyasiyasının tənzimlənmə xüsusiyyətləri” adlı monoqrafiyanın tamamlanması üzrə işlərin davam etdirildiyini də bildirib.
İ.Hüseynova institutun doktorant və dissertantlarının tədqiqatlarının nəticələrini müxtəlif bioinformatik proqramlarla analiz etdiyini, onlar tərəfindən buğdadan və onun yabanı formalarından ayrılan Dreb geninin nukleotid ardıcıllıqlarının NCBİ beynəlxalq biotexnoloji məlumat bazasında yerləşdirildiyini bildirib. Qeyd edib ki, son günlərdə gənc alimlər molekulyar biologiya sahəsində bir neçə beynəlxalq vebinarda iştirak ediblər. Aprelin 11-də Azərbaycan Respublikası Gənclər və İdman Nazirliyinin təşkilatçılığı ilə keçirilən "Dünya və gənclər yeni şəraitdə” onlayn forumuna institutun 5 gənc alimi qatılıb.
İnstitut direktoru Bioinformatika və Beynəlxalq Hesablama struktur biologiyası laboratoriyalarının fəaliyyətində heç bir ləngimənin baş vermədiyini, plan üzrə nəzərdə tutulan tədqiqatların tam şəkildə yerinə yetirildiyini diqqətə çatdırıb. O, həmçinin Beynəlxalq Hesablama struktur biologiyası laboratoriyasının müdiri, Kembric Universitetinin professoru Qərib Mürşüdovun həmişə olduğu kimi, onlayn rejimdə struktur biologiyanın əsasları və statistika sahəsində laboratoriya işçilərini istiqamətləndirməyə davam etdiyini vurğulayıb. Qeyd edib ki, institutun Təhsil şöbəsi AMEA-nın prezidenti, akademik Ramiz Mehdiyevin "AMEA-nın magistrantları üçün distant (məsafədən) tədrisin təşkil edilməsi haqqında” Sərəncamının icrası ilə əlaqədar qısa müddət ərzində institutun professor-müəllim heyəti ilə magistrantlar arasında müxtəlif telekommunikasiya vasitələri ilə əlaqə yaradıb, tədris planlarında nəzərdə tutulan bütün ixtisas fənləri üzrə distant dərslərin aparılması təmin edilib. Eyni zamanda, II kursda təhsil alan magistrantlar distant olaraq elmi-pedaqoji təcrübəyə başlayıblar və elmi rəhbərləri ilə birgə onlayn rejimdə dissertasiya işlərinin yekunlaşdırılması üzərində işləyirlər.
"İnstitutun Beynəlxalq və İctimaiyyətlə əlaqələr şöbəsi də xüsusi karantin rejimində öz fəaliyyətini uğurla davam etdirir”, - deyən akademik İ.Hüseynova əməkdaşların gördüyü işlər, apardıqları araşdırmalar, distant təhsil, virtual dərslər, dünyada və ölkəmizdə koronavirus pandemiyası ilə bağlı son məlumatlar, bu virusla mübarizə məqsədilə görülən tədbirlər haqqında məlumatların müntəzəm olaraq imbb.az saytında işıqlandırıldığını vurğulayıb.
Akademik bildirib ki, Molekulyar Biologiya və Biotexnologiyalar İnstitutunun "Elmi Əsərləri”nin IV cildinə məqalələrin toplanmasına başlanılıb. Redaksiyanın elektron ünvanına daxil olan məqalələr rəyə göndərilir və redaksiya üzvlərinin onlayn müzakirəsinə təqdim olunur.
Akademik İ.Hüseynova, həmçinin rəhbərlik etdiyi qurumun alim və mütəxəssislərinin kütləvi informasiya vasitələrində koronavirus pandemiyası ilə əlaqədar çoxsaylı çıxışlar etdiyini, müsahibələr verdiyini bildirib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycanla Qambiya diplomatik pasport sahibləri üçün viza tələbini aradan qaldırıb
04 May
IOFS-in baş direktoru Azərbaycanın beynəlxalq yardım fəaliyyəti barədə məlumatlandırılıb...
04 May
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
Azərbaycanın xarici işlər naziri pakistanlı həmkarı ilə Qambiyada görüşüb
04 May
Nazir: Zəngəzur dəhlizi Cənubi Qafqazdakı bütün ölkələrin bəhrələnməsinə imkan yaradacaq ...
04 May
Azərbaycan-Somali əməkdaşlığının hazırkı səviyyəsindən məmnunluq ifadə olunub
04 May
Azərbaycanla Mərakeş arasında viza rejimi aradan qaldırılıb
04 May
NATO siyasətçiləri Azərbaycanı təbrik ediblər
04 May
Azərbaycanın xarici işlər naziri Qambiyada türkiyəli həmkarı ilə görüşüb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!