23 May 2023 11:51
331
İDMAN
A- A+

Velosipedçi Musa Mikayılzadə “Tour of Albania” yarışının ilk mərhələsində altıncı olub

 

Albaniyada Beynəlxalq Velosipedçilər İttifaqının (UCI) 2.2 kateqoriyalı “Tour of Albania” yarışına start verilib.

Azərbaycan Velosiped Federasiyasından AZƏRTAC-a verilən məlumata görə, şose velosipedinin qrup ötüşməsi növü üzrə keçirilən beşmərhələli veloturun birinci mərhələsində iştirakçılar Tirana-Duşk-Kerrabe marşrutu üzrə 142,3 kilometr məsafə qət ediblər.

Yarışda 10 ölkəni təmsil edən 13 komandanın heyətində ümumilikdə 79 idmançı medallar uğrunda mübarizə aparıb.

Veloturda iştirak edən kişilərdən ibarət Elit/U23 Azərbaycan yığma komandası mərhələni uğurla başa vurub. Millimizin üzvlərindən Musa Mikayılzadə yarışda əzmkarlıq göstərərək 3 saat 21 dəqiqə 15 saniyə nəticə ilə altıncı olub. Digər velosipedçilərimizdən Samir Cəbrayılov (03:22:35) 12-ci, Kamran Mirzəxanov (03:27:25) 35-ci, Şahin Eyvazov (03:27:27) 37-ci, Nəcəf Bağırov (03:31:13) isə 43-cü yerdə qərarlaşıblar. S.Cəbrayılov marşrutun 38,5-ci kilometrliyində təyin olunmuş sprint ara finişində birinci olduğu üçün aktivinə 5 xal yazdırıb.

Mərhələnin qalibi 3 saat 20 dəqiqə 5 saniyə nəticə ilə Böyük Britaniyanın “Velo Schils Interbike Racing Team” komandasının üzvü Maksimilian Stedman olub.

Qeyd edək ki, yarışda Azərbaycan, Türkiyə, Albaniya, Yunanıstan, Kosovo, Serbiya, Rumıniya, Belçika, Makedoniya və Böyük Britaniyanı təmsil edən komandalar iştirak ediblər.

Veloturun sonuncu mərhələsi mayın 26-da baş tutacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video