Azərbaycan Dillər Universiteti ilə Moskva Dövlət Linqvistik Universiteti arasında əməkdaşlıq müqaviləsi imzalanıb
Azərbaycan Dillər Universiteti (ADU) dünya ali təhsil məkanına inteqrasiya istiqamətində daha bir mühüm addım atıb. Belə ki, fevralın 7-də ADU ilə MDB məkanında aparıcı dilşünaslıq mərkəzlərindən biri olan Moskva Dövlət Linqvistik Universiteti (MDLU) arasında əməkdaşlıq müqaviləsi imzalanıb.
ADU-dan AZƏRTAC-a bildirilib ki, sənədi bu universitetin rektoru, akademik Kamal Abdulla və MDLU-nun rektoru, professor İrina Krayeva imzalayıblar.
İmzalanma mərasimində sənədin əhəmiyyətini xüsusi vurğulayan K.Abdulla diqqətə çatdırıb ki, universitetlər arasında tədris və elmi əlaqələrin geniş spektrini əhatə edən müqavilədə tələbə və müəllim mübadiləsi, elmi-pedaqoji kadrların ixtisaslarının artırılması sahəsində əməkdaşlıq, birgə elmi tədbirlərin təşkili, elmi nəşrlərin hazırlanması və bir sıra başqa istiqamətlər üzrə faydalı əməkdaşlığın həyata keçirilməsi nəzərdə tutulur. Azərbaycan dövlətinin təhsilə qayğısını vurğulayan K.Abdulla ölkəmizdə ali təhsil sisteminin yüksəliş yolunda olduğunu deyib. ADU-da görülən işlərdən ətraflı danışan rektor cari ilin aprel-may aylarında universitetdə ümummilli lider Heydər Əliyevin 95 illiyinə həsr olunacaq beynəlxalq konfransa hazırlıq işləri barədə ətraflı məlumat verib. Bildirilib ki, tədbirdə 10-dan artıq ölkənin ali təhsil ocağı təmsil olunacaq.
Söhbət zamanı İ.Krayeva imzalanan müqavilənin Azərbaycan və Rusiya ali məktəbləri arasında əlaqələrin daha da möhkəmlənməsinə xidmət edəcəyini vurğulayıb. Rektor bakılı həmkarlarının təşkil edəcəkləri konfrans barədə məlumatlı olduğunu deyib. O, bu yüksək əhəmiyyətli tədbirin bir bölməsinin də MDLU-da keçirilməsinə hazır olduqlarını söyləyib.
Ulu Öndərin xatirəsini əziz tutduqlarına görə moskvalı həmkarlarına minnətdarlığını bildirən K.Abdulla konfransın təşkilat komitəsinin həmsədrlərindən biri olaraq MDLU-da da bir bölmənin təşkili ilə bağlı təklifi məmnuniyyətlə qəbul edib. O, həmçinin İ.Krayevadan təşkilat komitəsinin tərkibinə daxil olunması üçün razılıq verməsini xahiş edib. İ.Krayeva təklifi razılıqla qarşılayıb.
MDLU-nun rektoru diqqətə çatdırıb ki, rəhbərlik etdiyi universitet MDB-yə üzv ölkələrin dilləri və mədəniyyətləri üzrə baza təşkilatıdır və bu məkanda humanitar profilli aparıcı ali məktəbləri əhatə edən geniş şəbəkəyə malikdir.
Görüşdə, həmçinin ADU-nun da həmin şəbəkəyə daxil edilməsinin əməkdaşlıq və birgə fəaliyyət baxımından faydalı olacağına əminlik ifadə olunub.
K.Abdulla ADU-nun həmin qurumla əməkdaşlıq etməyə və bu istiqamətdə zəruri addımlar atmağa hazır olduğunu bildirib.
Daha sonra qonaqlar universitet həyatının müxtəlif sahələrinə rəhbərlik edən əməkdaşlarla görüşüblər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Fernando Lottenberq: Azərbaycanda antisemitizmin baş verməməsi tolerantlığın parlaq nümunələrindəndi...
04 May
Dövlət Xidməti: Bir sıra bank və müəssisələrə aid çoxsaylı konfidensial məlumatlar ödənişsiz platfor...
04 May
Argentinanın etiqad işləri üzrə katibi Azərbaycanda tolerantlığın qorunub saxlanılmasını yüksək qiym...
04 May
Xankəndidə bir həftə ərzində xeyli sayda silah-sursat və partlayıcı maddələr aşkarlanıb
04 May
Norveçli səyyahlar qrupu Xudafərin körpüsü ilə tanış olublar
04 May
“Azeri Light” markalı neft ucuzlaşıb
04 May
Dünyanın mərkəzi bankları ümumi qızıl ehtiyatlarını mart ayında 15 tondan çox artırıblar...
04 May
İlon Mask ABŞ dollarının dəyərsizləşəcəyi ilə bağlı xəbərdarlıq edib
04 May
ABŞ prezidentliyinə namizəd NATO-nun genişlənməsinə qarşıdır
04 May
Prezident İlham Əliyevin COP29 tədbiri ilə bağlı dəvət məktubları BMT-dəki daimi nümayəndələrə çatdı...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!