16 May 2024 09:25
3758
Oxucu məktubları
A- A+

Yolsuzluqdan xilas olduq

 

Sumqayıtda doğulub böyümüşəm. Şəhərə yaxşı bələdəm. Bir müddət əvvəl, səhhətimdə  yaranan problemə görə həyət evinə - "Xəzər bağları" yaşayış massivindəki Murovdağ küçəsinə köçdük. 
Əvvəllər  sakinlərin sayı az olduğundan küçədən keçib getmək çətin deyildi. Amma yeni ailələr köçdükdən sonra yollarda problemlər yarandı. Kommunikasiya xətlərinin çəkilişi ilə yollarımız dağıldı və yararsız hala düşdü. Bu çətinliyə dözmək  olardı, bircə təcili tibbi yardım maşınlarının darısqal və yararsız küçədə çətinliklə üzləşdiklərindən bəzən çağırışdan imtina etmələrinə laqeyd qala bilmirdik. Çünki söhbət insan həyatından gedir. Yayda yenə yollar quru olduğundan keçinmək olurdı. Yağışlı havalarda isə çox vaxt yolsuzluq ucbatından vacib iş  dalınca belə getmək mümkün deyildi. Uşaqların məktəbə getməsində çətinlik vardı. Nə isə şəhər rəhbərliyinə müraciət etməkdən savayı əlacımız qalmadı. 
Şükürlər olsun ki, bizim səsimizə səs verildi. Küçəmizdə təmir işlərinə başlanıldı və az bir zaman kəsiyində yolumuz asfaltlandı. Qəzetiniz vasitəsilə bizi yolsuzluqdan xilas edən əlaqədar təşkilatlara minnətdarlığımızı bildiririk. 

Məhərrəm ƏKBƏROV,
Sumqayıt, "Xəzər bağları" yaşayış massivinin sakini 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video