09 Dekabr 2023 21:16
23689
Səhiyyə
A- A+

Qış mövsümündə faydalı və zərərli qidalar

 

Qış fəslində orqanizm daha çox vitamin tələb edir. Ona görə də mütəxəssislər qeyd edirlər ki, qış mövsümündə xəstəliklərdən qorunmaq üçün ilk növbədə vitamin və faydalı qidalar vasitəsilə orqanizmi möhkəmləndirmək lazımdır. Qış fəslində ən çox istifadə edilən qidalardan biri də turşular olmasına baxmayaraq, tez-tez onun zərərləri və zəhərlənməyə səbəb olması hadisələri ilə rastlaşırıq. Hazırda dükan və bazarlarda turşuların açıq şəkildə müxtəlif taralarda satıldığının şahidi oluruq.

Qida ekspertləri isə qeyd edirlər ki, ümumiyyətlə alınan hər bir qida məhsulunun etiketini tələb etmək lazımdır, çünki bağlı şəkildə alınan konservlər, turşular, şirniyyatlar, hazır bişirilmiş un məmulatlarının mənşəyi məlum deyilsə, ciddi təhlükə daşıyır.

AZƏRTAC xəbər verir ki, qida mütəxəssisi Seymur Qafarov deyib: “Hazırda həmin məhsulların istehsalı ilə məşğul olaraq onun yarımfabrikat şəkildə satışını həyata keçirən müəssisələr var. Bu zaman əldə olunmuş məhsulun üzərindəki etiket məmulatlarına, istehsalçının adı, hüququ ünvanı, istehsal olunmuş məhsulun saxlanılması üçün nəzərdə tutulmuş temperatur və rütubət göstəriciləri, 100 qram məhsulun tərkibindəki qida və kalori dəyəri və digər məlumatlar öz əksini tapmalıdır”.

Mütəxəssislər isə tövsiyə edirlər ki, soyuq aylarda balanslı qidalanmaq lazımdır. Eyni zamanda havaların soyuması gündəlik yeməyin qəbuluna təsir etməməlidir, gün ərzində çoxlu su içilməlidir.

Diyetoloq Leyla Zülfüqarlı deyib: “Payız-qış mövsümü daha çox tərəvəz yeməyə məcbur edən mövsümdür. Tərəvəzlərin bir çox çeşidləri, məsələn, kök və kələmin bir çox növlərindən daha çox istifadə edilməlidir. Qışda xüsusilə kələmin bir çox növləri - qırmızı kələm, Brüssel kələmi, brokkoli, kahı və s. növləri ilə daha çox qidalanmaq lazımdır”.

Qida məhsullarını alarkən istehsal tarixi, saxlama müddəti və şəraitinə əməl etmək lazımdır. Əks təqdirdə sağlamlıq təhlükə altına düşmüş olur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video