21 Iyun 2024 09:45
188
İDMAN
A- A+

Mükəmməl başlanğıc

 

Türkiyə millisini Portuqaliya ilə çətin oyun gözləyir

 

"Avro-2024"ün ilk turu çərçivəsində F qrupunda oynanılan qarşılaşmada Türkiyə millisi  Gürcüstana 3:1 hesabı ilə qalib gəldi. Ümumiyyətlə, qrupda hər oyunun öz fərqli planları olmalıdır. Kağız üzərində favorit türklər idi. Ancaq  baş məşqçi Vinçenzo Montellanın ilk hissədəki oyun planı heç cürə tutmadı.  Aydın məsələdir ki, 5-li müdafiə xətti ilə meydana çıxan kollektivə qarşı hücumun mərkəzində Barış Alperlə çıxmaq faydalı iş əmsalını aşağı salır. 
Gürcüstan yığması isə topu rəqibə verərək müdafiə olunmaqla, yaranan ani əks-hücumlarda qol epizodları yaratmağa çalışırdı. Lakin bundan da istifadə edə bilmirdi. Çünki Türkiyədə yarımmüdafiənin mərkəzində Hakan Çalhanoğlu, Orkun Kökçü və Kaan Ayhan triosu  meydançada elə düzgün yerləşmişdilər ki, rəqibə boş zona qoymurdular.
Ancaq birinci və ikinci fazada uğurlu olan  Türkiyə millisi hücum xəttində istənilən tempi yaxalasa da, rəqibin müdafiə səddini yara bilmədi. Beşli müdafiə xətti ilə meydana çıxan Gürcüstana qarşı hücumun mərkəzində Barış Alperlə oynamaq faydalı iş əmsalını aşağı saldı.  Fasilədən sonra Barışın sağ cinaha çəkilməsi, Arda Gülərin mərkəzə daha yaxın oynaması Montellanın düzgün qərarı idi. Bununla da Gürcüstanın sol cinahdan hücumlara çıxmağı da çətin alındı. Nəticədə mərkəzdə daha yaxşı təsir bağışlayan Arda Gülər uzaqdan vurduğu mükəmməl zərbə ilə komandasını hesabda irəli çıxardı. 
Sabah Türkiyə millisini Portuqaliya ilə çətin oyun gözləyir. Ümid edirik ki, hər matçın fərqli hekayəsi, oyun planı olduğu kimi, məşqçilər korpusu da yeni kəşflərə çıxmayacaq, düzgün heyətlə qardaş ölkəyə növbəti zəfəri qazandıracaqlar. 
Uğurlar, Türkiyə! 
 
Elçin CƏFƏROV,
"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video