AŞ PA-nın payız sessiyasında azərbaycanlı deputatlar Ermənistanın ünvanına sərt ittihamlar səsləndirmişlər
Oktyabrın 5-də öz işini davam etdirən Avropa Şurası Parlament Assambleyasının payız sessiyasında Ermənistanda demokratik təsisatların fəaliyyəti ilə bağlı müzakirə keçirilmişdir. Ermənistan üzrə həmməruzəçilər Con Preskottun (Böyük Britaniya) və Aksel E.Fişerin (Almaniya) hazırladıqları məruzə səthi xarakter daşımışdır. Onlar əsasən prezident seçkilərinə etiraz əlaməti olaraq 2008-ci ilin martında Yerevanda keçirilmiş dinc nümayişə qarşı iqtidarın silah işlətməsi zamanı həlak olmuş 10 nəfərin qətlində əli olanların indiyədək cəzasız qalmasını, məhkəmə sistemində islahatlar aparılmamasını, korrupsiya hallarının mövcudluğunu Ermənistana irad tutmuşlar. Aksel E.Fişer Ermənistan-Azərbaycan, Dağlıq Qarabağ münaqişəsinin onların işi olmadığını, yalnız Ermənistanın Avropa Şurasına üzv olarkən götürdüyü öhdəliyin yerinə yetirilməsinin vəziyyətini araşdırdıqlarını bəyan etmişdir.
Məruzə ətrafında Böyük Britaniyadan, Niderlanddan, Fransadan, Litvadan və İsveçdən olan deputatların çıxışları da ötəri olmuşdur.
Ölkəmizə qarşı həmişə qərəzli çıxışları ilə tanınmış Ermənistan deputatı Armen Rustamyan yenə də ənənəsinə sadiq qalaraq azərbaycanlı deputatları kəskin çıxışlarına görə ittiham etməyə səy göstərmişdir.
Müzakirələrdə Azərbaycan nümayəndə heyətinin üzvləri Aydın Abbasov, Rövşən Rzayev, Qənirə Paşayeva, Rafael Hüseynov, Fəzail İbrahimli və Sevinc Fətəliyeva Ermənistanın ünvanına sərt ittihamlar səsləndirmişlər. Onlar bildirmişlər ki, etnik təmizləmə siyasəti aparan Ermənistan Azərbaycan ərazilərinin 20 faizini işğal etmiş, silah gücünə doğma torpaqlarından zorla çıxardıqları bir milyondan artıq azərbaycanlı qaçqın və məcburi köçkün həyatı ilə üzləşmişdir. BMT, Avropa Şurası, ATƏT və digər nüfuzlu beynəlxalq təşkilatlar Dağlıq Qarabağı Azərbaycanın ayrılmaz bir hissəsi olduğunu dəfələrlə bildirmələrinə və erməni hərbçilərinin işğal etdikləri əraziləri tərk etmələrini tələb etsələr də, riyakar erməni rəsmiləri buna qarşı nəinki saymazlıq göstərir, Ermənistan-Azərbaycan, Dağlıq Qarabağ münaqişəsinin sülh yolu həllinə yönəlmiş danışıqlardan belə boyun qaçırırlar. Məruzədə Ermənistanda islahatların getdiyi qeyd olunmuşdur. Erməni xalqı bu islahatlara necə inana bilər ki, hakimiyyət xalqı qarşısında öz legitimliyini artıq itirmişdir.
Ermənistan Avropa Şurasında özbaşınalıq edirsə, Parlament Assambleyasının qəbul etdiyi qərarlara hörmətsiz yanaşırsa, təsəvvür edin ki, ölkənin daxilində vəziyyət necədir.
Ermənistanın Azərbaycana qarşı apardığı təcavüzün ağır nəticələri barədə assambleyada dəfələrlə danışılmış, onlarca sənəd hazırlanmışdır. Dağlıq Qarabağ və Azərbaycanın daha 7 rayonunun Ermənistan tərəfindən işğalı ilə əlaqədar assambleyanın 1416 saylı qətnaməsi təəssüf ki, icra edilmədən qalır. Assambleya bürosunun qərarı ilə həmin qətnamənin icrasına nəzarət üçün yaradılmış alt komitənin fəaliyyətini Ermənistan tərəfi nümayişkaranə şəkildə pozur və cəzasız qalır. Assambleyanın qərarlarına belə etinasızlıq göstərən istənilən üzv dövlətə isə yəqin ki, yanaşma yetərincə kəskin olardı. Ermənistana münasibətdə bu anlaşılmaz lütfkarlığın və mülayimliyin səbəbi nədir?
Ermənistan hakimiyyəti əslində daimi ərazi iddiaları və müxtəlif təxribatlarla narahat etdiyi qonşularından daha qəddar münasibəti öz vətəndaşlarına bəsləyir. Ermənistan hakimiyyəti öz xalqının gələcəyini məhv etməklə məşğuldur və bu sahədə artıq ciddi nəticələr mövcuddur. Ermənistan hakimiyyətinin apardığı antidemoktarik siyasətin, işsizliyin, kasıblığın, çətin həyat şəraitinin ucbatından ölkədən vətəndaşların xaricə axını gündən-günə sürətlənir. Ölkədə 4 milyondan çox əhalidən indi 1 milyondan bir qədər artıq insan qalmışdır.
Öz vətəndaşlarını elementar insani hüquqlardan, normal yaşama şəraitindən, sərbəst özünüifadə imkanlarından məhrum etmiş Ermənistanın Azərbaycana və digər qonşulara bədxah münasibəti təəccüblü deyildir. Təəccüblü olan Ermənistandakı real faciəvi vəziyyəti burada olduğu kimi təsvir etməmək, hətta malalamaq cəhdləridir. Ermənistan guya suveren dövlətdir. Amma bu yaxınlarda həmin ölkədə müstəqilliyin ildönümünə həsr edilmiş hərbi parad başqa dövlətin bayrağı altında keçirilirdi. Öz dövlət iradəsi olmayan, kənardan idarə edilən, müəyyən mənada icarəyə verilmiş bir ölkə olan Ermənistanın və erməni xalqının gələcək taleyi narahatedicidir.
Həmməruzəçi Con Preskott yekun nitqində sanki Ermənistan üzrə həmməruzəçi olduğunu unudaraq Azərbaycanı hədəfə götürmüş, əsası olmayan tənqidi fikirlər səsləndirmişdir.
Deputat Rafael Hüseynov dərhal onun qərəzli, qeyri-obyektiv fikirlərinə qarşı sərt etiraz etmişdir. R.Hüseynov həmməruzəçini kəskin şəkildə ittiham edərək demişdir: Siz Ermənistan üzrə məruzəçisiniz. Amma məruzəçi kimi deyil, Ermənistan nümayəndə heyətinin bir üzvü kimi ədalətsiz çıxış edirsiniz.
Sonda müzakirə olunan məsələ ilə bağlı qətnamə qəbul edilmişdir.
Hər dəfə olduğu kimi, yenə də Ermənistanla bağlı məsələnin müzakirəsi bilərəkdən günün sonuna salındığından deputatların əksəriyyəti müzakirələrdə iştirak etməmişdir.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xankəndi Şəhər Prokurorluğunun yaradılması haqqında
05 May
"Azərbaycan Respublikası Hökuməti ilə Türkiyə Respublikası Hökuməti arasında baytarlıq sahəsində əmə...
05 May
"Azərbaycan Respublikası Hökuməti ilə Türkiyə Respublikası Hökuməti arasında gəlirlərə görə vergilər...
05 May
“Elektrik gücü çatmadıqda, sistemin dayanıqlılığını təmin etmək üçün elektrik enerjisinin təminatına...
05 May
“Azərbaycan Respublikası Əmək və Əhalinin Sosial Müdafiəsi Nazirliyinin kollegiyasının tərkibi haqqı...
05 May
`"Azərbaycan Xəzər Dəniz Gəmiçiliyi" Qapalı Səhmdar Cəmiyyəti balansında olan gəmilər üçün müxtəlif...
05 May
Azərbaycanla Qambiya diplomatik pasport sahibləri üçün viza tələbini aradan qaldırıb
04 May
IOFS-in baş direktoru Azərbaycanın beynəlxalq yardım fəaliyyəti barədə məlumatlandırılıb...
04 May
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!