13 Iyun 2024 09:05
273
SİYASƏT
A- A+

Uğursuz keşiş başını itirib

 

Revanşistlərin din xadimlərindən vasitə kimi istifadə etmək cəhdləri də puç olur

 

Hayastanda keçmiş hərbi xunta təmsilçilərinin təşkilatçılığı ilə baş nazir Nikol Paşinyanın əleyhinə keçirilən etiraz aksiyaları davam edir. 
Azərbaycan və Ermənistan arasında delimitasiya və demarkasiya prosesinin Hayastan cəmiyyətinin müəyyən bir qismi tərəfindən etirazla qarşılanması, bununla yanaşı, bu aksiyalarda daha çox erməni din adamlarının adının hallanması, əslində, aparılan sülh danışıqlarını hərbi-siyasi, diplomatik kontekstdən çıxarıb dini aspektlərə yönəltmək cəhdidir. 
Xalq arasında nüfuzunu itirən keçmiş hərbi xunta təmsilçilərinin din xadimlərindən vasitə kimi istifadə edilməsi açıq-aydın ortadadır.  Burada əsas nüans da bu yürüşə erməni keşişin başçılıq etməsidir. Hakimiyyət isə bəyan edib ki, sərhədlərin delimitasiyası ölkənin təhlükəsizliyinin təmin edilməsinin yeganə çıxış yoludur. Buna qarşı çıxan erməni radikallar isə hazırda Hayastanı növbəti dağıdıcı müharibə təhlükəsi ilə üzləşdirməyə cəhd göstərirlər. Çünki sərhədlərin delimitasiyasından imtina məhz növbəti müharibəyə legitim səbəblər yaratmaq deməkdir. 
Revanşistlər kütləvi etiraz aksiyaları ilə Paşinyan hakimiyyətinə təzyiq göstərərək, sərhədlərin delimitasiya prosesinin dayandırılmasını tələb ediblər. Halbuki indiki situasiyada kütləvi etiraz aksiyaları heç nəyi dəyişə bilməz. Erməni radikallar hələ ötən əsrin 90-cı illərində olduğu kimi, kütləvi etiraz aksiyaları ilə öz hədəflərinə çata biləcəklərinə ümid bəsləyirlər. 
Dünən də parlament binasının yerləşdiyi Dəmirçyan və Baqramyan küçələrinə əlavə polis qüvvələri cəlb edilib. Binanın qarşısına tikanlı məftillər və xüsusi texnika gətirilib. Üçmüədzin kilsəsinin keşişi Ruben Zarqaryan deyib ki, Hayastan hakimiyyəti çox təhlükəli prosesə başlayır, insanları sıralayır, din xadimlərini ikinci dərəcəli adamlar hesab edir. 
Zarqaryan vurğulayıb ki, Paşinyan Baqrat Qalstanyanın yanına adam göndərib, onunla görüşməyə çalışıb. "Paşinyan bir həftə əvvəl Baqratın təklif etdiyi liturgiyaya istehza etdikdən sonra onunla görüşmək təklifi ilə çıxış edib. Aydındır ki, görüşmək istəyirdi, çünki Tavuşda müqavimət ocağının olduğunu anlayırdı. Bu ocaq indi də var", - deyə o əlavə edib. Bu arada, erməni keşiş Baqrat Qalstanyan deyib ki, hakim fraksiyadan olan deputatlar hakimiyyətin rəhbərlərini sevindirmək, mükafat almaq üçün bir-birilərinə növbə vermədən çıxışlar edirlər. Qalstanyan ona 2018-ci ildə deputat olmaq təklif edildiyi ilə bağlı şayiələrə toxunaraq bildirib: "Sizdən xahiş edirəm ki, Suren Papikyanı tapın, soruşun ki, bunu kimə, necə və hansı şərtlərlə təklif edib? O deməsə, mən deyəcəm, amma onu tapıb soruşun, çünki o yoxdur".
Həftələrdir revanşistlər kilsənin imkanlarından istifadə etməyə çalışırlar. Görünən odur ki, Hayastanda daxili siyasi vəziyyət tədricən mürəkkəbləşməyə doğru gedir. 

Elçin CƏFƏROV,
"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video