2018-ci il Azərbaycanın neft-qaz sektorunda mühüm hadisələrlə zəngin oldu
BP-nin Azərbaycan, Gürcüstan və Türkiyə üzrə regional prezidenti Qəri Counz jurnalistlər üçün brifinqdə ölkəmizdə həyata keçirilən mühüm neft-qaz və ixrac layihələri çərçivəsində keçən il görülmüş işlərdən və qarşıda duran vəzifələrdən söhbət açdı.
"Azəri-Çıraq-Günəşli” (AÇG) layihəsi üzərində dayanan Q.Counz 2018-ci ildə sözügedən yataqlardan hasilatın ahəngdar və təhlükəsiz şəkildə davam etdiyini bildirdi. Belə ki, il ərzində AÇG-dən gündə orta hesabla 584 min barel, ümumilikdə isə 213 milyon barelə yaxın, yəni 29 milyon ton neft hasil edilib. İlin sonunda bu yataqlar blokunda 117 neft hasilatı quyusu, 44 su injektor quyusu və 7 qaz injektor quyusu istismarda olub, ümumilikdə 17 yeni quyu qazılıb.
Keçən il AÇG-nin əməliyyat xərcləri təqribən 505 milyon dollar, əsaslı xərcləri isə 1 milyard 150 milyon dollar təşkil edib.
İl ərzində AÇG-dən SOCAR-a əsasən Səngəçal terminalı, həmçinin "Neft Daşları”ndakı qurğu vasitəsilə səmt qazının verilməsi də ahəngdar gedib. Terminala "Azəri-Çıraq-Günəşli” və "Şahdəniz” yataqlarından sualtı xətlərlə neft və qazın göndərilməsi uğurla davam edir.
Heydər Əliyev adına Bakı-Tbilisi-Ceyhan əsas ixrac neft kəmərinin fəaliyyətindən bəhs edərkən BP-nin regional prezidenti 2006-cı ilin iyun ayından bu ilin əvvəlinədək bu boru xətti ilə ümumilikdə 417 milyon tondan artıq, yəni 3,12 milyard bareldən çox xam neft nəql edildiyini bildirib. Bu neft həcmləri Ceyhanda 4085 tankerə yüklənərək dünya bazarlarına göndərilib.
BTC-nin keçən il daşıdığı 34 milyon tondan çox xam neft isə Ceyhanda 327 tankerə yüklənib. Hazırda boru kəməri əsasən AÇG neftini və "Şahdəniz” kondensatını nəql edir. Bundan əlavə, kəmərə digər xam neft və kondensat həcmləri, o cümlədən Türkmənistan, Rusiya və Qazaxıstan nefti də vurulur.
Keçən il "Şahdəniz” və Cənubi Qafqaz Boru Kəməri layihələri üçün xüsusilə uğurlu olub. Qəri Counz bu barədə də ətraflı söhbət açıb. Bildirib ki, il ərzində "Şahdəniz”dən 11,5 milyard standart kubmetr qaz və 2,5 milyon ton (təqribən 20,5 milyon barel) kondensat hasil edilib. Beləliklə, yataqdan ümumi qaz hasilatının 100 milyard kubmetrə çatması qeyd olunub. Mövcud "Şahdəniz” qurğularının hasilat gücü hazırda gündə 48 milyon (ildə təqribən 16 milyard) standart kubmetrdir.
Mayın 29-da Səngəçal terminalında "Cənub qaz dəhlizi”nin rəsmi açılışı olduğunu xatırladan Q.Counz iyunun 30-da "Şahdəniz-2” layihəsindən Türkiyəyə ilk kommersiya məqsədli daşımaların başlandığını qeyd etdi. Hazırda "Şahdəniz Bravo” qurğularından qaz və kondensatın terminala, oradan da dünya bazarlarına nəqli davam edir.
Əməliyyatçı şirkətin prezidenti Xəzərdə aparılan geoloji-kəşfiyyat işlərinə, həyata keçirdikləri sosial layihələrə də toxundu və sonda jurnalistləri maraqlandıran sualları cavablandırdı.
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xankəndi Şəhər Prokurorluğunun yaradılması haqqında
05 May
"Azərbaycan Respublikası Hökuməti ilə Türkiyə Respublikası Hökuməti arasında baytarlıq sahəsində əmə...
05 May
"Azərbaycan Respublikası Hökuməti ilə Türkiyə Respublikası Hökuməti arasında gəlirlərə görə vergilər...
05 May
“Elektrik gücü çatmadıqda, sistemin dayanıqlılığını təmin etmək üçün elektrik enerjisinin təminatına...
05 May
“Azərbaycan Respublikası Əmək və Əhalinin Sosial Müdafiəsi Nazirliyinin kollegiyasının tərkibi haqqı...
05 May
`"Azərbaycan Xəzər Dəniz Gəmiçiliyi" Qapalı Səhmdar Cəmiyyəti balansında olan gəmilər üçün müxtəlif...
05 May
Azərbaycanla Qambiya diplomatik pasport sahibləri üçün viza tələbini aradan qaldırıb
04 May
IOFS-in baş direktoru Azərbaycanın beynəlxalq yardım fəaliyyəti barədə məlumatlandırılıb...
04 May
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!