14 Mart 2024 09:40
9616
Oxucu məktubları
A- A+

Qovlar Ailə Sağlamlıq Mərkəzinin sağlam münasibətə ehtiyacı var

 

Qovlar şəhəri Tovuzun ən böyük yaşayış məntəqələrindəndir. Əhalisinin sayına görə şəhər statusu alan Qovlarda son zamanlar böyük abadlıq və quruculuq işləri görülmüş, əhalinin məişət məsələləri demək olar ki, həll edilmişdir. Şəhərdə qaz, işıq, su problemi yoxdur. 
Hörmətli redaksiya! Görülən bütün bu müsbət işlər söz yox ki, razılıqla qarşılanır. Lakin bir məsələ illərdir  öz həllini tapmır. Bu da şəhərdəki Ailə Sağlamlıq Mərkəzinin qəzalı binada yerləşməsidir. Sovetlər dönəmində inşa edilən ikimərtəbəli bina təhlükəli vəziyyətdədir. O səbəbdən xeyli vaxtdır ki, binanın ikinci mərtəbəsi bağlıdır. Ümumiyyətlə, uzun illər şəhər sakinlərinin sağlamlığına xidmət göstərən bu səhiyyə ocağının indi özünün "müalicə"yə ehtiyacı var. Tibb avadanlıqları köhnə olduğundan istifadəyə yararsızdır. Odur ki, mərkəzə müraciət edənlərin də sayı gündən-günə azalır. Xəstələr məcbur olub rayon mərkəzinə üz tuturlar. 
Hörmətli redaksiya! Çıxılmaz vəziyyətdə qalmışıq. Bilmirik ki, səhiyyə ocağının təmiri üçün kimə müraciət edək. Səhiyyə Nazirliyinə, yoxsa TƏBİB-ə. Xahiş edirik bu işdə qovlarlılara kömək göstərəsiniz.

Əli ABBASOV,
Tovuz rayon Qovlar şəhər sakini 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video