05 Dekabr 2023 21:23
259
CƏMİYYƏT
A- A+

Penitensiar Xidmətdə qazilərlə görüş olub

 

Dekabrın 5-də Naxçıvan Muxtar Respublikası Ədliyyə Nazirliyinin Penitensiar Xidmətində Vətən müharibəsində yaralanmış qazilərlə görüş keçirilib.

Nazirlikdən AZƏRTAC-a bildirilib ki, görüşdə əvvəlcə Azərbaycan Respublikasının Dövlət Himni səsləndirilib, görkəmli dövlət xadimi, Ümummilli Lider Heydər Əliyevin və ölkəmizin müstəqilliyi və ərazi bütövlüyü uğrunda canlarını fəda etmiş bütün şəhidlərin əziz və unudulmaz xatirələri bir dəqiqəlik sükutla yad edilib.

Penitensiar Xidmətin rəisi Emin Kazımov çıxış edərək bildirib ki, tədbir Prezident İlham Əliyevin rəhbərliyi ilə Silahlı Qüvvələrimizin 44 günlük Vətən müharibəsində əldə etdiyi Zəfərdə şanlı tarix yazan oğullarımızın qəhrəmanlıqları barədə xatirələrini bölüşməsi, eyni zamanda Azərbaycanın ərazi bütövlüyü uğrunda şəhid olan, yaralanan qazilərimizə, hərbçilərimizə minnətdarlıq və ehtiramın ifadə olunması, onlara və ailələrinə dövlət qayğısının hiss etdirilməsi məqsədilə təşkil edilib. Ölkəmizdə şəhid ailələrinə, müharibə iştirakçılarına və qazilərə yüksək dövlət qayğısının göstərildiyini vurğulayan Emin Kazımov bildirib ki, bu sahədə görülən işlər Naxçıvan Muxtar Respublikasında da uğurla davam etdirilir.

Mühafizə Taborunun rəisi Ramin Əsgərov çıxışında 30 ilə yaxın düşmən tapdağı altında olan torpaqlarımızı azad etməyin hər bir azərbaycanlının ən böyük arzusu olduğunu və həmin arzunun Azərbaycan Ordusu Prezident, Müzəffər Ali Baş Komandan İlham Əliyevin rəhbərliyi ilə 44 gündə reallaşdırdığını bildirib.

Tədbirdə çıxış edən “Naxçıvan qaziləri” İctimai birliyinin sədri Ceyhun Bayramov, “Naxçıvan qaziləri” İctimai birliyinin sədr müavini Əli Əlisoy və qazi Pərviz Muradov müharibə dövrü xatirələrindən bəhs edib, Vətən müharibəsi şəhidlərinin xatirəsinin yaşadılması, qazilərlə görüşlərin keçirilməsi istiqamətində görülən işlərin mənəvi dəstək olduğunu qeyd edərək belə təşəbbüskarlığa və vətənpərvərliyə görə minnətdarlıqlarını bildiriblər.

Xidmətin rəisi tərəfindən qazilərə tədbirdə iştirak etdikləri üçün minnətdarlıq ifadə edilib, onlara təşəkkürnamələr və qiymətli hədiyyələr təqdim edilib.

Sonra Zəfərə gedən yoldan bəhs edən “Komandirlər danışır” sənədli filmi izlənilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video