Daim xalq arasında
Dövlət başçısı və Mehriban xanım Əliyeva ad günlərini həmişə sadə vətəndaşlarla keçirirlər
Bu günlərdə Prezident İlham Əliyev və Birinci vitse-prezident Mehriban xanım Əliyeva Şamaxı və İsmayıllı rayonlarında bir sıra müəssisə, orta məktəb binasının, avtomobil yollarının açılışında iştirak etdilər. Dövlət başçısı və birinci xanım avqustun 26-da İsmayıllının Lahıc qəsəbəsində oldular. Mehriban xanım Əliyevanın öz doğum günündə onlarla birlikdə olması lahıclıların ürəyini dağa döndərdi.
Ad günlərini hər cür dəbdəbə və təntənədən uzaq, sadə insanlarla birlikdə keçirmək ulu öndər Heydər Əliyev ailəsinin ən gözəl ənənələrindəndir. Ümummilli liderin öz ad günlərini böyük təvazökarlıqla və sadə şəraitdə keçirməsi hamıya bəllidir. Prezident İlham Əliyev də hər dəfə öz ad gününü sadə insanların arasında, qaçqın və məcburi köçkünlərin məskunlaşdığı qəsəbələrin sakinləri, şəhid ailələri ilə birlikdə qeyd edir. Dövlət başçısının hətta 50 illik yubileyini də belə bir şəraitdə keçirdiyi hamının yadındadır. Birinci xanım Mehriban Əliyevanın özünün növbəti doğum günündə lahıclıların əhatəsində olması məhz bu uca mənəviyyatdan qaynaqlanır.
Həmin gün lahıclıların sevinci birə-beş artmışdı. Lahıca təbii qaz gəlmişdi. Relyefi çox mürəkkəb olan bu məkana mavi yanacaq xətlərinin çəkilməsi həqiqətən tarixi hadisədir.
Avqustun 26-da qəsəbədə yeni inşa olunan tam orta məktəb binasının da açılışı oldu. Gözəl binası, müxtəlif fənn kabinetləri və laboratoriyaları, işıqlı sinif otaqları, idman və akt zalları, videomüşahidə və mərkəzləşdirilmiş istilik sistemləri olan bu məktəb Lahıc sakinlərinə, burada böyüyən gənc nəslə çox dəyərli bir töhfədir. Məktəbin direktoru, əməkdar müəllim Hikmət Haqverdili Mehriban xanım Əliyevanın xalqa, sadə insanlara etdiyi xeyirxahlıqları, o cümlədən Azərbaycan təhsilinə göstərdiyi böyük dəstəyi yüksək qiymətləndirməklə bərabər, həm də lahıclılar adından onu doğum günü münasibətilə təbrik etdi: “Siz insanlara daim sevinc, xoşbəxtlik bəxş edirsiniz. Biz Sizin fəaliyyətinizi daim izləyirik. Siz həmişə xeyirxah işlərdə, xeyirxah tədbirlərdə iştirak edirsiniz. Bu Sizi fərqləndirən cəhətlərdəndir. Siz bu əziz gündə - ad gününüzdə biz lahıclılarla bir yerdəsiniz. Bu, Sizin böyüklüyünüzü, insanlara bağlılığınızı göstərir”.
Bu, hər bir azərbaycanlının, hər bir Azərbaycan vətəndaşının ürəyindən gələn sözlərdir. Xalqımızın leksikonunda qədim zamanlardan belə bir ifadə var: el anası. Ehtiyacı olanın çətinliyini duymağı bacaran, dərdliyə həmdəmlik edən, yetimi sinəsinə çəkən, qısası, bir kəndin, bir obanın camaatına qayğı göstərməyə qadir olan geniş ürəkli xanımlara el anası deyiblər!
Azərbaycanın birinci xanımının bu yönümdəki xeyirxahlıq missiyası bir ailənin, kəndin, yaxud şəhərin çərçivəsindən çıxaraq daha geniş miqyas alıb. Mehriban xanım Əliyeva bütün Azərbaycan xalqının xeyirxahı, həmdəmi, qayğıkeşidir. O, hamıya kömək etməyə, yaxşı işlərdə dəstək verməyə, yardım göstərməyə qadir və həmişə hazır olan böyük bir insandır! Mehriban Əliyevanın xeyirxahlıq missiyası təkcə özümüzə deyil, bütün dünyaya bəllidir. Bu missiyanın bəhrələri özünü artıq Yer üzünün ayrı-ayrı guşələrində də göstərməkdədir.
Mehriban xanım Əliyevanın təşəbbüsü və rəhbərliyi ilə reallaşan “Diabetli uşaqlara ən yüksək qayğı” və “Talassemiyasız həyat naminə” layihələri sözügedən xəstəliklərdən əziyyət çəkən insanların, xüsusilə uşaqların şəfa tapmasına imkan yaradıb. Bakıda və ölkənin digər regionlarında mütəmadi keçirilən qanvermə aksiyaları, ürək çatışmazlığından, dodaq və damaq bitişməzliyi patologiyasından əziyyət çəkən uşaqların əməliyyat olunması, aztəminatlı ailələrin üzvlərinin müayinələri, lazım gəldikdə insanların xarici ölkələrə müalicəyə göndərilməsi... Bütün bunlar Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyevanın xeyirxah əməlləri nəticəsində baş tutur.
Hələ “Uşaq evləri və internat məktəblərinin inkişafı”, “Yeniləşən Azərbaycana yeni məktəb”, “Təhsilə dəstək” və digər layihələri demirik...
Bir sözlə, Azərbaycanın birinci xanımı insanların həm çətin və kədərli məqamlarında, həm də sevincli günlərində onlarla birlikdədir. Heç təsadüfi deyil ki, Mehriban xanım Əliyeva öz sevincli günündə də insanların, xalqın sadə nümayəndələrinin - Lahıc sakinlərinin arasında oldu. Bu, Birinci vitse-prezident, birinci xanım, Heydər Əliyev Fondunun prezidenti Mehriban Əliyevanın öz yüksək mənəviyyatına, xeyirxahlıq missiyasına, müstəqil Azərbaycan dövlətinin zəngin ənənələrinə sadaqətinin daha bir bariz nümunəsidir.
Flora SADIQLI,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Fernando Lottenberq: Azərbaycanda antisemitizmin baş verməməsi tolerantlığın parlaq nümunələrindəndi...
04 May
Dövlət Xidməti: Bir sıra bank və müəssisələrə aid çoxsaylı konfidensial məlumatlar ödənişsiz platfor...
04 May
Argentinanın etiqad işləri üzrə katibi Azərbaycanda tolerantlığın qorunub saxlanılmasını yüksək qiym...
04 May
Xankəndidə bir həftə ərzində xeyli sayda silah-sursat və partlayıcı maddələr aşkarlanıb
04 May
Norveçli səyyahlar qrupu Xudafərin körpüsü ilə tanış olublar
04 May
“Azeri Light” markalı neft ucuzlaşıb
04 May
Dünyanın mərkəzi bankları ümumi qızıl ehtiyatlarını mart ayında 15 tondan çox artırıblar...
04 May
İlon Mask ABŞ dollarının dəyərsizləşəcəyi ilə bağlı xəbərdarlıq edib
04 May
ABŞ prezidentliyinə namizəd NATO-nun genişlənməsinə qarşıdır
04 May
Prezident İlham Əliyevin COP29 tədbiri ilə bağlı dəvət məktubları BMT-dəki daimi nümayəndələrə çatdı...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!