AMEA-nın doktorantı Dağlıq Qarabağ həqiqətlərini fransız dilində dünya ictimaiyyətinə çatdırıb
Azərbaycan Milli Elmlər Akademiyası (AMEA) Hüquq və İnsan Haqları İnstitutunun doktorantı, hazırda Fransanın Strasburq Universitetində ezamiyyətdə olan Səid Musayevin “Dağlıq Qarabağ ətrafında yeni meydan oxuma realizmdən praqmatizmə doğru” sərlövhəli elmi məqaləsi dərc olunub.
Beynəlxalq “İRS” jurnalının Azərbaycan Xalq Cümhuriyyətinin 100 illiyi ilə əlaqədar fransız dilində nəşr edilən xüsusi nömrəsində dərc olunan bu məqalədə Dağlıq Qarabağ münaqişəsi hüquqi kontekstdə geniş təhlil edilib. Azərbaycanın və Ermənistanın dövlət başçıları arasında Cenevrədə aparılan son danışıqların münaqişənin həlli istiqamətində yeni mahiyyəti, eləcə də erməni tərəfin danışıqlar prosesi ilə bağlı Ermənistan ictimaiyyətində yaratdığı çaşqınlıq ifşa olunur.
Bu məqalə vasitəsilə Fransada ictimaiyyət Ermənistandan azad olunacaq beş rayonla yanaşı, Kəlbəcər və Laçının yeni danışıqlar formatında mərhələli geri alınması, eləcə də Dağlıq Qarabağda BMT-nin və ATƏT-in Minsk qrupunun birgə təşkil edəcəyi gələcək referendumun əsas şərtləri ilə bağlı geniş məlumatlandırılır.
Cenevrədə Prezident İlham Əliyevin praqmatik danışıqları nəticəsində işğalçı ölkənin rəhbərliyinin də Azərbaycanın siyasi gücünü etiraf etdiyini vurğulayan müəllif münaqişənin Azərbaycanın ərazi bütövlüyünün təmin olunması ilə həllinin regionda sülh və əmin-amanlığın möhkəmləndirilməsinə müsbət təsir göstərəcəyini bildirib. İşğalçı ölkə üçün Dağlıq Qarabağdakı ermənilərlə yeganə nəqliyyat-kommunikasiya dəhlizinin Azərbaycanın Kəlbəcər və Laçın rayonlarından keçdiyini diqqətə çatdıran müəllif Ermənistanın əslində bu separatizmdən qazanc əldə etmədiyini, əksinə, öz-özünü təcrid etdiyini vurğulayıb. İlk növbədə yeddi rayonun qaytarılmasına dair Azərbaycan-Ermənistan sülh sazişinin imzalanması ilə Kəlbəcər və Laçının orada yerləşdiriləcək beynəlxalq sülhyaratma missiyasının nəzarətində mərhələli şəkildə Azərbaycana təhvil veriləcəyi bildirilir.
Məqalədə qeyd olunur ki, dövlətimizin Azərbaycan və Ermənistan əhalisi arasında sülh prosesi və bir milyondan artıq qaçqın və məcburi köçkünün öz yurd-yuvalarına qayıdışı ilə bağlı strategiya planı tərtib olunub, bu ölkədə ermənilərə qarşı heç bir irqi, yaxud milli ayrı-seçkilik yoxdur. Bu məqsədlə 2016-cı il dekabrın 6-da Bakıda hər iki ölkənin ziyalıları tərəfindən Azərbaycan-Ermənistan Sülh Platformasının təsis olunmasının beynəlxalq təşkilatlar tərəfindən müsbət qarşılanması oxucuların diqqətinə çatdırılır.
“Dağlıq Qarabağ ətrafında yeni meydan oxuma realizmdən praqmatizmə doğru” sərlövhəli yazıda Ermənistanın regionda Bakı-Tbilisi-Qars dəmir yolu xəttinə, “Cənub Qaz Dəhlizi” layihəsinə, TANAP, TAP kimi qitələrarası nəhəng enerji və nəqliyyat dəhlizlərinə qoşulmasının Dağlıq Qarabağ münaqişəsinin konstruktiv həlli ilə birbaşa bağlı olması oxuculara çatdırılır. ATƏT-in Helsinki Yekun Aktının torpaqların ərazi bütövlüyü, sərhədlərin toxunulmazlığı və gücün tətbiqinin qadağan olunması ilə bağlı beynəlxalq hüququn əsas prinsiplərinin işğalçı Ermənistan tərəfindən hələ də pozulması faktı kəskin pislənilir.
Məqalənin tam mətni ilə http://irs-az.com/new/files/2018/206/2621.pdf linkində tanış olmaq mümkündür.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Dövlət Xidməti: Bir sıra bank və müəssisələrə aid çoxsaylı konfidensial məlumatlar ödənişsiz platfor...
04 May
Argentinanın etiqad işləri üzrə katibi Azərbaycanda tolerantlığın qorunub saxlanılmasını yüksək qiym...
04 May
Xankəndidə bir həftə ərzində xeyli sayda silah-sursat və partlayıcı maddələr aşkarlanıb
04 May
Norveçli səyyahlar qrupu Xudafərin körpüsü ilə tanış olublar
04 May
“Azeri Light” markalı neft ucuzlaşıb
04 May
Dünyanın mərkəzi bankları ümumi qızıl ehtiyatlarını mart ayında 15 tondan çox artırıblar...
04 May
İlon Mask ABŞ dollarının dəyərsizləşəcəyi ilə bağlı xəbərdarlıq edib
04 May
ABŞ prezidentliyinə namizəd NATO-nun genişlənməsinə qarşıdır
04 May
Prezident İlham Əliyevin COP29 tədbiri ilə bağlı dəvət məktubları BMT-dəki daimi nümayəndələrə çatdı...
04 May
Təhlükəsizlik təmin olunacaqmı?
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!