Azərbaycan Vinq Çun Döyüş Sənəti Federasiyası fəaliyyətə başlayıb
Azərbaycanda idmanın təbliği sağlam həyat tərzinə hesablanıb. Respublikamız dünyada idman ölkəsi kimi tanınır. Artıq ölkəmizdə Azərbaycan Vinq Çun Döyüş Sənəti Federasiyası fəaliyyətə başlayıb. Ümid edirəm ki, federasiya qazandığı nailiyyətlərlə xalqımızı sevindirəcək.
AZƏRTAC xəbər verir ki, bu sözləri iyulun 13-də Bakıda Azərbaycan Vinq Çun Döyüş Sənəti Federasiyasının fəaliyyətə başlamasına həsr olunmuş mətbuat konfransında Bakı Şəhər Gənclər və İdman Baş İdarəsinin (BŞGİBİ) rəisi Raqif Abbasov deyib.
BŞGİBİ-nin rəisi bildirib: “Ümid edirəm ki, federasiyanın təşkilatçılığı ilə mütəmadi olaraq paytaxt və ölkə çempionatları təşkil olunacaq, idmanın bu növü Azərbaycanın bütün bölgələrini əhatə edəcək, regionlarda nümayəndəliklər yaradılacaq. Əsas amillərdən biri də yüksək kateqoriyalı hakimlərin yetişdirilməsidir. Ölkəmiz yüksək təşkilatçılıq bacarığı ilə seçilir. İdmanın bu növü üzrə ölkəmizdə irimiqyaslı yarışların keçirilməsi bizi çox sevindirər”.
Döyüş sənətinin orta və ali təhsil müəssisələrində təbliğinin vacibliyini diqqətə çatdıran R.Abbasov federasiyaya uğurlar arzulayıb.
Sonra federasiyanın idarə heyətinin üzvlərinə vəsiqələr təqdim olunub.
İlk vəsiqə federasiyanın prezidenti Asif Sayadova təqdim edilib.
Asif Sayadov döyüş sənətinin ölkəmizdə inkişafı haqqında məlumat verib, perspektivlərdən danışıb və idmanın bu növü üzrə uğurun əldə olunması üçün qarşıda duran vəzifələrdən söz açıb. İdmanın bu növünün ölkəmizdə on il əvvəl tədris olunduğunu vurğulayan A.Sayadov Vətənə layiqli idmançılar yetişdirəcəklərinə söz verib.
“Federasiyanın məqsədi idmanın növünü ölkəmizdə inkişaf etdirmək, gənc nəslin sağlam ruhda böyüməsinə nail olmaqdır. Eləcə də gənclərə vətənpərvərlik hisslərini aşılamaq və ölkəmizin idman şərəfini layiqincə qorumaq üçün əlverişli şərait yaratmaq prioritet istiqamətlərimizdəndir”, - deyə A.Sayadov əlavə edib.
Sonra federasiyanın birinci vitse-prezidenti Jalə Əhmədovaya, vitse-prezidentlər İlqar Mustafayevə və Fərid Mayılova vəsiqələr təqdim olunub.
Vitse-prezidentlər tədbirə qatıldıqları üçün tanınmış idmançılara və idman xadimlərinə minnətdarlıqlarını bildirib, bundan sonrakı yarışlarda da bir yerdə olacaqlarına inandıqlarını qeyd ediblər.
Daha sonra Olimpiya çempionları Namiq Abdullayev, Elnur Məmmədli, Zemfira Meftaxetdinova, Lyudmila Şubina, dəfələrlə dünya və Avropa çempionu olan karateçi Rəfael Ağayev, kikboksinq üzrə titullu idmançı Eduard Məmmədov və digərləri federasiyanın yaradılmasının əhəmiyyətini qeyd edib, fəaliyyətində uğurlar arzulayıblar.
Sonda jurnalistlərin sualları cavablandırılıb.
Qeyd edək ki, vinq çun böyük fəlsəfəsi olan qədim Çin döyüş sənətidir və 1700-1820-ci illərdə bu ölkədə yaradılıb. Bu döyüş sənəti ölkəmizə ilk dəfə 2008-ci ildə Şərq döyüş növləri üzrə Əməkdar Məşqçi, beynəlxalq dərəcəli usta Asif Sayadov tərəfindən gətirilib. Ötən on il ərzində bir sıra yerli və xarici federasiyalarla sıx əlaqələr yaradılıb, müxtəlif Avropa və dünya çempionatlarında idmançılarımızın iştirakı təmin olunub.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“Azeri Light” markalı neft ucuzlaşıb
04 May
Dünyanın mərkəzi bankları ümumi qızıl ehtiyatlarını mart ayında 15 tondan çox artırıblar...
04 May
İlon Mask ABŞ dollarının dəyərsizləşəcəyi ilə bağlı xəbərdarlıq edib
04 May
ABŞ prezidentliyinə namizəd NATO-nun genişlənməsinə qarşıdır
04 May
Prezident İlham Əliyevin COP29 tədbiri ilə bağlı dəvət məktubları BMT-dəki daimi nümayəndələrə çatdı...
04 May
Təhlükəsizlik təmin olunacaqmı?
04 May
Ölkəmizdə ilk dəfə Milli Xalça Festivalı keçiriləcək
04 May
Gənc rəssamın rənglər dünyası
04 May
Ən çox alqışlanan "balaca əsgər"
04 May
"Su axar, çuxurunu tapar"
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!