Azərbaycanlı deputat: AŞPA-da ikili standartlar, qeyri-obyektiv və sifarişli çıxışlar çoxalıb
Son illərdə AŞPA-da daimi müzakirə mövzularımızdan biri Avropa Şurasında köklü islahatların zəruriliyi, yeniləşmənin vacibliyi, ənənəvi problemlərdən xilas olmağın təxirəsalınmazlığı olub. Təəssüf ki, düzəldilməli başlıca qüsurlar yenə əvvəlki kimi qalmaqda davam edib, sadəcə, bəzi komitələrin və siyasi qrupların adları dəyişdirilib, bəzi prosedur qaydalarında kosmetik düzəlişlər olunub və elə köhnə yerişimizlə irəliləməkdə davam etmişik.
AZƏRTAC xəbər verir ki, bu fikirləri AŞPA-da “Türkiyədə demokratik təsisatların fəaliyyəti” mövzusunda sərbəst debatlarda çıxış edən Azərbaycan nümayəndə heyətinin üzvü Rafael Hüseynov deyib.
Deputat bildirib ki, islahat aparılmalı ən vacib məsələ hələ də davam edən ikili standartların aradan qaldırılmasıdır. İkili standartlar əvvəlkindən də çoxalıb. Qeyri-obyektivlik, sifarişli çıxışlar, qərəzli qruplaşmalar, bəzi üzv ölkələri daim hədəf seçərək onların üstünə getmək vərdişi qalmaqda davam edir.
Vaxtilə Almaniyanın ilk Federal Kansleri Konrad Adenauer (1876-1967) Avropa Şurasını “Avropanın vicdanı” adlandırmışdı. Bu sessiyada Assambleya qarşısında çıxış edən Angela Merkel də bunu xatırlatdı. “Angel” – “mələk” kimi sözləri asanca demək olur. Amma mələk ola bilməyin, Avropanın vicdanı olmaq məsuliyyətini daşımağın nə qədər ağır, çətin çəkilən yük olması barədə təəssüf ki, heç də həmişə, bəzən isə heç vaxt düşünmürük.
Ayrı-ayrı ölkələr üzrə davamlı monitorinqlər həyata keçirmək təşkilatımızın səciyyəvi işlərindəndir. Ancaq öz fəaliyyətlərimizin də monitorinqi haqqında bəzən dərindən düşünməli və belə monitorinqləri mütləq aparmalıyıq.
“Burada Türkiyə ilə bağlı müxtəlif illərdə hazırlanmış eyniadlı məruzələri qaldırın, müzakirələrin stenoqramlarını oxuyun. Hər dəfə Türkiyəni xüsusi ehtirasla tənqid edən eyni adları görəndə təəccüblənməyin. Təkcə Türkiyənin deyil, elə Azərbaycanın da belə ştatlı əleyhdarlarının kimlər olduğunu mən bir dəfə bu kürsüdən sadalamışam. Xatırlayıram, 2016-cı ilin iyun sessiyasında da Türkiyə ilə bağlı eyni sərlövhəli məruzə müzakirə edilirdi. Məruzə Türkiyədə qanunun aliliyinin davam edən eroziyasından danışırdı, ölkədəki antiterror əməliyyatları zamanı ortaya çıxan insan haqları pozuntularına dair iddialar irəli sürülürdü, mətbuatla bağlı ciddi problemlərin olduğu bəyan edilirdi, bütün bunların ölkədə demokratik təsisatların normal fəaliyyət göstərməsinə təhlükə törətdiyini bildirilirdi və sair belə-belə müddəalar”, - deyə R.Hüseynov vurğulayıb.
O deyib: “Ondan əvvəlki illərə baxın, onların sənədlərini qaldırın, bugünkü məruzə ilə müqayisə edin. Görəcəksiniz ki, sanki eyni bəstəkarın yazdığı oxşar melodiyadır. Türkiyə isə terrorizmlə ağır mübarizələrə qatlaşaraq, varlığı və gücü ilə Yaxın və Orta Şərqdə, Cənubi Qafqazda tənzimləyici amil olaraq, minlərlə əcnəbi qaçqına qucaq açıb, bu fədakarlığı ilə Avropanı ağır fəsadlardan xilas edərək, demokratiya ənənələrinə və böyük Atatürkdən miras qalan dərslərə sədaqət göstərək inamla irəliləyir, ildən-ilə daha güclü, daha qüdrətli olur”.
Ədalətli şəkildə müqayisə aparılacağı təqdirdə avropalı parlamentarilərin bugünkü Türkiyənin 5 il əvvəlki Türkiyədən daha güclü, daha demokratik olduğunu görəcəklərini bildirən R.Hüseynov vurğulayıb ki, 5 il əvvəl burada Türkiyədə demokratiyanın təhlükədə olduğu bildirilirdi. Avropa Şurası artıq yetərincə yaşlıdır və Türkiyə bu 72 yaşlı təşkilatın elə 72 ildir üzvüdür. Axı, Avropa Şurasına Avropanın vicdanı deyiblər. Türkiyəyə ən azı bu müstəvidən vicdanla baxmağa, onu vicdanla qiymətləndirməyə adət edilməlidir.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xankəndi Şəhər Prokurorluğunun yaradılması haqqında
05 May
"Azərbaycan Respublikası Hökuməti ilə Türkiyə Respublikası Hökuməti arasında baytarlıq sahəsində əmə...
05 May
"Azərbaycan Respublikası Hökuməti ilə Türkiyə Respublikası Hökuməti arasında gəlirlərə görə vergilər...
05 May
“Elektrik gücü çatmadıqda, sistemin dayanıqlılığını təmin etmək üçün elektrik enerjisinin təminatına...
05 May
“Azərbaycan Respublikası Əmək və Əhalinin Sosial Müdafiəsi Nazirliyinin kollegiyasının tərkibi haqqı...
05 May
`"Azərbaycan Xəzər Dəniz Gəmiçiliyi" Qapalı Səhmdar Cəmiyyəti balansında olan gəmilər üçün müxtəlif...
05 May
Azərbaycanla Qambiya diplomatik pasport sahibləri üçün viza tələbini aradan qaldırıb
04 May
IOFS-in baş direktoru Azərbaycanın beynəlxalq yardım fəaliyyəti barədə məlumatlandırılıb...
04 May
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!