Bakıda İran Mədəniyyət Günlərinin rəsmi açılış mərasimi keçirilib
İyunun 27-də M.Maqomayev adına Azərbaycan Dövlət Akademik Filarmoniyasında İran Mədəniyyət Günlərinin rəsmi açılış mərasimi olub.
AZƏRTAC xəbər verir ki, mərasimdə Azərbaycanın və İranın tanınmış mədəniyyət və incəsənət xadimləri iştirak ediblər.
Tədbir hər iki ölkənin dövlət himnlərinin səsləndirilməsi ilə başlayıb.
Mədəniyyət naziri Əbülfəs Qarayev çıxış edərək İran və Azərbaycan arasında qarışlıqlı mədəni əlaqələrin inkişafından danışıb. Nazir deyib ki, xalqlarımızı bir-birinə daha da yaxınlaşdıran memarlıq, xalq yaradıcılığı nümunələri, ədəbiyyat və rəssamlıq kimi sənət növləri var. Bu sahədə birgə layihələrin həyata keçirilməsi əməkdaşlığın əsas istiqamətini təşkil edir. Azərbaycan-İran mədəni əlaqələrində teatr sahəsi də önəmli yer tutur. Azərbaycan teatrları mütəmadi olaraq İranda keçirilən beynəlxalq festivallarda uğurla iştirak edirlər. İki ölkənin milli kitabxanaları arasında sıx əməkdaşlıq informasiya mübadiləsi üçün geniş imkanlar yaradır.
“Bu gün iki dövlətin həyatında olduqca mötəbər gün yaşanmaqdadır. İran və Azərbaycan mədəniyyətləri tarixən bir-birinə yaxın və oxşar olub. Bu gün İran sənətçilərinin Azərbaycanda, Azərbaycan sənətçilərinin də İranda çıxışları adi hal alıb. Bu da bizim mədəniyyətlərimizin yaxınlaşmasına daha bir zəmin yaradır. Bu dəfə İran sənətçiləri Bakı və Gəncədə maraqlı çıxışları ilə insanların zövqünü oxşayacaq. Mədəniyyət günləri çərçivəsində keçiriləcək ustad dərsləri və texniki məsələlər müzakirə edilərək öz həllini tapıb. İnanıram ki, bu tədbirdən sonra iki dövlətin
mədəniyyət sahəsində əməkdaşlıq əlaqələri daha da inkişaf edəcək, mədəni mübadiləyə təkan veriləcək. Belə tədbirlərin reallaşdırılması iki ölkənin dövlət başçılarının təşəbbüsü əsasında gerçəkləşib”, - deyə nazir vurğulayıb.
İran İslam Respublikasının mədəniyyət və islami irşad naziri Seyyid Abbas Salehi bildirib ki, iki ölkə arasında mədəni əlaqələrin inkişafı üçün böyük potensial var. Bir tərəfdən xalqlarımızı birləşdirən mədəni və tarixi köklər, digər tərəfdən isə hazırda ölkələrimiz arasında siyasi əlaqələrin yüksək səviyyədə olması buna əminlik yaradır. Ölkə rəhbərlərinin çoxsaylı görüşləri, dövlətlər arasında imzalanan sazişlər göstərir ki, ikitərəfli əlaqələr üçün yetərincə hüquqi baza mövcuddur. Bu da mədəni sahədə çoxsaylı proqramları icra etməyə geniş imkanlar yaradır.
“Hər iki dövlətin qədim mədəniyyətə malik şəhərləri var. Bu şəhərlərdə dünyanın nadir mədəni, tarixi abidələri yerləşir. Bizim dinimizdə, mədəniyyətimizdə bir-birinə bağlı olan onlarla maddi–mədəniyyət nümunələri mövcuddur. Bizim keçmişimizi və bu günümüzü gələcəyə birləşdirən mədəniyyətdir. Bizim mədəni əlaqələrimizin inkişafı qarşılıqlı tədbirlərin reallaşması üçün baza rolunu oynayır. Dövlətlərimizin başçıları mədəni əlaqələrimizin daha da inkişafına dəstək olurlar. İnanıram ki, bundan sonra da bu əlaqələr inkişaf edəcək”, - deyə Seyyid Abbas Salehi vurğulayıb.
Tədbir tanınmış İran dirijoru Firudin Şəhbarianın bədii rəhbərliyi ilə İran Milli Orkestrinin müşayiətində konsert proqramı ilə davam edib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xankəndi Şəhər Prokurorluğunun yaradılması haqqında
05 May
"Azərbaycan Respublikası Hökuməti ilə Türkiyə Respublikası Hökuməti arasında baytarlıq sahəsində əmə...
05 May
"Azərbaycan Respublikası Hökuməti ilə Türkiyə Respublikası Hökuməti arasında gəlirlərə görə vergilər...
05 May
“Elektrik gücü çatmadıqda, sistemin dayanıqlılığını təmin etmək üçün elektrik enerjisinin təminatına...
05 May
“Azərbaycan Respublikası Əmək və Əhalinin Sosial Müdafiəsi Nazirliyinin kollegiyasının tərkibi haqqı...
05 May
`"Azərbaycan Xəzər Dəniz Gəmiçiliyi" Qapalı Səhmdar Cəmiyyəti balansında olan gəmilər üçün müxtəlif...
05 May
Azərbaycanla Qambiya diplomatik pasport sahibləri üçün viza tələbini aradan qaldırıb
04 May
IOFS-in baş direktoru Azərbaycanın beynəlxalq yardım fəaliyyəti barədə məlumatlandırılıb...
04 May
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!