Azərbaycanın Parlamentlərarası İttifaqla əlaqələri inkişaf edir
Yanvarın 29-da Milli Məclisin sədri Oqtay Əsədov ölkəmizdə səfərdə olan Parlamentlərarası İttifaqda “12 Plyus Geosiyasi Qrupu”nun katibi, Portuqaliya parlamentinin deputatı Duarte Paçeko ilə görüşüb.
AZƏRTAC xəbər verir ki, Milli Məclisin sədri görüşdə bu səfərin qarşılıqlı maraq doğuran məsələlərin müzakirəsi və əlaqələrin dərinləşməsi üçün yaxşı imkanlar yaratdığını deyib.
Oqtay Əsədov qeyd edib ki, qonağın səfəri ona ölkəmizin əldə etdiyi nailiyyətlər və üzləşdiyi problemlə daha yaxından tanış olmaq imkanı yaradacaq. Səfər çərçivəsində keçirilən görüşlər, həmçinin Ermənistanın ölkəmizə qarşı işğalçılıq siyasətinin qurbanı olan məcburi köçkünlərlə söhbətlər onları narahat edən məsələləri daha yaxından hiss etmək üçün bir fürsət olacaq.
Spiker qeyd edib ki, demokratik, dünyəvi dövlət quruculuğunda inamla addımlayan Azərbaycan Qərbə inteqrasiya yolunda da mühüm nailiyyətlər əldə edib. Avropa İttifaqı və bu nüfuzlu təşkilata üzv ölkələrlə əlaqələrimiz gündən-günə inkişaf edir. İqtisadi sahədə də Avropa İttifaqı ölkəmizin ən böyük tərəfdaşıdır. Azərbaycan regional və qlobal layihələrin reallaşmasında fəal iştirak edir. Təkcə neft deyil, TAP və TANAP kimi qaz xətlərinin işə düşməsi ilə Avropanın enerji təhlükəsizliyi xəritəsi tamamilə dəyişəcək. Müstəqillik illərində Azərbaycan iqtisadiyyatına 230 milyard ABŞ dollarından çox investisiya qoyulub. Bütün bunlarla yanaşı, Azərbaycan dünyada tolerantlığı ilə seçilən, multikultural dəyərlərə böyük önəm verən ölkə kimi tanınıb. Burada bütün dinlərə dövlət dəstəyi var. İnsanlar hansı dinə sitayiş etməsindən asılı olmayaraq, Konstitusiyanın verdiyi bütün hüquqlardan azad istifadə edirlər. Biz Parlamentlərarası İttifaqla əlaqələrimizi bundan sonra da inkişaf etdirmək niyyətindəyik.
Milli Məclisin sədri Oqtay Əsədov cari ilin ölkəmiz üçün yubileylər ili olduğunu xatırladaraq, bu il parlamentin 100 illiyinin təntənəli şəkildə qeyd ediləcəyini vurğulayıb. Bildirilib ki, tədbirə Parlamentlərarası İttifaqın sədri də dəvət olunacaq.
Duarte Paçeko ölkəmizə səfərindən və burada keçirilən görüşlərdən məmnun qaldığını söyləyib. O, təmsil etdiyi qrupun üç qitəni birləşdirdiyini və Parlamentlərarası İttifaqın işində mühüm rol oynadığını deyib. Qonaq Azərbaycanla Parlamentlərarası İttifaq arasında əlaqələrin möhkəmlənməsində səylərini əsirgəməyəcəyini diqqətə çatdırıb.
Görüşdə Parlamentlərarası İttifaqda nümayəndə heyətimizin üzvü, Milli Məclisin komitə sədri Fuad Muradov və digər rəsmi şəxslər iştirak ediblər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“Azeri Light” markalı neft ucuzlaşıb
04 May
Dünyanın mərkəzi bankları ümumi qızıl ehtiyatlarını mart ayında 15 tondan çox artırıblar...
04 May
İlon Mask ABŞ dollarının dəyərsizləşəcəyi ilə bağlı xəbərdarlıq edib
04 May
ABŞ prezidentliyinə namizəd NATO-nun genişlənməsinə qarşıdır
04 May
Prezident İlham Əliyevin COP29 tədbiri ilə bağlı dəvət məktubları BMT-dəki daimi nümayəndələrə çatdı...
04 May
Təhlükəsizlik təmin olunacaqmı?
04 May
Ölkəmizdə ilk dəfə Milli Xalça Festivalı keçiriləcək
04 May
Gənc rəssamın rənglər dünyası
04 May
Ən çox alqışlanan "balaca əsgər"
04 May
"Su axar, çuxurunu tapar"
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!