4 min insanı rahatlığa qovuşduran layihə
Qax-Qıpçaq-Ağyazı avtomobil yolu 13 kəndi əhatə edir
Ölkə ərazisində həyata keçirilən tikinti-quruculuq işləri arasında yol infrastrukturunun yenilənməsinə xüsusi qayğı ilə yanaşılır. Dövlət başçısının müvafiq sərəncamları ilə ayrılan vəsaitlər hesabına təkcə paytaxta yaxın kənd və qəsəbələrdə deyil, ən ucqar məntəqələrdə yaşayanlar da yol sarıdan rahatlığa çıxırlar.
Qax rayonunda da son illər istər magistral, istər rayondaxili, istərsə də kəndarası yolların tikintisinə xüsusi diqqət göstərilir. Bu səbəbdən Qax təkcə gözəl təbiəti ilə deyil, həm də abad yolları ilə fərqlənir.
Azərbaycan Avtomobil Yolları Dövlət Agentliyinin "13 №-li Yol İstismarı” MMC-nin baş mühəndisi Rövşən Heydərovla da söhbətimiz bu barədə oldu. O dedi ki, rayonda yol infrastrukturunun yenidən qurulması istiqamətində vacib layihələr icra olunur: "Bunlardan biri də cari ilin oktyabr ayının 28-də Prezident İlham Əliyevin açılışını etdiyi Qax-Qıpçaq-Ağyazı avtomobil yoludur. Yolun uzunluğu ümumilikdə 44,5 kilometrdir və III-IV-V texniki dərəcələrə uyğun olaraq tikilib. Bu, son illər rayonda yol infrastrukturu üzrə icra olunan dördüncü, 2017-ci ildə inşası başa çatdırılmış Zəyəm-Lələli avtomobil yolunun inşasından sonra isə ikinci böyük layihədir”.
4 min nəfər əhalinin yaşadığı 13 yaşayış məntəqəsini birləşdirən Qax-Qıpçaq-Ağyazı avtomobil yolu asfalt beton örtüklüdür. Yol salınan zaman 288,7 min kubmetr torpaq işləri görülüb, Qax şəhərinin girişində yolun dağ yamacı hissəsində çay daşından 2250 metrlik istinad divarı tikilib, ümumi uzunluğu 69 metr olan 2 körpüdə təmir işləri aparılıb, 210 müxtəlif yol nişanları və göstərici lövhələr, 10 avtodayanacaq quraşdırılıb.
Bu yolun çəkilməsi Qax rayonu üçün böyük iqtisadi əhəmiyyətə malikdir. Sakinlərin rayon mərkəzinə gediş-gəlişini rahatlaşdıran yol həm fərdi təsərrüfatlarda, həm də pay torpaqlarında əkib-becərilən məhsulların bazarlara daşınmasını asanlaşdırıb. Üstəlik yeni yol Yevlax istiqamətindən gələn yolu 15 kilometr qısaldıb. İndi "Kötüklü” dəmiryol stansiyasına gedib-gəlmək də xeyli rahatdır.
Müsahibimiz müəssisənin qış mövsümünə hazırlığı ilə bağlı texniki təminatın yüksək səviyyədə olduğunu dedi. Bildirdi ki, kollektivin qarşısına qoyulan əsas məqsəd hava şəraitindən asılı olmayaraq hər zaman hərəkətin intensivliyini təmin etməkdir.
Əli SƏLİMOV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!