Bakının Novruz növrağı
Bir əli xonçalı, bir əli sazlı Novruz
Artıq neçə həftədir Novruzqabağı çərşənbələrin xoş ovqatı ilə yaşayan xalqımız bayramın özünü də sevinc və təntənə ilə qeyd edir. Yurdumuzun hər guşəsində olduğu kimi, paytaxtda da əsl Novruz əhvali-ruhiyyəsi yaşanmaqdadır. Dünən Bakının mərkəzində, Dənizkənarı milli parkda, İçərişəhərdə düzənlənən bayram tədbirləri bir bayram çərçivəsindən çıxaraq insanların şadlığının, arzu və diləklərinin, birlik və həmrəyliklərinin böyük təntənəsinə çevrilmişdi.
Hava bir qədər sazaqlı, bir az da yağmurlu olsa belə, təbiətin oyanışı aydınca hiss edilirdi. Təbiətin oyanışı isə həmişə ürəklərdə xoş arzular yaradır, saf niyyətlər oyadır.
Yurdumuzda təbiət həmişə Novruzun gəlişi ilə canlanır. O Novruzun ki, əsrlərin sınağından keçib, adət-ənənələrimizi yaşadıb, insanları səmimiyyət və mərhəmətə çağırıb, onları bir-biri ilə mehriban olmağa səsləyib, umu-küsüyə isə heç vaxt yol verməyib.
Elə bütün bunlara görə də xalqımızın qəlbindən və yaddaşından, həyatından və məişətindən Novruzu heç 70 il hökm sürən sovet rejimi də çıxara bilməyib. Bu gün isə Novruz azad, müstəqil Azərbaycanı el-el, oymaq-oymaq dolaşmaqdadır. Şənliklərin mərkəzi, təbii ki, paytaxt şəhərimizdir. Burada mahnı oxuyan, rəqs edən kim, folklorumuzu, el sənətkarlığını nümayiş etdirən kim, Novruz atributlarını bir daha araya gətirən kim...
Yarmarkalarda, ticarət şəbəkələrində bayram alış-verişi davam edirdi.
Hələ 10 il bundan əvvəl Novruz bayramı UNESCO-nun dünya xalqlarının qorunan qeyri-maddi mədəni irs siyahısına daxil edilib. Bir il sonra isə Birləşmiş Millətlər Təşkilatı Baş Məclisinin sessiyasında 21 mart Beynəlxalq Novruz Günü elan olunub.
Ölkəmizdə xalqın bu sevimli bayramı dövlət səviyyəsində qeyd edilir. Dünən də Prezident İlham Əliyevin və Birinci vitse-prezident Mehriban xanım Əliyevanın xalqla birlikdə olmaqları, bayram sevincini paylaşmaqları insanların fərəhini daha da artırdı. Üzlərdən, gözlərdən yalnız sevinc oxunurdu. Qoca, cavan, uşaq, hamı əsl bayram əhvali-ruhiyyəsi ilə yaşayırdı.
Bakıdakı şənliklərin çal-çağırı məmləkətimizin hər tərəfinə gedib çatırdı. Paytaxtda isə Naxçıvandakı, Lənkərandakı, Gəncədəki, Qazaxdakı, Bərdədəki, Qubadakı, Balakəndəki... bayram şənliklərinin səsi əks-səda verirdi.
Dünən səhərdən axşamadək Bakıda qələbəlik idi. İnsanlar bir-biri ilə bayramlaşırdı. Kimi təbrikini sözlə, kimi sadəcə, mehriban baxışla çatdırırdı. Kimi də, deyildiyi kimi, öz istedadını nümayiş etdirirdi.
Axşama doğru isə hərə öz evinə tələsdi. İnanca görə, İlaxır çərşənbənin axşamında hərə öz evində, öz ocağının başında, öz süfrəsinin ətrafında olmalıdır. Dünən ilaxır çərşənbələrin sonuncusu - Torpaq çərşənbəsi idi...
Bir inancımız da var: İlaxır çərşənbə ilə bayram üst-üstə düşərsə, il uğurlu gələr. Bu dəfə İlaxır çərşənbə ilə Novruz sanki bir-birinə calanıblar...
Bütün illərimiz uğurlu olsun! Yandırdığımız tonqalların yanında qəlbimizdə tutduğumuz cəmi xoş niyyətlərimizə çataq. Əlimiz-ünümüz yetməyən, lakin tezliklə qovuşacağımız yurd yerlərimizdə, doğma Qarabağ torpağında beləcə tonqallar yandıraq.
Flora SADIQLI,
Ağaəli MƏMMƏDOV (foto),
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycanla Qambiya diplomatik pasport sahibləri üçün viza tələbini aradan qaldırıb
04 May
IOFS-in baş direktoru Azərbaycanın beynəlxalq yardım fəaliyyəti barədə məlumatlandırılıb...
04 May
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
Azərbaycanın xarici işlər naziri pakistanlı həmkarı ilə Qambiyada görüşüb
04 May
Nazir: Zəngəzur dəhlizi Cənubi Qafqazdakı bütün ölkələrin bəhrələnməsinə imkan yaradacaq ...
04 May
Azərbaycan-Somali əməkdaşlığının hazırkı səviyyəsindən məmnunluq ifadə olunub
04 May
Azərbaycanla Mərakeş arasında viza rejimi aradan qaldırılıb
04 May
NATO siyasətçiləri Azərbaycanı təbrik ediblər
04 May
Azərbaycanın xarici işlər naziri Qambiyada türkiyəli həmkarı ilə görüşüb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!