10 Iyun 2022 22:48
773
SİYASƏT
A- A+

Pakistan XİN-də Azərbaycanla diplomatik münasibətlərin qurulmasının 30-cu ildönümü ilə bağlı tədbir və fotosərgi təşkil olunub  

Azərbaycan Respublikasının Pakistandakı səfirliyi bu ölkənin Xarici İşlər Nazirliyi ilə birgə Azərbaycan-Pakistan diplomatik münasibətlərinin qurulmasının 30-cu ildönümü ilə bağlı Pakistan Xarici İşlər Nazirliyində (XİN) tədbir və fotosərgi keçirib.

Səfirlikdən AZƏRTAC-a bildirilib ki, tədbirdə hər iki ölkənin dövlət himnlərinin səslənməsindən sonra Azərbaycan Respublikasının Pakistandakı səfiri Xəzər Fərhadov və Pakistan xarici işlər nazirinin müavini Sohail Mahmud çıxış ediblər.

Səfir Xəzər Fərhadov iyunun 9-da ölkələrimiz arasında diplomatik əlaqələrin qurulmasının 30-cu ildönümünün qeyd olunduğunu bildirib və bu münasibətlə öz təbriklərini çatdırıb. Azərbaycan-Pakistan əlaqələrinin ötən illər ərzində strateji tərəfdaşlıq səviyyəsinə çatdığını ifadə edən səfir əlaqələrin bu səviyyəyə çatmasında hər iki ölkə rəhbərlərinin rolunu xüsusi vurğulayıb. Səfir qarşılıqlı həyata keçirilmiş yüksək səviyyəli səfərləri və bu səfərlərin iki ölkə arasında əlaqələrin daha da gücləndirilməsinə verdiyi töhfələri diqqətə çatdırıb. X.Fərhadov Pakistan Hökuməti, Parlamenti və xalqı tərəfindən istər keçmiş Dağlıq Qarabağ münaqişəsi istərsə də Vətən müharibəsi dövründə Azərbaycana göstərilmiş siyasi və mənəvi dəstəyi xüsusi qeyd edib və bu dəstəyə görə Pakistan Hökumətinə, parlamentinə və xalqına təşəkkürünü çatdırıb. Azərbaycan-Pakistan münasibətlərinə toxunan səfir Hökumətlərarası Birgə Komissiyanın fəaliyyəti, Komissiyanın tərkibində yaradılmış 10-a yaxın işçi qrupunu, həmçinin Karaçi, Lahor və İslamabaddan Bakı şəhərinə başlamış birbaşa uçuşlarla bağlı məlumatları qonaqların diqqətinə çatdırıb. X.Fərhadov tədbirdə, həmçinin Azərbaycan-Pakistan-Türkiyə üçtərəfli xarici işlər nazirləri və parlament sədrləri formatındakı əməkdaşlıq haqqında ətraflı məlumatları da vurğulayıb.

Pakistan xarici işlər nazirinin müavini Sohail Mahmud tədbirdə çıxış edərək diplomatik münasibətlərin qurulmasından sonra Pakistan-Azərbaycan ikitərəfli əlaqələrinin möhkəm və çoxşaxəli tərəfdaşlığa çevrildiyini bildirib. Hər iki ölkənin beynəlxalq arenada bütün məsələlərdə daima bir-birini dəstəklədiyini qeyd edib. Azərbaycan Respublikasının Birinci vitse-prezidenti Mehriban xanım Əliyevanın təşəbbüsü ilə Heydər Əliyev Fondunun Pakistanda həyata keçirdiyi humanitar layihələrdən də danışaraq bu layihələrin iki ölkə arasındakı münasibətlərin daha da dərinləşməsinə töhfə verdiyini bildirib və Mehriban xanım Əliyevanın bu fəaliyyətlərinə görə Pakistanın ən ali dövlət mükafatı “Hilal-e-Pakistan” ordeni ilə təltif olunduğunu xüsusi vurğulayıb. Sohail Mahmud ikitərəfli əlaqələrimizin bütün sahələr, xüsusilə iqtisadi, ticarət və mədəniyyət sahələri üzrə daha da gücləndirilməsinin vacibliyini vurğulayıb. Nazir müavini çıxışının sonunda Azərbaycan və Pakistan arasında diplomatik münasibətlərin qurulmasının 30-cu ildönümü ilə əlaqədar hər iki ölkə xalqını təbrik edib.

Çıxışlardan sonra Azərbaycan Respublikası və Pakistan İslam Respublikası xarici işlər nazirlərinin diplomatik münasibətlərin 30-cu ildönümü ilə bağlı göndərdikləri təbrik məktublarının mübadiləsi həyata keçirilib.

Tədbirdən sonra Azərbaycan-Pakistan diplomatik münasibətlərinin qurulmasının 30-cu ildönümünə həsr olunmuş fotosərginin açılışı olub və qonaqlar sərgi ilə tanış olublar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video