Azərbaycan Çində keçirilən sərgidə “Fəxri qonaq ölkə” statusunda iştirak edir
Çinin Heyloncian vilayətinin paytaxtı olan Harbin şəhərində 31-ci beynəlxalq iqtisadiyyat və ticarət sərgisi keçirilir.
AZƏRTAC xəbər verir ki, Çin Beynəlxalq Ticarət Palatasının və Heyloncian vilayət hökumətinin təşkilatçılığı ilə keçirilən tədbirdə Azərbaycan “Fəxri qonaq ölkə” statusunda iştirak edir.
Pandemiya ilə əlaqədar Harbin şəhərində tətbiq edilən məhdudiyyətlərə görə builki sərgi onlayn formada keçirilir.
Açılış mərasimində Heyloncian vilayətinin qubernatoru Hu Çanşen, Çin Beynəlxalq Ticarət Palatasının vitse-prezidenti Can Şaoqan bu il 31-ci dəfə keçirilən Harbin beynəlxalq iqtisadiyyat və ticarət sərgisinin Çin ilə xarici ölkələr arasında iqtisadi-ticari əməkdaşlıqda vacib platformaya çevrildiyini bildiriblər.
Azərbaycanın Çindəki səfiri Əkrəm Zeynallı açılış mərasimində iki xalq arasında təmasların qədim İpək yolu dövründən təməlinin qoyulduğunu deyib. Ötən müddətdə əlaqələr xalqlarımızın mənafelərinə uyğun olaraq davamlı inkişaf edib. Dövlət başçıları İlham Əliyev və Si Cinpin arasındakı qarşılıqlı hörmət və etimada əsaslanan dostluq münasibətləri ölkələrimizin müxtəlif sahələrdə, o cümlədən iqtisadi müstəvidə əməkdaşlığının genişlənməsi üçün böyük imkanlar açıb.
Azərbaycanın Çinin Cənubi Qafqazdakı əsas ticarət tərəfdaşı olduğunu xatırladan səfir Ə.Zeynallı bildirib ki, COVID-19 pandemiyasının iqtisadi fəaliyyətlərə mənfi təsirlərinə baxmayaraq, iki ölkə arasında iqtisadi əlaqələrdə fəallıq davam edir.
Diplomat Çinin irəli sürdüyü “Bir kəmər, bir yol” təşəbbüsünün iştirakçı ölkələr üçün yeni imkanlar yaratdığını vurğulayıb. O, coğrafi mövqeyi, həyata keçirilən nəqliyyat və infrastruktur layihələri sayəsində regional nəqliyyat-tranzit qovşağına çevrilmiş Azərbaycanın “Bir kəmər, bir yol”un əhəmiyyətli ölkəsi olaraq Asiya və Avropa arasında tranzit yükdaşımalardakı vacib rolundan danışıb.
Səfir Azərbaycanın Çində keçirilən iri sərgilərdə, o cümlədən 2018-ci ildən bəri Şanxayda təşkil olunan illik beynəlxalq idxal sərgisində dövlət rəsmiləri, iş adamlarından ibarət geniş nümayəndə heyətləri ilə təmsil olunduğunu, ölkəmizin ixracyönümlü məhsullarının həmin sərgilərdə vahid ölkə stendində nümayiş etdirildiyini bildirib. Bundan başqa, Çinin müxtəlif şəhərlərində bir neçə “Azərbaycan Ticarət Evi”, “Azərbaycan Şərab Evi” fəaliyyət göstərir, yeni evlərin açılması istiqamətində iş aparılır.
Azərbaycanın Çinin müxtəlif regionları ilə əlaqələrinin genişləndirilməsi istiqamətində aparılan işlərdən danışan səfir Ə.Zeynallı qeyd edib ki, bu istiqamətdə bir neçə “qardaşlaşmış şəhər” sazişləri imzalanıb.
Bildirilib ki, görülən işlər Azərbaycan ilə Çin arasında iqtisadi-ticari əlaqələrin inkişafında daha çox müsbət nəticələrin əldə olunacağına inam yaradıb.
İqtisadiyyat Nazirliyinin dəstəyi, ölkəmizin Çindəki ticarət nümayəndəliyinin təşkilatçılığı ilə sərgidəki onlayn stendimizdə 22 şirkətin qida və içki sənayesinə aid məhsulları nümayiş etdirilir. Bununla yanaşı, stendimizdə ölkəmizin investisiya, nəqliyyat-tranzit və turizm potensialı, habelə xalçaçılıq mədəniyyətimiz nümayiş olunur. İyunun 19-dək davam edəcək sərginin “Fəxri qonaq ölkə”si kimi məhsullarımız təşkilatçılar tərəfindən müxtəlif onlayn platformalar vasitəsilə reklam ediləcək.
Qeyd edək ki, 1990-cı ildən keçirilən bu sərgi Heyloncian vilayətinin ən önəmli beynəlxalq sərgisi hesab edilir. İndiyədək Harbin sərgisində 110 ölkədən 270 mindən çox sahibkar iştirak edib. Budəfəki sərgidə isə 28 ölkədən və Çinin 25 bölgəsində 1740 şirkətin 6 min növ məhsulu nümayiş olunur.
Məlumat üçün bildirək ki, Heyloncian vilayəti Çinin şimal-şərqində Rusiya ilə sərhəddə yerləşir. Ərazisinə görə Çinin ən böyük altıncı əyaləti olan Heyloncianın 31 milyon 850 min nəfər əhalisi var. 2020-ci ildə vilayətin ÜDM-in dəyəri 198 milyard ABŞ dolları təşkil edib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!