Bakı Yeni ili qarşılamağa hazırdır
Şərqin parlayan ulduzu Bakı bütün təntənəsi ilə Yeni ili qarşılamağa hazırdır. Qədimliklə müasirliyin birləşdiyi bu qocaman paytaxt 2019-cu ili fərəh yaradan möcüzələr, yeni uğurlar, xoşbəxtlik arzusu ilə gözləyir...
Köhnə illə vida fotosu
Gecələr Dağüstü parkdan Bakını seyr etdikdə sanki sehrli və heyrətamiz mənzərə ilə rastlaşırsan, şəhər sözün əsl mənasında, şölələnir, bərq vurur. Qız qalası ətrafında işıqlarla bəzədilmiş keçid xüsusilə diqqəti cəlb edir. Bulvarla İçərişəhəri birləşdirən möcüzəvi keçid bir növ, zaman tunelini xatırladır. İnsanlar şəhərin dəbdəbəsindən, müasirliyindən işıqlı tunel vasitəsilə tarixi yaşadan İçərişəhərə keçid edirlər...
Bütün küçələrdə, meydanlarda, parklarda quraşdırılmış bayramın əsas simvolu, həyat rəmzi sayılan nəhəng şam ağacları rəngarəng dizaynı, heyrətamiz görünüşü ilə göz oxşayır. Şaxta baba, Qar qız, müxtəlif nağıl qəhrəmanları ilə şam ağacı ətrafında şəkil çəkdirmək, "selfie” etdirmək istəyənlərin sayı durmadan artır. Sanki hər kəs köhnə illə vida fotosu çəkdirməyə tələsir...
Paytaxtımız Yeni il libasına bürünüb
Bayram əhval-ruhiyyəsi balacaları daha çox duyğulandırır, onlar bir-birindən əlvan bəzədilmiş "yolka”lara heyranlıqla baxır, yanıb-sönən işıqlar arasında özlərini nağıl dünyasında hiss edirlər...
Deyilənlərə görə, Şaxta baba öz ağ saqqalı, qırmızı kürkü ilə 8 maral qoşulmuş arabasında yeni il gecəsi peyda olur...
Bakının qonaqları və sakinləri Şaxta babanın həmin marallar qoşulmuş əfsanəvi arabası ilə Fəvvarələr meydanı ətrafında rastlaşa bilərlər...
Şəhərdən saçılan parlaq işıqlar gecənin zülmətində sakit-sakit ləpələnən Xəzərin sinəsində bərq vurur. Elə buna görədir ki, həm ölkə sakinləri, həm də turistlər yeni ili Dənizkənarı Milli parkda qarşılamağı xüsusilə sevirlər.
Həmçinin sayrışan rəngbərəng işıqlar, böyük çilçıraqlarla işıqlandırılan binalar bayrama uyğun bəzədilən restoranlar, kafelər, təşkil olunan bayram konsertləri onlarda xüsusi marağa səbəb olur.
Milad bayramı həm də Azərbaycan tolerantlığının təntənəsidir...
Hansı ölkənin, millətin sakini olmasından asılı olmayaraq, Bakıda Yeni ili qarşılamaq bir başqadır... Axı bu şəhər tolerantlığın, multikulturalizmin beşiyidir. Dilindən, dinindən, millətindən asılı olmayaraq bütün insanlar burada Yeni ilin özündə ehtiva etdiyi sülh, dostluq ənənələrini olduğu kimi yaşayır və bayramda da bu əhvali-ruhiyyədə olurlar.
Hər il Yeni il Bakıda müxtəlif inanclı insanların bir el bayramına çevrilir. Onlar öz ölkələrində Pasxanı, Peysaxı necə keçirirlərsə, bu bayramı da eyni təntənə və şövqlə məhz bizim paytaxtımızda qeyd edirlər.
Və beləcə yüzillərdir həyatın ölüm üzərində qələbəsinin rəmzi olan Yeni ili dostluq, qardaşlıq, sülh içində qarşılayırlar...
Yeni iliniz mübarək!..
Yasəmən MUSAYEVA,
Ağaəli MƏMMƏDOV (foto),
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycanla Qambiya diplomatik pasport sahibləri üçün viza tələbini aradan qaldırıb
04 May
IOFS-in baş direktoru Azərbaycanın beynəlxalq yardım fəaliyyəti barədə məlumatlandırılıb...
04 May
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
Azərbaycanın xarici işlər naziri pakistanlı həmkarı ilə Qambiyada görüşüb
04 May
Nazir: Zəngəzur dəhlizi Cənubi Qafqazdakı bütün ölkələrin bəhrələnməsinə imkan yaradacaq ...
04 May
Azərbaycan-Somali əməkdaşlığının hazırkı səviyyəsindən məmnunluq ifadə olunub
04 May
Azərbaycanla Mərakeş arasında viza rejimi aradan qaldırılıb
04 May
NATO siyasətçiləri Azərbaycanı təbrik ediblər
04 May
Azərbaycanın xarici işlər naziri Qambiyada türkiyəli həmkarı ilə görüşüb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!