Bu günün fidan balaları sabahın qurucularıdır
Azərbaycan müstəqillik qazandıqdan sonra ən çox diqqət yetirilən sahələrdən biri də gənc nəslin təlim-tərbiyəsi olmuşdur. Son illər ölkəmizdə mövcud olan məktəbəqədər uşaq tərbiyə müəssisələrinin yarıdan çoxu yenilənmiş, ən ucqar kəndlərdə müasir uşaq bağçaları tikilərək istifadəyə verilmişdir.
Bu istiqamətdə Qazax rayonunda son bir ildə onlarca uşaq bağçası yenidən qurulmuşdur. Bu məktəbəqədər uşaq tərbiyə müəssisələrinin 90 faizi kəndlərdə yerləşir. İndi Quşçu Ayrım, Bala Cəfərli, Canalı və şəhər 2 saylı uşaq bağçalarının balaca sakinləri müasir standartlara cavab verən müəssisədə tərbiyə alır, məktəbəqədər hazırlıq qruplarında bilik əldə edirlər. Aşağı Əskipara kənd körpələr evi-uşaq bağçası, 100 yerlik şəhər 1 saylı körpələr evi-uşaq bağçası üçün yeni binanın tikilməsi, 2 saylı uşaq bağçasının əsaslı təmiri, Daş Salahlı kənd 2 və 3 saylı, Kosalar kənd 2 və 3 saylı körpələr evi-uşaq bağçalarının, Xanlıqlar kənd körpələr evi-uşaq bağçasının, Cəfərli kənd uşaq bağçasının əsaslı şəkildə yenidən qurulması söz yox ki, gənc nəslin təlim-tərbiyəsinə dövlət qayğısının bariz nümunəsidir.
Dövlət başçısı İlham Əliyevin regionlarda uşaq bağçalarının tikintisi ilə bağlı imzaladığı 12 fevral 2018-ci il tarixli sərəncamının icrası ilə bağlı tədbirlər Qazaxda bu gün də uğurla icra olunur. Sərəncamdan irəli gələn vəzifələrə uyğun olaraq körpə balalarımızın sağlam mühitdə böyüməsi və hər bir şəraiti olan uşaq bağçalarında tərbiyə alması üçün rayonda mövcud olan uşaq tərbiyə müəssisələrinin maddi-texniki bazası gücləndirilir. Elə bu günlərdə Qazax şəhərində fəaliyyət göstərən 3 saylı körpələr evi-uşaq bağçasının əsaslı təmirdən sonra istifadəyə verilməsi də bu sahədə başlanan işlərin davamı kimi qiymətləndirilir.
Açılış mərasimində Qazax Rayon İcra Hakimiyyətinin başçısı Rəcəb Babaşov çıxış edərək yeni bağçanın istifadəyə verilməsini dövlət başçısının gələcəyin qurucuları olan körpələrə göstərdiyi diqqət və qayğının təzahürü kimi dəyərləndirdi. Müqəddəs Qurban bayramı ərəfəsində istifadəyə verilən bu bağça istər tərbiyəçilərə, istər valideynlərə, istərsə də körpələrə əsl bayram hədiyyəsi oldu. İcra başçısı diqqətə çatdırdı ki, gənc nəslin təlim-tərbiyəsi Prezident İlham Əliyevin və Birinci vitse-prezident, Heydər Əliyev Fondunun prezidenti Mehriban xanım Əliyevanın daim diqqət mərkəzindədir. Onların bu sahəyə göstərdikləri qayğı nəticəsində indi körpə balalarımız ən müasir uşaq bağçalarında tərbiyə alırlar. Bağçanın müdiri Asya Alhüseynova, tərbiyəçi Kəmalə Saniyeva çıxış edərək uşaqlara yaradılan bu şəraitə görə dövlət başçısına minnətdarlıq etdilər, balaca fidanların təlim-tərbiyəsi ilə bundan sonra da yüksək səviyyədə məşğul olacaqlarına söz verdilər. Valideynlərdən Rasim Carçıyev, Nazilə Saniyeva, Aytən Müftizadə, Afaq Budaqlı və başqaları göstərilən qayğıya görə dövlət başçısına təşəkkürlərini bildirdilər.
Bağçada tərbiyə alan körpə fidanların ifasında səhnəciklər nümayiş etdirildikdən sonra rəmzi qırmızı lent kəsildi, iştirakçılar əsaslı şəkildə təmir edilmiş və hər cür avadanlıqlarla təmin olunmuş uşaq bağçası ilə yaxından tanış oldular. Bildirildi ki, 95 yerlik uşaq bağçasında ikisi böyük, ikisi orta və biri kiçik olmaqla 5 qrup fəaliyyət göstərəcəkdir. Burada tibb, musiqi otaqları, mətbəx və digər yardımçı otaqlar da inşa edilmişdir. Bağça istilik sitemi ilə təmin edilib. Uşaqların asudə vaxtlarını səmərəli keçirmələri üçün bağçanın həyətində guşələr yaradılıb.
Sabir ƏLİYEV,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!