Bir budağın qədrini bilən insan
Quba rayonunun Xucbala kəndində Qubat Həsənov adlı biologiya müəllimi var idi. Deyərdi ki, bir budaq qıranda elə bilin ki, öz qolunuzu kəsirsiniz. Qubat müəllimin həyatı çətinliklərdən keçib, İkinci Dünya müharibəsində snayper kimi Berlinədək uzun bir döyüş yolu keçib. Ancaq o qədər təbiətə, yaşıllığa bağlı insan idi ki, onun müharibədə vuruşduğuna, alman faşistlərini birər-birər dənlədiyinə adamın heç inanmağı gəlmirdi. O, müharibədən qayıdandan sonra ömrünün sonuna kimi biologiya müəllimi işlədi. Neçə ildir ki, dünyasını dəyişib. Ancaq bu gün də kənddə hamı onun adını hörmətlə çəkir və hətta kəndin yuxarı hissəsinə, Qubat müəllimin uşaqlarına ev tikdiyi yerlərə Qubatoba deyirlər.
O, həm ləyaqətinə, həm biliyinə, həm də təbiətə sonsuz məhəbbətinə görə unudulmur, yaddan çıxmır. Oğlu Fazil artıq yaşlaşıb, baba olsa da, atasının onlara necə təbiəti sevdirdiyini unutmadığını deyir:
- Qəribə insan idi atam, ömrü boyu, ağac əkdi, bağ saldı. O, kəndin bütün uşaqlarına məktəbin təcrübə sahəsində qələm vurmağı öyrətmişdi. Hamını məcbur edirdi ki, evinin yanında, çəpərlər, arxlar boyu ağac əkib becərsin: "Yaş kəsən, baş kəsər", - deyərdi. İndi kəndimizə qaz çəkilib. Ancaq bu kənddə əsrlər boyu meşəni qırıb yandırıblar. Biz də odun yandırırdıq. Meşədən bir maşın alardıq, təxminən 6 kubmetr, bütün qışı görərdi. Bilirsinizmi, o vaxt evləri böyük tikməzdilər. Otaqlar da balaca olardı, cəmi 15-20 kvadratmetr. Qışda yığışıb bir otaqda yatardıq. Bir ocaq qalanardı. 9 uşaq idik, ikibir, üçbir bir yorğanın altına doluşub yatar, bir qələmə ocaqla səhərə qədər isinərdik.
Fazil gülümsəyib əlavə edir ki, indi balaca nəvəm də özünə ayrı otaq istəyir, televizorum, şəxsi kompyuterim olsun deyir. Adamlar "yoxdur" deməyə alışsalar da, əvvəlkindən çox imkanlıdırlar. İkimərtəbəli evlər tikirlər. Uşaqlar ayrı, böyüklər ayrı yatır, bir neçə otaqda soba yanır, odun da əvvəlkindən qat-qat artıq işlənir.
Qubat müəllimin qənaətdən xoşu gələr, israfçılardan zəhləsi gedərdi. "Ən böyük sərvətin də tükənən vaxtı olur", - deyərdi. Meşəni, təbiəti uşaqlarından az istəməzdi. Təzə evə köçəndə Fazilə tapşırdı ki, ay oğul, sən bir şey fikirləş ki, biz əvvəlkindən artıq odun yandırmayaq, bir soba ilə qızınaq. Fazil sobanın sxemini işlədi, borular aldı, bütün evə istilik sistemini çəkdi, elə həmin sobada da xörək hazırlamağa, çay qoymağa yer düzəltdi. İkimərtəbəli ev də qızırdı, xörəyi də hazırlamaq mümkün idi. Amma o boyda kənddə uzun illər boyunca tək bircə Qubat müəllimin evi bir piltədən isindi. Başqaları üçün meşə var idi, odunu da meşəbəyidən almaq su içmək kimi bir şey idi. Gedirdin meşə idarəsinə, ərizəni yazırdın, pulunu keçirirdin, maşın tutub odunu gətirib tökürdün qapına və qış boyu yandırırdın.
Kənddə evlərin sayı artdıqca Qubat müəllim deyinər, seyrələn meşələrin, ceyranları, çöltoyuqları, turacları qeybə çəkilən ovlaqların, quruyan bulaqların dərdini çəkərdi. Fazil danışır ki, atası meşələrin seyrəlib, əhalinin də artmasından gileylənərdi: "Ay oğul, belə getsə, bu adamlar özləri meşələrə qənim kəsiləcəklər, bəlkə odunun yerinə başqa şey yandıraq? Mən müharibədə Ukraynada və Almaniyada daşkömür yandıran sobalar görmüşdüm".
Fazil yenə onun sözünü yerə salmır, daşkömür sobası da hazırlayır. Atası baxıb sevinərdi ki, gör, bir ocaq neçə ağaca ömür verir! Amma ağlım kəsmir ki, rayonda Qubat müəllimdən başqa o vaxtı daşkömür yandıran oldu.
Ötən il kəndə qaz çəkildi. Meşələr də dərindən nəfəs aldı. Ancaq indi biz, Qubat müəllimin şagirdləri yaxşı başa düşürük ki, 10 ilə qırılan meşə 20 ilə də ayağa qalxmır. Ötən əsrin 60-cı illəri ilə müqayisədə seyrələn meşələrin, qeyb olan əsrlik ağacların, xəstəliklərin və təbii fəlakətlərin artması biologiya müəllimimizin nə qədər haqlı olduğunu bir daha yadımıza salır. İki ildir ki, kəndimizə qaz çəkilib, iki ildir ki, meşələrə sakitlik çöküb və əvvəlki kimi balta səsi gəlmir. Bircə Qubat müəllimin ürək yanğısı ilə dediyi sözlər qalıb yadımızda: "Bir budaq qıranda sanki qolunuzu sındırırsınız".
Sənan İMANQULİYEV,
Quba rayonu, Xucbala kəndi
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycanla Qambiya diplomatik pasport sahibləri üçün viza tələbini aradan qaldırıb
04 May
IOFS-in baş direktoru Azərbaycanın beynəlxalq yardım fəaliyyəti barədə məlumatlandırılıb...
04 May
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
Azərbaycanın xarici işlər naziri pakistanlı həmkarı ilə Qambiyada görüşüb
04 May
Nazir: Zəngəzur dəhlizi Cənubi Qafqazdakı bütün ölkələrin bəhrələnməsinə imkan yaradacaq ...
04 May
Azərbaycan-Somali əməkdaşlığının hazırkı səviyyəsindən məmnunluq ifadə olunub
04 May
Azərbaycanla Mərakeş arasında viza rejimi aradan qaldırılıb
04 May
NATO siyasətçiləri Azərbaycanı təbrik ediblər
04 May
Azərbaycanın xarici işlər naziri Qambiyada türkiyəli həmkarı ilə görüşüb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!